Apocalipsis 16:8 - Nacom Pejume Diwesi po diwesi pena jume diwesi xua Jesucristo yabara tinatsi

⁸ Bapoxonae equeicha icha matatsunpin pon ichaxota ba jei “cuatro”, jei, bapon piawa epataraba xometotha. Barapo matatsunpin xometo catatsi po coyene xua xometo exanaena xua jiwi petautsinexatsi xua xota bichocono atsa.

Apocalipsis 16:8 Iomraidhean Croise

Mateo 13:6

Ichitha poxonae xometo atsa tsina bapoxonae yaboto tsaquiwa yawa tʉpa tsipei jopa tajʉ tabʉ opina xuwarecaeyo.

Lucas 21:25

Equeicha Jesús jeye: “Bapoxonae xometotha naitʉtsina peitʉpanaewa, yawa jomocoichatotha, yawa opiteitontha. Barapo irathe daxita nacuanpiwi yabara najʉntʉ coyene cabenaenoutsina. Mataʉtano busi taena pin maratsacan busi xua busi jopa xainya mene ducuaeyo. Bichocono jiwi najuinyacaena.

Hechos 2:20

Poxonae patopaetsica pon jiwi Pecanamataxeinaein copiya baraxue panecotsiname xua xometo quiri jei tsane, jopa pentha tsurucuae tsane. Yawa panecotsiname xua jomocoichato be janowa ducuaena. Barapo matacabi wʉnae tsane poxonae pon jiwi Pecanamataxeinaein patopaetsica. Barapo matacabi Nacom pepa peitʉpanae matacabi exanaena.

Apocalipsis 14:18

Bapoxonae equeicha icha matatsunpin pocotsiwa be pexaethopaewa weya pona ichaxota duwei tauteiba xua tuxusi exaneiba Nacom nexa. Barapo matatsunpin canamataxeina xua tauta pecana exanaewa. Barapo matatsunpin irʉ cusi xeina, po wato xuiyoi. Yawa bapon jume daunweya wawai icha matatsunpin beya pon irʉ pia wato xeina cusi. Bapon jeye: “¡Barapo cusi caucubobare yawa nore uva peparun xua po cae pin irathe deque dubena tsipei bayatha naweta!” jei barapo matatsunpin.

Apocalipsis 6:12

Poxonae Cordero tsitsinaxuba pecatsatabiwa xua seis po cuiyobetha, bapoxonae tan xua bichocono ira jijiyata. Xometo bichocono tsaebia tsanaya icha paparuwa ichi, pocotsi paparuwa bichocono tsaebia. Jomocoichato bichocono tsobia tsanaya icha pejana ichi.

Apocalipsis 7:16

Bapoxonae barapomonae jopa piyainyo, yawa jopa pia meratsino, yawa jopa tsaquiwichi xometotha xua bichocono jainchi.

Apocalipsis 8:12

Bapoxonae equeicha icha matatsunpin xua cuatro poyobetha pia trompeta oba. Bapoxonae jiwana muxunene weabe exana xometo. Ainya muxunenepabe jopa daichiyo. Yawa jiwana muxunene weabe exana jomocoichato. Ainya muxunenepabe jopa daichiyo. Yawa jiwana weabe exana opitei. Icha opitei nacopaba. Poxonae acoibi po opiteibe dudubena tsiniya, bapoxonae cae opiteito jiwana weabe eexana tsiniya. Yawa ainya opiteitobe jopa abe eexana tsiniyaeyo. Po opitei abe exanatsi jopa xanepanaya pentha tsurubenaeyo. Yawano jomocoichato muxunenepa, po muxunenepa abe exanatsi, jopa pentha tsurucuaeyo. Yawa xometo muxunenepa, po muxunenepa abe exanatsi, barapo muxunenepa jopa xanepanaya pentha tsurucuaeyo. Daxota mataqueitha tsiwiyo quiriquirica, yawa merawi bichocono nama.

Apocalipsis 9:2

Bapoxonae bapon coibo saranaxuba. Barapo mʉthʉ coiboto tsina be pin tsʉxʉ jujuina, po tsʉxʉ icha pabi coicha tsʉxʉ ichi poxonae pin pabi. Barapo tsʉxʉ po irathe naquitaba exana yawa xometo naquitaba exanano.