Apocalipsis 8:13 - Nacom Pejume Diwesi po diwesi pena jume diwesi xua Jesucristo yabara tinatsi

¹³ Bapoxonae pirapaeyo tan matatsunpin pon be cuiyausi xua juinya pupuna ducuanaebiya itabocotha. Bapon jume daunweya jeye: “¡Pai jiwi tsobenae xua barapo jiwi abe exanaeinchi pomonae jinompa po iratha deque xua poxonae jume taena xua poxonae matatsunpiwi obina trompetan, tsipei acoibi poyobe matatsunpiwi cataunxuae jopa obiyobe anoxuae!” jei bapon, pon be cuiyausi.

Apocalipsis 8:13 Iomraidhean Croise

Hebreos 1:14

Daxita matatsunpiwi peinya pejinompaewi jiwitha. Barapo matatsunpiwi exana dubenanaebiya pocotsiwa Nacom itoroba. Nacom itoroba barapomonae xua petayawenaenexa tsainchi pomonaetha pomonae bexa Nacom capanenebiyaena pomonae pejume cowʉntsi jiwixaetsi.

Apocalipsis 11:14

Bayatha nacui weta xua dos xoyobe xua daxita jiwi atene tsane bichocono. Ichitha imoxoyo equeicha methaunxuae tsane ichawa pocotsiwa acoibi po cuiyobe nexa pocotsiwa xua jiwi bichocono atene tsane.

Apocalipsis 12:12

¡Pajʉntʉ coyene weiweinare pomonae itabocotha painya nejinompaexae! ¡Daichitha tsobenae pomonae jinompa po cae pin nacuathe deque, yawano xua xuan pin mar mentha jinompa, tsipei Satanás bara bereca bichocono anaepanaya patopareca! Bapon Satanás yaputane xua jopa bayatha tsaibi tsane poxonae abe exaneibina po cae pin nacuathe deque”, jei.

Apocalipsis 14:3

Barapomonae pomonae tanbaba pexeinya wei naxʉna Nacom pia pexeinya peecaethopaewa itabaratha tatsi, xuano xua barapo cuatro poyobe peitabaratha tatsi xua xuan asʉ, yawano xua pitiri jiwi pia peitabaratha tatsi. Ichamonae jopa itacʉpaetsi barapo wei xua peyaputaewa xua po wei naxʉna barapomonae. Saya jame barapomonae, pomonae ciento cuarenta y cuatro mil po bicheitomonae matabʉxʉbe yaputane barapo wei xua pomonae po irathepiwi jiwanamonae, pomonae bayatha Cordero capanenebiya abe pia peexanaewan weya poxonae tsitʉpa barapomonae.

Apocalipsis 14:6

Bapoxonae tan ichʉn matatsunpin xua pupuna itabocotha. Barapo matatsunpin capana pexeinya jume diwesi po diwesi xua ataya tsiteca, po diwesi xua jiwi pecapanenebiwatsi abe pia peexanaewan weya. Barapo diwesi daxita carepayan jiwi nexa: pomonae daxita nacuanmonaepiwi nexa, irʉno pomonae tsicamonaexipiwi nexa, irʉno pomonae barompaya icha jumein pecueicueijeiwi nexa, irʉrʉ daxita tomaranpiwi nexano.

Apocalipsis 19:17

Bapoxonae matatsunpin tan xua xometo coichatha uncua, bapon jume daunweya wawai peyapupunaewi beya xuan jinompa itabocotha, jeye: “Anetha xua painya nexaewa tsane Nacom pin pia penabanaewa.

Apocalipsis 3:10

Pajume cowʉntsiya exana dubenanaebiyama po coyene xua paca itorobatsi xua beitatemaya painompame xua jopa painya neaitaconaewa poxonae bequein ichamonae paca yabara abe exana. Daxota barapo matacabi, po mataqueitha poxonae caurimonae pia pentacaponaein tatsi daxita barapo cae pin nacuathe jiwi jʉntʉ coyene jʉjʉtinchi, poxonae jiwi bichocono atene exanaeinchi bara paca capanenebiya exanaeinchi. Caurimonae pia pentacaponaein tatsi jʉntʉ coyene jʉjʉtsina pomonaetha pomonae Nacom pejume cowʉntsiwichi poxonae bichocono atene exanaeinchi xua daxota Nacom jopa pejume cowʉntsiwa tsainchi.

Apocalipsis 8:2

Bapoxonae tan siete poyobe matatsunpiwi, pomonae xua umena Nacom peitabaratha tatsi. Barapo matatsunpiwi daxita barompaya catsibatsi siete xoyobe xua pocotsiwan pecaobiwan, po pecaobiwan pewʉn trompeta.

Apocalipsis 9:1

Bapoxonae equeicha icha matatsunpin xua cinco poyobetha oba pia trompeta. Bapoxonae tan pon xua be opiteito jopeica iratha bayatha, xua peitaboco wejopeica. Bapon catatsi po coyenetha itacʉpatsi xua pecoibo saranaxubiwa tsane barapo pin mʉthʉ deca xua ira bereca.

Apocalipsis 9:12

Baxua weta xua copiya abe peexanaewan, ichitha awiya seica ainya peabe coyenewabe.