Juan 16:1 - Nacom Pejume Diwesi po diwesi pena jume diwesi xua Jesucristo yabara tinatsi

¹ Equeicha Jesús barai pijimonae, jeye: “Baxua paca tsipaebatsi xua jopa painya nebarapentsiwa tsane xua tapana nejume cowʉntsiwam poxonae jiwi abe pacata exanaena.

Juan 16:1 Iomraidhean Croise

Mateo 11:6

Patsipaebarebe Juan xua xan janje: ‘Jʉntʉ coyene weiweinaena pon jopa ainya ʉnthʉthʉnyo, pon xaniwaicha neyabara jume cowʉnta’, xua jan”, jei Jesús.

Mateo 13:57

Daxota barapomonae Jesús casebatsi pecui uwixaetsi. Barapomonae uwa tsipei Jesús bichocono peyaputaein. Jesús namchi jiwitha, xua nayabara paeba, jeye: —Daxita jiwi ba barʉ cui itura jina pontha pon Nacom peitorobi jume pepaebin. Nama pia nacuapiwi tatsi irʉ pia bomonae matabʉxʉyomonaepiwi tatsi barapomonae ba jopa bapon barʉ cui itura jinaetsi, jei Jesús, xua nayabara paeba.

Mateo 24:10

Barapo matacabintha jiwi pentsina xua Nacom pejume cowʉntsiwatsi. Mataʉtano daxita jiwi nacasebina, mataʉta barapomonae piamonae caenaetsina ichamonaetha.

Juan 15:11

“Baxuan paca tsipaebatsi xua paca jʉntʉ coyene xanepana exanaeinchi xua bapoxonae bichocono pajʉntʉ coyene weiweinaename.

Juan 16:4

Baraxua paca tsipaebatsi xua painya tana necayabara jume cananta xeinaewam tsane poxonae barapo matacabi tsane poxonae po mataqueitha jiwi abe pacata exanaena. “Poxonae aena tamropata pitaban tanacuichiwa baraxua jopa paca tsipaebichi tsipei paca barʉ popoinchi.

Romanos 14:21

Jame pocotsiwa xua xanepanaya painya neexanaewa tsane meje baxue: Jopa bewa paxaem pewi. Mataʉtano jopa bewa paapaem peamenetsaxawa. Mataʉtano jopa bewa paexanaem pocotsi coyenewatha painya jiton exanaena pon irʉ pejume cowʉntsin Cristo xua abe peexanaewa tsane.

Filipenses 1:10

Bapoxonae payaputaename xua itapetsiya paexanaename pocotsi coyene bichocono xanepana. Bapoxonae bichocono pajʉntʉ coyene xanepanaya jinompaename. Yawano poxonae Cristo patopaetsica bapon jopa paca yabara paebi tsane xua panatsicuentame abe painya neexanaewan.

1 Pedro 2:8

Nacom Pejume Diwesitha equeicha jeye: “Barapo ibotiyotha jiton taxu aʉtabatsi. Mataʉtano barapo iboto, ichacuitha jiton xuirapopa exainchi”, jei Nacom Pejume Diwesi. Jiton ba xuirapopa poxoru jopa taeyo barapo iboto. Po iboto Nacom yabara paeba barapo iboto Jesucristo yabara jʉtsiya canaʉtapaebatsi. Jiwi jopa beta exanaeyo poxoru jopa jume cowʉntsiyo xua Nacom Pejume diwesitha Jesucristo yabara paebatsi. Caena bayatha Nacom pewʉnaeya yabara cui yaputane xua barapomonae peexanaewa tsane baxua.