Juan 2:25 - Nacom Pejume Diwesi po diwesi pena jume diwesi xua Jesucristo yabara tinatsi

²⁵ Daxota jopa nantawenonaeyo xua ichamonae Jesús petsipaebiwatsi icha jiwi yabara. Tsipei bapon Jesús daxita jʉntʉ coyenein yaputane jiwi.

Juan 2:25 Iomraidhean Croise

Mateo 9:4

Daichitha Jesús yaputane xua barapomonae pijʉntʉ coyeneintha natsipaeba. Jesús barai barapomonae, jeye: —¿Eta xua metha baxua abeya pana neyabara cananta xeiname?

Juan 1:42

Bapoxonae Andrés peweicho capona, Simón capoinchi ichaxota Jesús uncua. Poxonae Jesús tane xua poxonae Simón tainchi, jeye: —Xam Simón Juan pexanto tatsim. Ichitha xam anoxuae newʉn Cefas tsane, barapo wʉn Cefas wʉn jei: ‘Iboto’, jei, jei Jesús. Seicaya griego jume wʉn ‘Pedro’, jei barapo wʉn irʉ jei: ‘Iboto’, jei.

Juan 1:47

Poxonae Jesús tane xua Natanael imoxoyo caquita pona, Jesús jeye: —Patopa pebin pepa israelmonaepin, pon jopa jiwi pemuxuitorobin, pon xaniwaicha pejume cowʉntsin Nacom, jei Jesús.

Juan 13:11

Jesús jeye: “Paxam pejʉntʉ coyene xeicae jiwi pam, ichitha caein jiwana pam jopa daichiyo”, jei. Jesús baxua paeba tsipei yaputane xua caein jiwana pomonae Jesús pijimonae tatsi, bapon Jesús caenaetinchi.

Juan 6:61

Ichitha Jesús yaputane pocotsiwa xua peyabara paebiwatsi barapomonae xua peayapubexae pocotsiwa Jesús pepaebiwa. Nexata Jesús yainyaba barapomonae, jeye: —Pocotsiwa aunxuae paca tsipaebatsi, ¿baxua pacata ayapube?

Juan 6:64

Ichitha cataunxuae pinmonae pomonae paxam jiwana pam, jopa nejume cowʉntsiyo, jei Jesús. Caena bayatha Jesús copiya wʉnae tsiwanaya yaputane pomonae jopa pejume cowʉntsiwa tsainchi. Mataʉtano caena bayatha Jesús copiya wʉnae tsiwanaya yaputane pon pecaenaetsiwa tsainchi tsane ichamonaetha xua pebexubiwa tsainchi Jesús.