Apocalipsis 21:21 - Nacom Pejume Diwesi po diwesi pena jume diwesi xua Jesucristo yabara tinatsi

²¹ Barapo doce po boupanbe exana ʉ xuan be perla matawʉn xua daxita barompaya peboupan tsiniya. Barapo pepa namto xua tomaratha exana ʉ pocotsiwa xua xuan be oro nainton xua xuan peepa nasabiwan poxoru xua be pepa oro nainton.

Apocalipsis 21:21 Iomraidhean Croise

Apocalipsis 17:4

Bapowa nama xatata paparuwa, po paparuwa mʉ sʉjei yawa mʉ tsobia. Bapowa yawa napepena xua pocotsiwan pewʉn oro nain, yawano be ibotixi xua pocotsiwan ainya matoman, yawano po warowa xu inyapana xua po warowa xu pewʉn perla. Barapowa pecobetha xeina coroto penain coroto xua oro nain yawa wʉnta pocotsiwan xua be mara, yawa barapowa pia penasi cui matacaetsi coyene xua weiweina.

Apocalipsis 18:16

Barapomonae jei tsane: “¡Pai jaibo pepa Babilonia tomara tsobenae! Xam Babilonia tomaram bichocono pexeinya tomaram, icha yabʉyo ichi xua pexeinyawayo poxonae paparuwa nama xatata po paparuwa bichocono sʉjei yawa bichocono tsobia. Yawano bapowa napepena xua pocotsiwa pewʉn oro nain yawa xua be ibotixi xua pocotsiwan ainya matoman yawano po warowa xu xua inyapana xua pewʉn perla.

Apocalipsis 21:15

Barapo matatsunpin, po matatsunpin netsipaeba, bapon capatopa pocotsiwa xua pecacanaʉbiwa xua be naewa xua oro nainto peepa canaʉbinexa tomara yawa pecoiboton yawa curara.

Apocalipsis 21:18

Curara iboton ʉ xuan pexeinya iboton, xua ira bʉxʉpana iboton xuan jaspe matawʉn. Tomara acaba ʉ xuan pocotsiwan oro matawʉn be xuan peepa nasabiwan.

Apocalipsis 22:2

Barapo mene, mene ducuaponarena pepa namto dena tomaratha. Barapo mene dena nantiya ainya muxunene denabe naein xuwa xua po naein jiwi ajʉntʉcoyeneyapusʉ exainchi. Barapo naein nacoiteiba doce po cuiyobe xua cae weitha. Daxita xometontha nawetouneiba. Barapo naein noxuton jiwi yawenatsi xua jʉntema pejinompaewa xua jopa peatenewa.

Apocalipsis 4:6

Barapo peecaethopeibiwa peitabaratha ducua xua pocotsiwa pentha pocotsiwa icha pin mene mar ichi xua mene itarana yawa icha bosibʉ muxupawa ichi xua penthiya. Barapo peecaethopeibiwa baxota imoxoyo umena cuatro poyobe pocotsiwa xua asʉ. Barapo cuatro poyobe nantiyan itamaiquei dubena peitabara weyano yawa peʉma werenano.