Apocalipsis 6:4 - Nacom Pejume Diwesi po diwesi pena jume diwesi xua Jesucristo yabara tinatsi

⁴ Equeicha patopa ichʉn cawayu petsobian. Pon tsijuma equeica, bapon catatsi peayapusʉ itorobi coyenewa xua jiwi pejʉntʉ coyene wepuxana exanaenexatsi po coyene xua jʉntema pejinompaewa. Yawano peexanaenexa xua pebiwi penajutebinexa. Mataʉtano bapon pin dejona catatsi.

Apocalipsis 6:4 Iomraidhean Croise

Mateo 10:34

Equeicha Jesús namchi: “Jopa pananta xeinaeinde xua patopeican saya meisa xua jiwi jʉntema jinompa tacana exanaewa tsane. Jopa baxua tsipatopaeinyo. Apara jame tsipatopeican taexanaenexa po coyene jiwi naba exanatsi xua daxota ainya bicheiton penaexanaenexa. Pomonae jopa nejume cowʉntsiyo ita aenae-aenei pomonaetha pomonae tana nejume cowʉntsiwi.

Mateo 24:6

Pajume taename xua jiwi juinya nabenoutsina xote yawa xua juinya irʉrʉ nabenoutsina icha ira beya. Daichitha jopa pajunuwinde, tsipei baxua pewʉnaeya matha copiya tsane. Daichitha cataunxuae dapo matacabi aichica tsane xua poxonae daxita weraweracaenaba yatsicaewa.

Juan 19:11

Jesús jume nota, jeye: —Icha Nacom jopa cacatsipae barapo peitorobi coyenewa metha ichamonae jopa itorobimchipae xua ichamonae abe tana necana exanaewa. Daxota pon necanaeta xamtha bapon jame bichocono abe exana beyacaincha xam xua abe necana exaname, jei Jesús.

Apocalipsis 12:3

Bapoxonae itabocotha equeicha naitʉta ichawa. Tan pon pinyo, pon be jomowabi, pon be Joyoinya. Bapon pon be Joyoinya bichocono tsobia yawa siete po pentasipabe xeina yawa diez po pentetobe xeina. Daxita carepaya pentasipantha mataina tepan.

Apocalipsis 13:10

“Pomonae xua ichʉn waetabatsi xua atene peexanaenexatsi barapomonae xuya bara teicaeinchi ichamonae atene peexanaenexatsi tsane. Pon xua cusitha namawainta xua ichʉn bexubatsi, bapon xuya cusitha bexubinchi”, paca jei Nacom pia Pejumope tʉnaxʉ tatsi. Daxota pomonae pejume cowʉntsiwi Nacom bewa saya jʉntʉ coyene daunweya jinompae xua xuya jopa taexanae tsane ichamonaetha xua bequein abe taexanaeinchi ichamonae. Yawano bewa jume cowʉnta dubenanaebiyaena Nacomtha.

Apocalipsis 17:3

Poxonae cataunxuae Nacom pia Pejumope tʉnaxʉ tatsi netsita itʉta baxua, bapoxonae matatsunpin necapana ira xuepana susato tsurucuae nacua beya. Baxotiya petsiriwa tan xua eca pon ayei pon be Corei bapon pejumatha, xua pon tsobia. Bapon daxita carepaya pepontha tinaduba po jumein xua Nacom abe yabara paebatsi. Yawano bapon siete po matasipabe xeina yawa diez po pentetobe xeina.

Apocalipsis 17:6

Pirapaeyo jume tan xua barapo Babilonia tomarapiwi yabara jeichi: “Icha pebin ichi xua peatsaxae mera bichocono cʉpatsi, barapo Babilonia tomarapiwi barapocotsi coyeneya jʉta ichiya exana. Baxua exana, tsipei barapo Babilonia tomarapiwi juteba pinmonae pomonae Nacom pijimonae tatsi, irʉ pomonae Jesús pejume diwesi pepaebiwi”, yabara jeichi barapo Babilonia tomarapiwi. Poxonae tan xua barapo tomarapiwi be cʉpatsi bichocono, yabara nabenaecan bapoxonae.