Juan 18:33 - Nacom Pejume Diwesi po diwesi pena jume diwesi xua Jesucristo yabara tinatsi

³³ Bapoxonae Pilato equeicha pia pin pia bo bejoniya yawa Jesús wabatsi, jeichici: —¿Xam judiomonae itorobiya pia pepa Neewatsin? jei Pilato.

Juan 18:33 Iomraidhean Croise

Mateo 27:11

Jesús cataunxuae uncua Pilato peitabaratha, pon Judea nacuapiwi peyanacua ewatsinchi. Bapon Pilato Jesús yainyabatsi, jeye: —¿Bara yatsicaya xam judiomonae itorobiya pia pepa Neewatsin? jei. Jesús jume nota, jeye: —A, xuaunxuae paebame bara baxua apara, jei Jesús Pilato beya.

Mateo 27:27

Bapoxonae soldadomonae Jesús capoinchi Pilato pia bo tatsi beya po soldadomonae yapu eena Pilato pia bo tatsi. Bapoxonae barapo soldadomonae waba icha soldadomonae xua daxita barapo soldadomonae Jesús pematawacaicha umenaenexa tsainchi.

Marcos 15:2

Pilato Jesús yainyabatsi, jeye: —¿Bara xam yatsicaya judiomonae itorobiya pia pepa neewatsin? jei. Jesús jume nota, jeye: —Xuaunxuae paebame bara baxua apara, jei Jesús.

Lucas 23:2

Baxota daxita barapomonae Jesús cui yopitatsi xua abe exana, jeye: —Barapo pebin patan xua wajiwimonae jume cui tsacabatsi xua anaepana cana exanatsi. Yawano pajume tanno pocotsiwa jopa bewa pinae paratixi matoma catsi pontha pon romanomonae itorobiya pia pepa peewatsinchi. Mataʉta bapon nayabara paeba: ‘Xan apara Mesías pon jiwi itorobiya pepa Taewatsin’, jei, jei barapomonae.

Juan 1:49

Bapoxonae Natanael jume nota, jeye: —Pon jiwi Necuidubim. ¡Apara xam bara Nacom Pexantom! ¡Apara bara xam Israel nacuamonae itorobiya pia pepa Neewatsim! jei Natanael.

Juan 12:13

Barapo pin bicheito peaxu ucuboba po axu icha coichaxu axu ichi. Barapomonae Jesús matenta iyiyatsi xua Jesús pententa weyataeya wabinexatsi. Yawa jume daunweya wawaya jeye: —¡Pai jayana! ¡Maisa Jesús pon Pecanamataxeinaein jiwi deta wʉnae, bapon patopa Nacom peitorobixae! ¡Maisa Nacom bichocono wʉnae jaintatsi pon peitabocotha eca! ¡Maisa Jesús deta wʉnae, pon Israel nacuamonae itorobiya pia pepa Peewatsinchi tatsi! jei barapo pin bicheito.

Juan 12:15

“Sión tomarapiwi pam, jopa pajunuwinde. Pataema pon itorobiya pepa painya Nepacacaewatsin. Bapon pacata patopaena xua burrotha equeicaena”, jei Nacom Pejume Diwesitha.

Juan 18:34

Jesús jume nota, jeye: —¿Apara jincoya necayabara cananta xeinaeya yainyabame? Apara ichʉn yabara necatsipaebixae baxua, ¿daxota barapo jumetha neyainyabame? jei Jesús.

Juan 18:37

Nexata Pilato Jesús jeichichi: —¿Apara xam pon jiwi itorobiya pia pepa Neewatsin? jeichichi Jesús. Jesús jume nota, jeye: —Aa, apara bara xan bapon pon jiwi itorobiya pia pepa Taewatsin xuaunxuae bara paebame. Daxota naexanan po cae pin nacuathe yawa patopan tapaebinexa xua pocotsiwa pexainyeiwa yatsicaewa. Daxita pomonae ichichipa xua pejume cowʉntsiwa xua barapo pexainyei jume, barapomonae bara nejume tane, jei Jesús.

Juan 18:38

Pilato Jesús baraichi, jeye: —¿Eta pocotsiwa metha pocotsiwa pexainyeiwa? jei Pilato. Poxonae Pilato baxua yainyaba, bapoxonae Pilato equeicha aisowa bejoniya xua equeicha judiomonae petsipaebinexatsi. Pilato barai judiomonae, jeye: —Xan jopa jume itaraerowinyo bapon xua po jumetha nayaita anae exanaena xua pebexubinexatsi.

Juan 19:12

Poxonae baxua Pilato jume taeba, bequein bichocono nanta xeina xua Jesús bara saya pepu sotabiwa tsainchi, ichitha junuwa poxoru judiomonae jume daunweya wawai. Barapomonae jeye: —¡Icha xam bara saya, pu sotabame, apara romanomonae itorobiya pia pepa peewatsinchi bapon jopa pia jiton tsipaem! ¡Pon pia coutha naexana xua be natsicotane pon jiwi itorobiya pia pepa peewatsinchi, bapon apara romanomonae itorobiya pia pepa peewatsinchi bapon pia peaitafaetabinchi jitontsi! jei judiomonae.

Juan 19:3

Bapoxonae barapo soldadomonae Jesús imoxoyo cacuita umenarʉcʉpatsi. Yawa Jesús cui caponaeya jeichichi: —¡Jaina, maisa wʉnaem pon judiomonae itorobiya pia pepa Neewatsin! jei barapo soldadomonae xua Jesús cui capoinchi. Bapoxonae Jesús itabara cuaintatsi.

Juan 19:4

Equeicha Pilato pesato bejoniya judiomonae beya. Pilato barai judiomonae, jeye: —Matha pataema. Bapon pacata carenaeinchi, painya neyaputaenexa xua xan jopa jume taeinyo xua po jumetha penayaita anae exanaewa xua pebexubinexatsi barapo pebin, jei Pilato.

Juan 19:9

Equeicha Pilato Jesús caibe maxʉ coniyatsi bo beya. Baxota Pilato Jesús yainyabatsi. Jesús jeichichi: —¿Eta werenapim xam? jei Pilato. Ichitha Jesús jopa jume notsiyo.

1 Timoteo 6:13

Catsipaebatsi Nacom peitabaratha, pon pia peantʉyapusʉwa cata daxitan coyeneintha. Mataʉtano catsipaebatsi Jesucristo peitabaratha, pon beta jume nota, xua pon Poncio Pilato beta jume notatsi.