Juan 19:7 - Nacom Pejume Diwesi po diwesi pena jume diwesi xua Jesucristo yabara tinatsi

⁷ Ichitha judiomonae Pilato jume notatsi, jeye: —Paxan pata taitorobi coyenewa paxeinan. Bapon pia coutha Nacom Pexanto tatsi natsicotane daxota bapon bewa tʉpaena tsipei pata taitorobi coyenewa baxua peyabara paebixae, jei judiomonae.

Juan 19:7 Iomraidhean Croise

Marcos 15:39

Soldadomonae pia pentacaponaein tatsi, pon romanomonaepin pon Jesús peitabaratha tauncuatsi, poxonae bapon tane xua Jesús tʉparucua, bapon jeye: —Apara bara yatsicaya bapon Nacom pepa Pexanto tatsi, jei.

Juan 19:8

Poxonae Pilato baxua jume tane, Pilato nama bichocono equeicha junuwa.

Juan 5:18

Daxota bichocono nama judiomonae jopa juniya anaepanaeyo, yawa ichichipa xua Jesús pebexubiwa tsainchi. Barapomonae anaepana tsipei yaitama Jesús po mataqueitha pentaquei seicae matacabitha nacuita poxonae bequein barapomonae jopa copatsiyo. Mataʉtano anaepana tsipei Jesús naexana xua Nacom pecui jʉpaewatsi, yawa tsipei jeye: “Nacom, Taxa”, jei.

Hechos 18:13

Judiomonae namchi, Galión baraichi, jeye: —Poxonae bapon Pablo paeba ducuanaebeiba pinmonae baraxua jume jejei tsaibi. Pablo cuidubeiba jiwi, xua pinae jame bewa jiwi wʉnae jainteibi Nacom po coyene jopa jʉpaeyo Moisés pia peitorobi coyenewa tatsi, jei barapomonae.

Romanos 1:4

Poxonae Nacom pia peayapusʉ itorobi coyenewatha Jesucristo pon Wanacanamataxeinaein asʉ exanatsi petʉpae cuiru coyene weya, bapoxonae Nacom tsita itapeinya xeina jiwitha xua bapon Jesucristo bara Nacom Pexanto tatsi po pexantoxae tatsi pia jumope tʉnaxʉ tatsi jʉntʉ coyene xanepana Nacomtha.