Apocalipsis 5:3 - Nacom Pejume Diwesi po diwesi pena jume diwesi xua Jesucristo yabara tinatsi

³ Ichitha dapocotsin aibi pon itabocotha popona, irʉ pon xua popona po irathe, irʉrʉ pon popona po ire peʉma bereca. Tsipei dapon aibi pon bichocono pejʉntʉ coyene xanepanaein xua pontha pon Nacom copata xua peitacʉpaewatsi xua pepataxubiwa tsane yawa xua peyorobiwa tsane barapo diboro.

Apocalipsis 5:3 Iomraidhean Croise

Romanos 11:34

Nacom Pejume Diwesitha tatsi yabara jeye baxua: “Dapon ajibi, pon yaputane pocotsiwa Nacom nanta xeina pon jiwi Pecanamataxeinaeinxae. Mataʉtano dapon ajibi, pon xua Nacom pecuidubiwatsi.

Filipenses 2:10

Nacom barapo wʉn cata xua daxota daxita jiwi poxonae jume taena barapo wʉn pentabocotontha umenaena, xua Jesús wʉnae pejainchinexa tsainchi, pepa Pecanamataxeinaeinxae itabocopiwi, irʉrʉ po irathepiwi, irʉrʉ pomonae jinompa ira bʉxʉpana wetsina.

Apocalipsis 5:13

Yawano equeicha jume tan daxita pomonae caena bayatha Nacom forota: pomonae peitabocotha forotatsi, irʉno pomonae po cae pin nacuathe forotatsi, irʉno pomonae po ire peʉma wetsina forotatsi. Yawano jume tan xua pocotsiwan pin mene mar mentha jinompa. Daxita baxuan carepaya Nacom forota. Jume tan xua jeye: “Xam Nacom, pon ecame jinya pexeinya neecaethopeibiwatha irʉno xam Corderom, barabʉ ataya jʉntʉ coyene weiweina paca exanaenabe xua jiwi jʉntʉ coyene weiweina paca exanaenabe xua pocotsiwa painya neexanaexaebe. Barabʉ daxita jiwi paca barʉ cui itura jineibinabe. Yawano barabʉ daxita jiwi wʉnae paca jainteibinabe. Yawano barabʉ paxeineibinamebe peayapusʉwa xua daunweya painya neexaneibiwabe. Daxita barapo coyenein ataya tsitecaeya paxeineibinamebe”, jei daxita barapomonae, pomonae Nacom forota.

Apocalipsis 5:4

Bapoxonae bichocono wecoyan tsipei dapon aibi pon xua bichocono pejʉntʉ coyene xeicaein xua pon itacʉpatsi pepataxubiwa tsane yawa xua peyorobiwa tsane barapo diboro.