Apocalipsis 7:10 - Nacom Pejume Diwesi po diwesi pena jume diwesi xua Jesucristo yabara tinatsi

¹⁰ Daxita barapomonae jume daunweya jeye: “¡Wanacom pon xua eca pia pexeinya peecaethopeibiwatha yawano Cordero pon uncua, naca capanepa xua jopa waatenewa tsane xua abe waexanaexae!” jei barapomonae.

Apocalipsis 7:10 Iomraidhean Croise

Lucas 3:6

Daxita nacuapiwimonae yaputaena Nacom pia pecapanenebiyae coyene tatsi’, jei pon wawai”, jei Isaías pejume diwesitha.

Juan 1:29

Icha mataqueitha Juan tane, Jesús tainchi xua Juan pexainya tarenatsi. Bapoxonae Juan jiwitha jeye: “Incane pataema pon pejʉntʉ coyene xeicaein pon Nacom itorobica, pon ‘Cordero’, baraichichi xua oveja pebto penʉn. Apara bapon pon jiwi petsitʉpaewa tsainchi xua abe pia peexanae cuiru coyenein tatsi icha poxonae ovejiyo ichi poxonae tsitʉpa jiwi abe pia peexanae cuiru coyenein tatsi.

Juan 1:36

Poxonae Juan tane xua Jesús dawerena ichaxoyo Juan dena, bapoxonae Juan jeye xua Jesús yabara jeichi: —¡Pataema apara bapon pon ‘Cordero’ baraichi xua oveja pebto penʉn pon Nacom itorobica xua petsitʉpaenexa jiwi abe pia peexanae cuiru coyenein tatsi! jei Juan.

Juan 4:22

Paxam Samaria nacuamonae pam, jopa payaputaem pon wʉnae pajainteibame. Paxan nama judiomonae pan payaputan pon wʉnae pajainteiban, tsipei pon pecapanenebiyaein jiwi apara bapon judiomonae jiwanapin.

Efesios 2:8

Tsipei Nacom paca antobe daxota paca capanenebiya poxonae pajume cowʉntame bapon. Apara jopa baxua painya coutha paexanaem, apara Nacom jame baxua amanaya paca cana exana.

Apocalipsis 12:10

Bapoxonae itabocotha pejume jume tan pon xua jume daunweya wawai, jeye: “Anoxuae Nacom naca capanepa exana pia peayapusʉ itorobi coyenewatha xua pon be Joyoinya jopa wanacanamataxeinaenexa. Yawano anoxuae Wanacom itorobiya ewata daxita carepaya nacuantha pomonae jinompa po cae pin irathe tsique. Yawano anoxuae Nacom Mesías catatsi pia peayapusʉ itorobi coyenewa pon Nacom pia peitorobin tatsin. Daxita barapo coyenein anoxuae pata, tsipei pon be Joyoinya itawetsicatsi po cae pin irathe tsique. Pon Nacom itawetsica, bapon wajiwimonaetha, pomonae jume cowʉnta Nacom, abeya muxujainyabeibatsi merawitha yawa mataqueithano xua Nacom peitʉtha tatsi.

Apocalipsis 19:1

Bapoxonae peitabocotha jume tan xua juinya pinmonae jeye: “¡Barabʉ Nacom wʉnae jainatsi, Nacom naca capanepa abe waexanae coyenewan weya! ¡Maisa Nacom pexeinya jʉntʉ coyene pexeinaein! ¡Maisa Nacom bepa juniya xeinae peayapusʉ itorobi coyenewa!

Apocalipsis 21:5

Bapon Nacom pon eca pia pexeinya peecaethopaewatha nejei: “Taema daxita exanan xua xuan penawan”, nejei Nacom. Equeicha nejei: “Baxuan tinare, tsipei barapo jumein pexainyei jumein, daxota ichamonae itacʉpatsi xua tana neyabara jume cowʉntsiwa xua bara exanaein pocotsiwa xua taneme”, nejei Nacom.

Apocalipsis 22:3

Barapo tomaratha jopa xeinae tsane xua peabe coyenein. Barapo tomaratha uncuaena Nacom pia pexeinya peecaethopeibiwa tatsi irʉ baxota uncuaena Cordero pia pexeinya peecaethopeibiwa tatsi. Pomonae Nacom pia petanacuichiwichixaetsi barapo tomaratha barapomonae Nacom wʉnae jainchinchi.

Apocalipsis 4:6

Barapo peecaethopeibiwa peitabaratha ducua xua pocotsiwa pentha pocotsiwa icha pin mene mar ichi xua mene itarana yawa icha bosibʉ muxupawa ichi xua penthiya. Barapo peecaethopeibiwa baxota imoxoyo umena cuatro poyobe pocotsiwa xua asʉ. Barapo cuatro poyobe nantiyan itamaiquei dubena peitabara weyano yawa peʉma werenano.

Apocalipsis 5:7

Barapo Cordero wecobe pita barapo diboro pecobe weya, po cobe pecoxa weya tatsi pon xua eca pia pexeinya peecaethopeibiwatha.