Juan 11:44 - Nacom Pejume Diwesi po diwesi pena jume diwesi xua Jesucristo yabara tinatsi

⁴⁴ Bapoxonae pon xua tʉpa mʉthʉ wejondena. Xua bayatha paparuwatha maxʉ caecunta cʉbaxotsi yawa pesito decano yawa xua painyaweratha itabara yarabaxotsi, baxuan Lázaro yawa jondena. Jesús barai jiwi, jeye: —Daxita baxuan paweisacare, bapoxonae bʉ bara pona, jei Jesús.

Juan 11:44 Iomraidhean Croise

Marcos 5:43

Bapoxonae Jesús jume daunweya itoroba jiwitha xua baxua jopa peyabara paebinexatsi ichamonaetha pocotsiwa Jesús cana exana barapowayotha. Bapoxonae Jesús itoroba xua barapo pexuyo bara peapatsiwa tsainchi pexaewa.

Lucas 19:20

“Irʉ icha pia petanacuichinchi patopa, bapon jeye: ‘Tanecanamataxeinaem, taema xote xeinanje jinya paratiyo, cata mata quiyontabatsi painyaweratha.

Lucas 7:15

Nexata pewowin pon tʉpa, nantacotecataba, yawa tamropata pitaba xua pecueicueijeiwa. Jesús coxiwatha cana cobenata pexanto.

Juan 10:30

Xan, irʉ Taxa bara caein panbe, jei Jesús.

Juan 11:39

Jesús barai barapomonae, jeye: —Papataxore ibo panawa, jei Jesús. Lázaro pon tʉpa bapon pamcho tatsi Marta, Jesús jeichi: —Patatanecanamataxeinaem, apara bayatha pepon bichocono tuxamna, tsipei bayatha cuatro po matacabibe yapucaewa poxonae tʉpa, jei Marta.

Juan 11:43

Poxonae Jesús najume weta baxua, bapoxonae jume daunweya wawai, jeye: —¡Lázaro, bara wejondena! jei Jesús.

Juan 19:40

Bapoxonae José irʉ Nicodemo pitabe Jesús petʉpaein. Yawa paparuwatha petuxuei beno muxuna capanaboinca mata quiyontabicabe. Baxua exanabe, tsipei judiomonae pia cui coyene xeina xua poxonae pon petʉpaein canacui wʉnae wetatsi poxonae namʉthʉqueiba.

Juan 20:5

Yawa mʉthʉ beya nabʉxʉ tsutiya necobiyan. Paparuwa tan xua iratha boca, po paparuwatha Jesús petʉpaein mata quiyontabatsi, ichitha jopa joniyaeinyo.

Juan 20:7

Mataʉtano taneno po paparuwatha Jesús matasipa quiyontababotatsi. Barapo paparuwa nanta quiyontabiya tsanaya boca.

Juan 5:21

Taxa equeicha asʉ cana exana pomonae caena bayatha werapa. Xan barichin tsane Nacom Pexantonxaein equeicha asʉ cana exanaein pomonae pewerapaewi, pomonae xua ichichipan xua asʉ tacana exanaewa.

Juan 5:25

Xainyeya paca tsipaebatsi. Apara anoxuae barapo matacabi patope, po mataqueitha pomonae be pewerapaewi jopa pexeinaexae peajʉntʉyapusʉwa, barapomonae nejume taena. Yawano icha barapomonae nejume cowʉntsina bapoxonae xeinaena peajʉntʉyapusʉwa.

Filipenses 3:21

Wapepon, po pepon jopa wʉnaetsi, po pepon atene yawa xua tʉpaena bapon equeicha icha pepon naca exanaena, pocotsi pepon icha Cristo ichi xua po pia pepon tatsi bichocono xeina pexeinya peitʉpanae coicha, xua po pia pepon tatsi jopa ateneyo, yawa xua jopa tʉpaeyo. Baxuan Cristo nacata exanaena pia peayapusʉ itorobi coyenewatha, po peayapusʉ itorobi coyenewatha itacʉpatsi xua daxita pecanamataxeinaewa.

Apocalipsis 1:18

Xan ponxaein xua copiya bayatha tapoponaein. Bequein bayatha tʉpan ichitha equeicha anoxuae asʉ poponan xua ataya petsitecaenexa. Nacom necata taitorobi coyenewa xua petʉpaewi taitorobeibinexa petʉpae coyene nacua beya.