1 Juan 2:9 - Nacom Pejume Diwesi po diwesi pena jume diwesi xua Jesucristo yabara tinatsi

⁹ Icha ichʉn jei: “Xan Nacom yaputan”, jei, xua daichitha ita aenae-aeneya caseba nawita pontha xua irʉ jume cowʉntarʉ Cristo, bapon apara cataunxuae jopa yaputaeyo Nacom.

1 Juan 2:9 Iomraidhean Croise

Juan 9:41

Jesús jume nota, jeye: —Icha paxam bayatha jopa payabara yaputaemtsipae Nacom, jopa apara painya coutham tsipae xua poxonae abe painya neexanaewa. Ichitha mexeya poxoru pajam: ‘Payaputan Nacom’, pajam daxota apara painya coutham xua bara abe painya neexanaewa, jei Jesús.

Hechos 1:15

Nexata caentacabi Pedro nontapona ichaxota ena pomonae xua Jesús pejume cowʉntsiwi. Barapo bicheito be ciento veinte poyobe. Barapomonae Pedro barai, jeye:

2 Pedro 1:9

Ichitha icha pebin jopa yabara exanaeyo barapo coyenein, bapon be pon naita tsaqueta poxoru jopa ichipaeyo xua peyabara yaputaewa barapo coyene. Daxota bapon jʉntemaina xua bayatha wejʉntemaina exanatsi abe pia peexanae cuiru coyenewan tatsi xua Nacom wejʉntemaina exana.

1 Juan 1:6

Icha jeichichi: “Waxainchi Nacom yawa jinompatsi, be caemonae pebʉrʉya nacayawa jinompatsi Nacomtha”, jeichichi, daichitha caena poxonae saya abe exanatsi, bapoxonae saya apara naerabatsi xua pocotsiwa wapaebiwa baxua, yawa naerabatsi xua exanatsi. Mataʉtano jopa yawa muxuna jinompaetsi Nacom pia pexainyei coyenewa tatsi.

1 Juan 2:11

Ichitha pon ita aenae-aenei pontha xua irʉ jume cowʉnta Cristo, bapon acuicoyenebeya popona be pocotsin jopa yaputaeyo Nacom. Bapon jopa xanepanaya poponaeyo, icha be pocotsi coyene jʉta ichi poxonae pon peitata nacʉtsin catsawa pona poxoru jopa xapain taeyo.

1 Juan 2:4

Icha ichʉn jei: “Xan Nacom yaputan”, jei, xua daichitha jopa exanaeyo pocotsiwa Nacom pia peitorobi jume diwesi paeba, apara bapon pon jiwi pemuxuitorobin, yawa pejʉntʉ coyenewatha jopa xeinaeyo pexainyei coyenewa.

1 Juan 3:10

Daxota yaputainchi pomonae Nacom pia pexui tatsi, mataʉtano yaputainchi pomonae caurimonae pia pentacaponaein tatsi pia pexui tatsi. Yabara yaputainchi pomonae jopa xanepanaya exanaeyo, barapomonae jopa Nacom pia pexui tatsi. Mataʉtano yabara yaputainchi pomonae jopa antobeyo ichamonae pomonaetha pomonae irʉ pejume cowʉntsiwi, barapomonae jopa Nacom pia pexui tatsi.

1 Juan 4:20

Icha pebin jei: “Xan Nacom antobein”, jei, xua daichitha caena ita aenae-aeneya caseba pia jiton pontha xua irʉ jume cowʉntarʉ Nacom, apara barapo pebin pon jiwi pemuxuitorobin. Icha jopa antobeyo pia jiton pon peyaitaexae, barichi bapon jopa antobeyo Nacom pontha xua jopa yaitaeyo.