2 Tɛsalɔnika 1:6 - Kiŋwakti ki Nyɔ Miŋkaiŋ Mifiaŋ

⁶ Si Nyɔ kɔ mi wi chəŋ, wi ni chukuli lə ŋgəkə wə bəni nyaki i mbɛiŋ bəh ŋgəkə,

2 Tɛsalɔnika 1:6 Iomraidhean Croise

Kɔlɔsen 3:25

Ayakalə, i bəni bə̀ bɔ fəki chu, Nyɔ bi gɔmki lə bɔ i chu biə bɔ fəki. Nyɔ si chusi kə chi chi i bəni.

Hibulu 6:10

Nyɔ kɔkə Nyɔ wi kiŋlɔ, wə wi kɔ i bi dali nɔm wimbɛiŋ wə mbɛiŋ nɔmki bəh kiŋkɔŋ kimbɛiŋ kə mbɛiŋ nì chusiki i kin'yisi wə i dzə buku i liə i bəni bə̀ bɔ kɔ mbu kɔm wi.

Kiŋwakti ki Gia 11:18

Bəni bə̀ bɔ kiəki kə wɔ nì bɔksi shɔm, ayaka jɔbi wə wɔ kɔ i chusi shɔm ya yi bɔksini kpɛiŋ lɔ. A num jɔbi wə wɔ kɔ i sakaki bəni bə̀ bɔ kɔ bɔ kpiyi. A chu num tə jɔbi wə wɔ kɔ i makti bəni ba bə nɔm bə̀ bɔ kɔ bəni ba bə ntum, i chu makti bəni bə̀ bɔ kɔ bəh Nyɔ, i makti tə bəni bəchi bə̀ bɔ kɔksiki yɛli wa, nabə bənchiŋ bənchiŋ nabə bəmbum bəmbum. A num tə i jɔbi wə wɔ kɔ i kaasi bəni bə̀ bɔ bəkəliki di bichi fa kuku.”

Kiŋwakti ki Gia 15:4

Ɔ Bah, mi wə wi kɔkə i lwaki wɔ, tumyi bikum bia kɔ ndə? Num a wɔ shəŋ wi baiŋni. Bitumi bichi bi dzəki nya kiŋkɔksi kimbum i wɔ, kɔm bɔ yɛiŋ gia yə wɔ fəki num chəŋ.”

Kiŋwakti ki Gia 18:20

Mbɛiŋ bə̀ mbɛiŋ kɔ i tumi ki Nyɔ wə, mbɛiŋ lâŋki fimbɛiŋ i gia yə yi num i wi. Mbɛiŋ bəchi bə̀ mbɛiŋ kɔ bəni bə Nyɔ bəh bwa bə ntum bə Jisɔs bəh bəni bə ntum bə Nyɔ bəchi, lâŋki kɔm Nyɔ kɔ wi təiŋ lɔ nsaka i gia yə wi fə i mbɛiŋ!”

Kiŋwakti ki Gia 18:24

Akɔ i kwili wələ wə mwa mi bəni bə ntum bə Nyɔ bəh bəni bə̀ akɔ bə Nyɔ kɔ i wi kaŋ. Ayaka a num wi wə bəni bəchi bə̀ bə wɔɔyiki i fa kuku kɔ i wi kaŋ.”

Kiŋwakti ki Gia 19:2

Wi təiŋyiki bənsaka bu biəli ŋkɔŋ bəh dzəh yi chəŋ. Wi faaŋ lɔ ŋgəkə i miŋkpaŋa wi tɔkɔlini wə wi nì bəkəli nshwaiŋ yichi bəh nɔni ki ki tɔkɔlini. Wi kɔ wi chukuli i miŋkpaŋa wiwɔ gia yi bəni bu bə nɔm bə̀ wi ni wɔɔyiki.”

Kiŋwakti ki Gia 6:10

Bi wili bəh ŋga a, “Ɔ Bah Nyɔ wə wi kɔ i Biɛiŋ Bichi Bɛiŋ, wɔ wə wɔ baiŋki num ŋkɔŋ. Wɔ bi wɔkɔli i tsə buku dəiŋ ka wɔ təiŋ nsaka wibuku i chukuli chu bi bəni bə̀ bɔ nì wɔɔyi buku, bɔ num i mbi wə a?”