Juan 1:38 - Nacom Pejume Diwesi po diwesi pena jume diwesi xua Jesucristo yabara tinatsi

³⁸ Nexata Jesús napatomeicha necota caibeya yawa tanebe xua barapo pebinbe Jesús puna poinchibe. Bapoxonae baponbe Jesús yainyaba, jeye: —¿Painya eta xuatsi? Jesús jume notatsibe baponbe, jeibe: —Pon jiwi Necuidubim, ¿exota poponame? jeibe.

Juan 1:38 Iomraidhean Croise

Lucas 10:39

Marta peyapiyo nantaʉta powa pewʉn María. Barapowa María Jesús caquita ecatsi xua Jesús pejume taenexatsi pocotsiwa paeba.

Lucas 14:25

Pin bicheitomonae Jesús puna poinchi. Jesús napatomeicha necota, namchi barapomonaetha, jeye:

Lucas 15:20

Nexata bapon paxa beya caibe nawiya. “Poxonae cataunxuae tajʉ jiniya, paxa taebiyatsi, coxiyan pexanto yabara nantanuweya cui nanta xeina. Coxiyan pexanto matenta cuinaepoinya. Nexata pexanto cobe jayaba. Jʉntʉ coyene weiweinaya pexanto naisa cateita waetaba peantobexae.

Lucas 19:5

Jesús barapo nae cacuita ecapona, bara asiya necoicha. Poxonae Zaqueo naetha tayeichatsi, Jesús namchi, jeye: —Zaqueo, nainya ecoinca tha jinya botha ecaetsi anoxuae, jei Jesús.

Lucas 22:61

Nexata Jesús napatomeicha necota, Pedro necoyatsi. Nexata Pedro nanta xeinataba xua bayatha Jesús Pedro tsipaebatsi, poxonae jeye: “Xam barapo merawithe, pewʉnaeya poxonae wacara pebto fibina xam copiya acoibi po jume cuiyobetha neyabara jam tsane: ‘Jopa dapon yaitaeinyo’, neyabara jam tsane. Barapoxonae irʉ nainya wacara pebto fibina”, jeichi Pedro xua Jesús paeba.

Lucas 8:38

Pebin, pon wepu poinchi caurimonae, Jesús wʉcatsi xua bepara puna ponaetsei Jesús. Ichitha Jesús jopa copatsiyo xua pepuna ponaewa tsainchi bapon.

Juan 1:37

Barapo pebinbe ponbe Juan pia pepuna ponaewichi jiwanabe tatsi, baraponbe Juan jume tainchibe xua Juan baxua paeba. Bapoxonae barapo pebinbe Jesús puna poinchibe.

Juan 1:39

Jesús jume nota baponbe, jeye: —Anetha, matha pataema, jei Jesús. Nexata napuna ponabe yawa natanebe ichaxota Jesús popona. Barapo mataqueitha naecabe ichaxota Jesús popona. Jopa nawiyaebe tsipei xometo tabopiya tsanaichaba.

Juan 1:49

Bapoxonae Natanael jume nota, jeye: —Pon jiwi Necuidubim. ¡Apara xam bara Nacom Pexantom! ¡Apara bara xam Israel nacuamonae itorobiya pia pepa Neewatsim! jei Natanael.

Juan 12:21

Barapo griego nacuamonaepiwi Felipe imoxoyo caquita poinchi. Barapon Felipe Betsaida tomarapin xua Galilea nacuatha. Barapo griego nacuamonaepiwi Felipe tsipaebatsi, jeichichi: —Incane matha pana nejume taema. Pata bequein Jesús taetsi, jei.

Juan 18:4

Bequein Jesús tsiwana yaputane barapomonae xua po coyene pecana exanaewa tsainchi, ichitha Jesús itataya yawa yainyaba, jeye: —¿Jintam pawenawenam? jei Jesús.

Juan 18:7

Equeicha Jesús yainyaba, jeye: —¿Jintam pawenawenam tsompae? jei. Equeicha barapomonae, jeye: —Apara, Jesús Nazaret tomarapin pawenawenan tsompae, jei barapomonae.

Juan 3:2

Bapon Nicodemo merawi Jesús siwa poinchi, yawa Jesús jeichichi: —Pon jiwi Necuidubim, bara paxan payaputan xua Nacom caitoroba xua jinya pata tanecuidubiwam tsane. Tsipei ichʉn jopa itacʉpaetsi xua pexeinya petsita itʉtsi coyenewan peexanaewa Nacom pia peayapusʉwatha tatsi icha Nacom jopa yantsiyo bapon icha be xua poxonae ichim poxonae xua exaname Nacom necayantsixae, jei Nicodemo.

Juan 3:26

Barapomonae Juan siwa poinchi xua Juan yabara peyainyabinexa tsainchi baxua. Jeye Juantha: —Pon jiwi Necuidubim, incane matha taema. Pon caniwi cabarʉ popona Jordán mentha xua icha muxunene beya, pon bayatha yabara pana netsipaebame, bapon nama anoxuae bautisabauya jiwi yawa bapon puna poinchi daxita jiwi, jei Juan pijimonae tatsi xua Jesús yabara paebatsi.

Juan 4:31

Irʉrʉ Jesús pijimonae jume daunweya baraichichi, jeye: —Pon Patatanecuidubim, matha xaema, jeichichi pijimonae.

Juan 6:25

Poxonae barapomonae pata icha muxunene beya xua pucua iya, bapoxonae Jesús tainchi. Barapomonae Jesús yainyabatsi, jeichichi: —Pon jiwi Necuidubim, ¿eta poxonae xote patopame? jei barapomonae.

Hechos 10:21

Bara nexata Pedro ira bedunatabareca. Pedro barai barapomonae, jeye: —Apara bara xan, po jiton xua pana newenawenei tsompaem. ¿Eta xua metha papatame? jei.

Hechos 10:29

Daxota bichoina patopan yaitama pinae pana wabame. ‘Bara’, jopa janyo. Methaunxuae paca yainyabinchi: ¿Eta xua metha pana tsiwabame? jei Pedro.