Apocalipsis 10:11 - Nacom Pejume Diwesi po diwesi pena jume diwesi xua Jesucristo yabara tinatsi

¹¹ Bapoxonae netsipaeba, nejei: “Xam bewa equeicha yabara tsiwʉnae muxu dutsiya paebiname po coyene bayatha Nacom yabara paeba jiwi, xua ainya nacuanpiwi, yawa pomonae barompaya pijume pepaebiwi, yawano pomonae jiwi itorobiya pia pepa peewatsiwichi”, jei xua pon netsipaeba.

Apocalipsis 10:11 Iomraidhean Croise

Apocalipsis 10:10

Bapoxonae barapo matatsunpin wecobe pitan barapo dibiriyo yawa xan. Poxonae xan netsicoibo xeica be banto ichitha tacotsorotha bichocono atsu tsanaya.

Apocalipsis 11:1

Bapoxonae necata naeto pocotsiwa xua peepa canaʉbiwa. Yawano matatsunpin nejei xua Nacom tapaebatsi: “Asiya uncuare yawano pire barapo naetiyo. Bapoxonae Nacom pin pia bo beya ponare, yawa bara po bo epa canaʉbare. Yawano epa canaʉbare xua be pexaethopaewa ichaxota tauteiba xua petuxueiwa xua tuxusi exaneiba Nacom nexa. Yawano ununare pomonae baxota Nacom wʉnae jaintatsi, pomonae yatsicaewa Nacom peantobewichi.

Apocalipsis 11:9

Daxita pomonae tomarapiwi jiwana, irʉno tsicamonaeyo jiwana, irʉno pomonae barompaya icha jumexitha pecueicueijei jiwi jiwana, irʉno daxita pomonae nacuanpiwi jiwana, daxita barapo jiwimonae taeumenaena barapo petʉpaeinbe. Baponbe petʉpaeinbe bocaenabe acoibi po matacabibe yawa xua equeicha bara caetono. Daxita barapomonae pomonae taeumena, jopa copatsi tsane xua ichamonae bara petʉpaeinbe pemʉthʉthʉ xubiwa tsainchibe.

Apocalipsis 14:6

Bapoxonae tan ichʉn matatsunpin xua pupuna itabocotha. Barapo matatsunpin capana pexeinya jume diwesi po diwesi xua ataya tsiteca, po diwesi xua jiwi pecapanenebiwatsi abe pia peexanaewan weya. Barapo diwesi daxita carepayan jiwi nexa: pomonae daxita nacuanmonaepiwi nexa, irʉno pomonae tsicamonaexipiwi nexa, irʉno pomonae barompaya icha jumein pecueicueijeiwi nexa, irʉrʉ daxita tomaranpiwi nexano.

Apocalipsis 17:10

Cinco poyobe barapomonae pomonae jiwi itorobiya pia pepa peewatsiwichi bayatha naitapataya werapoinca. Caein anoxuae barapo siete poyobe jiwana matacapona po cae pin irathepiwi, ichʉn bexa tsane patopaena xua matacaponaena barapo cae pin irathepiwi. Ichitha poxonae bapon patopaena jopa ainya dapaein matacapoponae tsane po cae pin irathepiwi.

Apocalipsis 17:12

Equeicha matatsunpin nejei: “Barapo diez po pentetobe xua taneme xua po penteton yabara caunutatsi pomonae jiwi itorobiya pia pepa peewatsiwichi, barapomonae cataunxuae jopa patsiyo xua itorobiya peewatsinexatsi po cae pin irathepiwi. Ichitha po peitorobi coyenewa barapomonae catsibinchi xua saya bara caeto itorobiya ewatsinchi po cae pin irathepiwi xua irʉ barapon pon be Corei itorobiya ewatsina.

Apocalipsis 17:15

Equeicha barapo matatsunpin nejei: “Xua xam po menein taneme mar menein xua ichaxota yabʉyo eca pon be Corei peʉmatha, barapo mar menein yabara caunutatsi be tomaramonaepiwi, xua yabara caunutatsi tsicamonaexipiwi, yawano yabara caunutatsi pomonae icha jumeintha pecueicueijeiwi, yawano yabara caunutatsi daxita nacuanpiwi.

Apocalipsis 5:9

Barapomonae pena wei naxʉna, jeye: “Xam maisa pon bichocono nejʉntʉ coyene xanepanaein xua netsitsinaxubiwa barapo siete xoyobe xua catsataba barapo diboro. Tsipei bayatha pana netsitʉpame poxonae painta pentoma exaname pata naexanaenexa tsane Nacom piamonae tatsi. Yawano jiwana itapetame, pomonae tsicamonaexi xua daxita carepaya tsicamonaexitha xua necajume cowʉntsiwa tsane. Mataʉtano jiwana itapetame daxita i dapomonae, pomonae barompaya icha jume penatsipaebiwa. Mataʉtano daxita carepaya tomaranpiwi jiwana itapetame. Mataʉtano daxita carepaya nacuanpiwi jiwana itapetame.