Juan 16:24 - Nacom Pejume Diwesi po diwesi pena jume diwesi xua Jesucristo yabara tinatsi

²⁴ Caena bayatha xua beya anoxuae jopa pana newʉn caununaya wʉcaem Taxa beicha. Anoxuae nama pana newʉn caununaya wʉcaename Taxa beicha. Bara baxua pacata exanaena xua bichocono yatsicaya painya nejʉntʉ coyene weiweinaewa tsane”, jei Jesús pijimonaetha.

Juan 16:24 Iomraidhean Croise

Mateo 6:9

Daxota Nacom patsipaebare, paichinde: ‘Pata Taxam, xam ponxaem peitabocotha athabeicha neecaein. Barabʉ daxita jiwi cabarʉ cui itura jina nejʉntʉ coyene xanepanaeinxae.

Juan 14:1

Equeicha Jesús pijimonae barai, jeye: “Jopa yabara nantʉ exabinde ichawan. Pana neyabara jume cowʉnteibare yawano Taxa payabara jume cowʉnteibareno.

Juan 14:14

Bara pacata exanaeinchi poxonae pana newʉn caununaya wʉcame Taxa beicha, jei Jesús.

Juan 15:11

“Baxuan paca tsipaebatsi xua paca jʉntʉ coyene xanepana exanaeinchi xua bapoxonae bichocono pajʉntʉ coyene weiweinaename.

Juan 16:23

“Barapo mataqueitha, po mataqueitha Taxa beicha ponaein, equeicha bara nama jopa painya tana neyainyabiwam tsane. Saya meisa poxonae Taxa beicha pana newʉn caununaya wʉcaename, bara baxua daxita pacata exanaena. Baxuan pocotsiwa paca tsipaebatsi bara xainyan.

Juan 3:29

Poxonae ba pebin pecotsiwa pita bapon pona yabʉyo pia botha tatsi. Pon piowa pepichixae bapon pia jiton tatsi bichocono jʉntʉ coyene weiweina xua bapon piowa pepichixae poxonae jume taeuncua xua pia jiton tatsi piowa pita. Icha pebin cana ichichi pia jiton, bara jʉta ichin Jesucristotha anoxuae. Bichocono jʉntʉ coyene weiweinan tsipei daxita jiwi Mesías puna poinchi.

2 Tesalonicenses 1:2

Barabʉ Nacom, Waxa, irʉ Jesucristo, pon jiwi Pecanamataxeinaein, paca yawenaena pia paca necaantobewaxae xua jʉntʉ coyene weiweinaya painya nejinompaewa tsane. Mataʉtano barabʉ betiya xanepanaya jʉntemiya jinompa paca cana exanaena.

2 Juan 1:12

Ainya diwesin bequein cataunxuae xeinan xua tapaca camuxu tsipaebiwa tsainchi, ichitha jopa beyabara tinaeinyo paperatha barapo diwesin. Daichitha ewatan xua tapaca cataewa tsainchi bexa, mataʉtano xua tapaca catsipaebiwa tsainchi. Bapoxonae wajʉntʉ coyene weiweinaenexa tsainchi bichocono.