Gálatas 1:5 - Nacom Pejume Diwesi po diwesi pena jume diwesi xua Jesucristo yabara tinatsi

⁵ ¡Barabʉ Nacom wʉnae jaintatsi jiwi xua ataya tsane!

Gálatas 1:5 Iomraidhean Croise

Mateo 28:20

Daxita barapomonae pacuidubare daxita xua xuan pocotsiwa bayatha paca itorobatsi. Mataʉtano painya xoba pajʉntemainame xua daxita matacabin bara ataya paca barʉ poponeibinchi beya poxonae tsane xua equeicha patopeicaein, jei Jesús pijimonaetha. Baja Mateo.

Mateo 6:13

Jopa pana copatsinde xua abe pata exanaewa tsane poxonae jiwi pana nejʉntʉ coyene jʉjʉta, xua abe pata exanaewa tsane. Ichitha pana necapanenebiya exande barapo abe peexanae coyene weya’, pajande poxonae Nacomtha patsipaebame”, jei Jesús.

Lucas 2:14

“¡Maisa bichocono Nacom wʉnae jaintatsi pon itabocotha peecaein, peitorobixae pexanto! ¡Barabʉ jiwi jʉntema jinompa barapo irathe pomonae xua Nacom jʉntʉ coyene weiweina exanatsi!” jei matatsunpiwi.

Romanos 11:36

Apara daxita coyenein Nacom forota. Nacom canamataxeina pia peayapusʉ itorobi coyenewatha daxitan pocotsiwan xua xuan exana. Daxitan bara piawa tatsi. ¡Barabʉ Nacom wʉnae jainteibatsi xua ataya tsaibi tsane! ¡Je, bara ichi tsane!

Romanos 16:27

Barabʉ Nacom wʉnae jaintatsi, pon meisa compa yatsicaewa daxita peyaputaein. Jesucristo naca cana exana xua Nacom wʉnae wajainchiwa xua ataya nexa. Je, bara ichi tsane. Baja Pablo.

1 Corintios 8:13

Metha beya xaetsipan pewito pocotsi wito xua ichʉn, pon irʉ pejume cowʉntsin yabara nanta xeineiba xua jopa bapana xae po pewi xua jiwi tajebeiba ibo nacomʉn. Poxonae bapon nejain tane, bapon irʉ xane, najʉntʉ coyene taxoba. Bapoxonae abe exana cana exanan. Daxota metha xanepanaetsipa icha bapana jopa xaetsipaein equeicha barapocotsi wito xua jopa taexanaewanexa xua bapon abe peexanaewa tsane.

Efesios 1:12

Paxan, judiomonae pan, pomonae pan xua copiya pawʉnae ewatan xua Cristo pepatopaewa tsane. Barabʉ daxota Nacom bichocono wʉnae pajainchin pexeinya peitʉpanaewa peexanaeinxae.

Filipenses 4:20

¡Barabʉ jiwi, Nacom pon Waxa, ataya wʉnae jainchinchi! Je, bara ichi tsane.

1 Timoteo 1:17

Nacom, wʉnae paca jaintatsi: “¡Xam Nacom pon ataya jiwi itorobiya pepa Neewatsin! ¡Xam Nacom pon bapana jopa tʉpaem tsane! ¡Xam pon xua jiwi jopa itacʉpaetsi xua necataewa! ¡Xam yatsicaewa compam pepa Nacomʉm! ¡Ataya paca tsita barʉ cui itura jinatsi! ¡Barabʉ ataya jiwi wʉnae cajainchina! Je bara ichi tsane”, paca jeichi Nacom.

2 Timoteo 4:18

Bapon pon jiwi Pecanamataxeinaein, bapon necana exana xua tapanepaewa daxita carepaya abe peexanae cuiru coyenein weya, xua daxota patopaein pia peitorobi nacua beicha. Barabʉ jiwi ataya wʉnae jainchina Nacomtha. Je bara ichi tsane.

