Juan 1:46 - Nacom Pejume Diwesi po diwesi pena jume diwesi xua Jesucristo yabara tinatsi

⁴⁶ Natanael jeye: —Dapon pebin pon pejʉntʉ coyene xanepanaein Nazaret tomara weya bapana jopa ponae. Tsipei daxita barapo tomarapiwi apara peajʉntʉcuiruyapubewi, jei Natanael. Felipe jume barai, jeye: —Anetha incane matha taema, jei Felipe.

Juan 1:46 Iomraidhean Croise

Mateo 10:3

Irʉ ichʉn pewʉn Felipe, irʉ ichʉn pewʉn Bartolomé, irʉ ichʉn pewʉn Tomás, irʉ ichʉn pewʉn Mateo. Barapon Mateo pon paratixi pentoma noteibin po paratixi jiwi bewa catsibina pon romanomonae itorobiya pia pepa peewatsinchi nexa. Irʉ ichʉn pewʉn Santiago, pon Alfeo pexanto tatsi. Irʉ ichʉn pewʉn Tadeo. Irʉ ichʉn pewʉn Simón, pon celotemonaepin. Irʉ ichʉn pewʉn Judas Iscariote, pon Jesús caenaetaxubatsi ichamonaetha xua pebexubinexatsi.

Mateo 2:23

Poxonae José patopa barapo nacuatha, bapoxonae popona po tomaratha, po tomara pewʉn Nazaret tomara. Baxua José cana cui wetsiya exanatsi, xua bayatha Nacom pia peitorobi jume pepaebiwi Jesús cayabara tsiwʉnae muxu dutsiya jeye: “Bapon wʉn dutinchi po wʉn jei: ‘Nazaret tomarapin’, jei”, jei barapo Nacom pia peitorobi jume pepaebiwi.

Lucas 12:57

Equeicha Jesús namchi jiwitha, jeye: “¿Eta xua metha painya coutha beta jopa pana nayabara nanta xeinaem xua icha metha wʉnae painya neexanaewa?

Juan 1:44

Barapon Felipe Betsaida tomarapin, po tomaratha irʉ Andrés popona irʉ Pedro.

Juan 1:45

Nexata Felipe Natanael wenaweneichi, yawa Felipe barai bapon, jeye: —Pebin pacaxinan, pon bayatha Moisés yabara tsiwʉnae cui tina pia peitorobi diwesi jume coyenewatha. Mataʉtano pon bayatha irʉrʉ Nacom peitorobi jume pepaebiwi yabara tsiwʉnae cui tina. Bapon apara Jesús, José pexanto tatsi. Bapon Jesús pon Nazaret tomarapin, jei Felipe.

Juan 12:21

Barapo griego nacuamonaepiwi Felipe imoxoyo caquita poinchi. Barapon Felipe Betsaida tomarapin xua Galilea nacuatha. Barapo griego nacuamonaepiwi Felipe tsipaebatsi, jeichichi: —Incane matha pana nejume taema. Pata bequein Jesús taetsi, jei.

Juan 14:8

Nexata Felipe Jesús baraichichi, jeye: —Patatanecanamataxeinaem, copare xua Axa pata tha taetsi. Bapoxonae jʉntema pata jinompaewa tsane, jei Felipe.

Juan 4:29

—Anetha, pataema pebin ichaxota mʉthʉ mene. Bapon yabara netsipaeba daxita pocotsiwa bayatha caena exanan. ¡Apara bapon metha Mesías! jei bapowa.

Juan 6:5

Jesús tane xua puna poinchi pin bicheito. Bapoxonae Jesús barai, Felipe baraichi jeichichi: —¿Eta xota metha pexaewa barapomonae ʉpain comocaeinchi? jei Jesús Felipetha.

Juan 6:7

Nexata Felipe Jesús jume notatsi, jeye: —Bequein doscientos po pan matabʉxʉmonae comocaetsipathatsi jopa awiya jʉpaetsipae xua daxita barompaya pexexeinaponaewa barapo bicheito. Barapo denario paratiyo matawʉn xua bichocono matoma nawita xua caentaqueitha nexa xua matoma xeineiba pomonae penacuichiwi, jei Felipe.

Juan 7:52

Nexata fariseomonae Nicodemo jume notatsi, jeye: —¿Xam irʉrʉ barichim Galilea nacuapin naexaname, po Galilea nacuapiwi jopa beta yaputaeyo? Maisa jame matowa yorobare Nacom Pejume Diwesi. Xain yaputaneme xua dapon aibi pon xua Nacom peitorobi jume pepaebin, pon Galilea nacua werena pona, jei fariseomonae.

1 Tesalonicenses 5:21

Incane pajume taema daxita po diwesin xua barapomonae paeba icha bara metha xaniwaicha po diwesin pona Nacom weya. Saya paitapere po coyene xua pexainyeiwa.