Apocalipsis 21:3 - Nacom Pejume Diwesi po diwesi pena jume diwesi xua Jesucristo yabara tinatsi

³ Jume tan pejume xua peitaboco wetsica jume daunweya jeye: “Taema anoxuae Nacom popona pebiwitha. Nacom barʉ poponaena, bara barapomonae Nacom pijimonae tatsi tsane. Nacom ataya tsitecaeya barʉ poponaena barapomonae penacana exanaexae xua piamonae tatsi pia Nacom tatsi.

Apocalipsis 21:3 Iomraidhean Croise

Juan 1:14

Barapon Mesías pon pewʉn “Pejume”, baraichichi, bapon poxonae naexana po cae pin nacuathe tsique bara bapon yatsicaya pepa jiton. Mataʉtano naca barʉ popona bapon. Bapon wʉn ununatatsi “Jesús” baraichichi. Mataʉtano bapon pejʉntʉ coyene wetsina bichocono jiwi antobetsi. Mataʉtano bapon xainyeya pepaebin. Mataʉtano paxan pacui tan xua Jesús exaneiba pia pexeinya peayapusʉwatha po pexeinya peayapusʉwa Jesús Paxa catatsi. Bapon Nacom Pexanto tatsi, bara yatsicaya compa tatsi pepa Pexanto.

Juan 14:23

Jesús Judas jume notatsi, jeye: —Pon neantobe bapon exana pocotsiwa itoroban. Bapoxonae Taxa antobe tsane bapon. Xan irʉrʉ Taxa pon caein panxaeinbe papatopaeinbe bapontha pata yantsinexa bapon.

2 Corintios 6:16

Barichi Nacom pin pia botha jiwi jopa bewa wʉnae jainchina ibo nacomʉn. Saya meisa bewa wʉnae jainchina Nacom barapo botha. Nacom patsitan xua paxan bara be Nacom pin pia bo tatsi. Icha Nacom ichi xua popona pia pin pia botha, barichi Nacom naca barʉ jinompa, pon ataya asʉya popona. Nacom caena bayatha baxua yabara jeye: “Barapomonae barʉ poponaein yawa cueyata ducuanaebiyaein. Mataʉtano barapomonae pia Nacomʉn tatsin tsane. Barapomonae tamonae naexanaena”, jei Nacom.

2 Corintios 6:18

Xan naexanan xua xan painya Axan. Mataʉtano paxam taxanton jiwi pam tsane, xuano irʉ taxantixi jiwi pamdʉ”, jei Nacom piamonaetha pon daxita peayapusʉ itorobi coyenewan pexeinaein.

1 Tesalonicenses 3:11

Paichichipan xua Nacom pon Waxa irʉ Jesús pon jiwi Pecanamataxeinaein pana yawenaena xua pata paca casiwa ponaenexatsi.

Hebreos 11:16

Ichitha barapomonae ichichipa po nacua xua bichocono wʉnae beyacaincha xua icha nacuan. Baraxua xua po nacua ichichipa, apara Nacom pia nacua tatsi. Daxota Nacom jopa auriyo xua barapomonae yabara paebatsi xua pinae Nacom barapomonae pia Nacom tatsi. Daxota Nacom barapomonae tsiwʉnaetatsi tomara.

Hebreos 8:10

Equeicha ichʉn jeye: “Nacom jeye: Barapo peyabara tsiwʉnae muxu dutsiwa Israel nacuamonaetha, poxonae barapo matacabin wetsina bara baxua exanaein. Janje: Jiwi pejʉntʉ coyenewatha ichaxota nanta xeina taitorobi coyenewa baxota dubin. Bapoxonae barapomonae neyaputaena yawa nejume cowʉntsiya jejei tsane. Tacoutha barapomonae pia Nacom tatsi naexanaein. Barapomonae tamonae naexanaena.

Hebreos 8:2

Anoxuae Jesús nacuita Nacom pia xantheicha tatsi po penacuichi coyeneya sacerdotepiwi exana Nacom pia botha tatsi xua itabocotheicha. Barapo bo yatsicaewa Nacom pia pexainyei bo tatsi ichaxota popona xua itabocotheicha. Nacom pon jiwi Pecanamataxeinaein exana barapo bo. Jiwi jopa exanaeyo barapo bo.

Apocalipsis 10:4

Poxonae baxua najume weta xua be jurujurei yamʉxʉ siete po jumeyobe xua paeba, pontaban xua tatinaenexa xua baxua paeba. Ichitha jume tan pon peitaboco wenetsipaebica. Nejei: “Moya yawʉn xeinare yawa jopa tinaeinde xua barapo siete jumeyobe xua be jurujurei yamʉxʉ”, nejei.

Apocalipsis 10:8

Barapo jume pon xua itaboco wenetsipaebica, bapon equeicha netsipaeba, nejei: “Ponare yawa pire barapo dibiriyo xua po dibiriyo naitʉtarucua. Barapo dibiriyo pire, po dibiriyo barapo matatsunpin comauncua. Barapo matatsunpin pon po sito pecoxa weya uncua pin mar mentha, yawa uncua iratha po sito petsocona weya”, nejei.

Apocalipsis 12:10

Bapoxonae itabocotha pejume jume tan pon xua jume daunweya wawai, jeye: “Anoxuae Nacom naca capanepa exana pia peayapusʉ itorobi coyenewatha xua pon be Joyoinya jopa wanacanamataxeinaenexa. Yawano anoxuae Wanacom itorobiya ewata daxita carepaya nacuantha pomonae jinompa po cae pin irathe tsique. Yawano anoxuae Nacom Mesías catatsi pia peayapusʉ itorobi coyenewa pon Nacom pia peitorobin tatsin. Daxita barapo coyenein anoxuae pata, tsipei pon be Joyoinya itawetsicatsi po cae pin irathe tsique. Pon Nacom itawetsica, bapon wajiwimonaetha, pomonae jume cowʉnta Nacom, abeya muxujainyabeibatsi merawitha yawa mataqueithano xua Nacom peitʉtha tatsi.

Apocalipsis 21:7

Pon xua jʉntʉ coyene amanayaba caurimonae poxonae caurimonae bequein abe exana bapontha, bapon xeinaena pocotsiwa be pentoma pocotsiwa xua bayatha jʉntana jeban bapon. Barapon pia Nacom tatsin tsane yawa barapon apara bara taxanto tsane.

Apocalipsis 22:3

Barapo tomaratha jopa xeinae tsane xua peabe coyenein. Barapo tomaratha uncuaena Nacom pia pexeinya peecaethopeibiwa tatsi irʉ baxota uncuaena Cordero pia pexeinya peecaethopeibiwa tatsi. Pomonae Nacom pia petanacuichiwichixaetsi barapo tomaratha barapomonae Nacom wʉnae jainchinchi.

Apocalipsis 7:15

Equeicha nejei pitirin: “Daxota barapomonae umena ichaxota imoxoyo Nacom pia pexeinya peecaethopeibiwa. Barapomonae tanacuita dubenanaebiya Nacom mataqueitha, yawa merawithano Nacom pia pin botha tatsi xua pia nacuatheicha tatsi. Pon xua eca pia pexeinya peecaethopeibiwatha bapon eenequeibina barapomonae, tsipei barʉ popona.