Hebreos 13:21

Barabʉ barapon Nacom paca jʉntʉ coyene xanepana exanaena xua jopa painya nenatsicuentsinexa xua abe painya neexanaexae. Mataʉtano bʉ bara paca catsina xua daxita pocotsiwan panantawenoname xua xuan xanepanaya painya exanaenexa po coyenein Nacom ichichipa. Barichi barabʉ Jesucristo pia peayapusʉwa naca cana exanaena xua exanaeinchi po coyene Nacom tsita xanepanatsi. ¡Barabʉ jiwi Cristo ataya wʉnae jaintinchi pexeinaexae peayapusʉ coyenewan! Je, bara ichi tsane.

1 Pedro 5:11

Bʉ bara Jesucristo ataya xeinaena peainya cui coyenewa, yawano xua peayapusʉ itorobi coyenewa. Je bara ichi tsane.

2 Pedro 3:18

Bichocono pana najʉntʉ wʉnae exanaponde Wanacanamataxeinaein pia peantobewathaxae. Jesucristo beta payabara yaputaeponde, pon Wanacacapanenebiyaein. ¡Barabʉ bapon ataya xeinaena peainya cui coyenewa anoxuae yawa xua bexa tsaneno! Je bara ichi tsane. Baja Pedro

Apocalipsis 14:7

Barapon jume daunweya paeba, jeye: “Pacunuwiya jinompare Nacom xua beta painya nejume cowʉntsiwa. Yawano Nacom wʉnae pajainde. Tsipei anoxuae nama barapo matacabi patopa po mataqueitha Nacom yabara paebina jiwi xua penatsicuentsiwa xua abe peexanaexae. Wʉnae pajainde pon exana itaboco, xuano xua exana pin mar mene, yawa exana ira bʉxʉpana mene”, jei barapon pon jume daunweya paeba.

Apocalipsis 5:12

Bapoxonae barapomonae bichocono jume daunweya paeba, jeye: “¡Cordero, po Cordero bayatha jiwi tsibexotsi abe pia peexanae coyenewan tatsi, maisa barapo Cordero Nacom tsita jʉntʉ coyene xanepanatsi! Daxota Nacom copata xua bapon xeina pia peayapusʉ itorobi coyenewa. Mataʉtano Nacom copata xua bapon xeina daxita pocotsiwan xua Nacom xeina. Yawano xeina pia peyaputae coyenewan. Yawano xeina pia peayapusʉwa xua daunweya peexanaewa. Mataʉtano jiwi bewa barʉ cui itura jinaena barapon pon Cordero. Mataʉtano jiwi bewa wʉnae jainchina barapon pon Cordero. Mataʉtano jiwi bewa beta exanae jʉntʉ coyene weiweina peexanaenexatsi bapon xua petsitʉpaexae jiwi abe pia peexanae cuiru coyenein tatsi”, jei barapo matatsunpiwi.

Apocalipsis 7:12

Barapo matatsunpiwi jeye: “¡Barabʉ Nacom jʉntʉ coyene weiweina exaneibatsi pocotsiwa xua beta waexanaewa! ¡Bara ichi tsane! ¡Barabʉ daxita jiwi wʉnae jainteibina Nacom! ¡Mataʉtano barabʉ Nacom xeineibina pia peyaputae coyenewa! ¡Mataʉtano barabʉ jiwi jei tsaibi: ‘Nacom maisa pajʉntʉ coyene weiweinan xua amanaya pata tana neyawenaemxae’, jei tsaibi jiwi! ¡Barabʉ daxita jiwi cayabara barʉ cui itura jineibina! ¡Mataʉtano barabʉ xeineibiname jinya neayapusʉ itorobi coyenewa, xuano xua xeinaename jinya neayapusʉwa xua daunweya neexanae coyene! ¡Baxuan barabʉ ataya xeinaename! ¡Je bara ichi tsane!” jei barapo matatsunpiwi.