1 Bita 2:6 - Kiŋwakti ki Nyɔ Miŋkaiŋ Mifiaŋ

⁶ Yi kɔ i Kiŋwakti ki Nyɔ wə a, “Mbɛiŋ tsɛ̂iŋ, mih jiəki təh i kwili wi Sayɔŋ wə, a num təh wi bu wi juŋ. A num təh wə mih saiŋbwili, a num shɔm yiŋ nalə. Təh wələ kɔ wə, mi ka jiə mfi bi i wi wə wi bi ma də gwu.”

1 Bita 2:6 Iomraidhean Croise

Matiɔ 12:18

“Mbɛiŋ tsɛ̂iŋ, wələ kɔ waiŋ wuŋ wi nɔm wə mih saiŋbwili. Mih kɔŋki lə wi, ayaka shɔm yiŋ wɔkɔki lə ndzɔŋni bəh wi. Mih ni nya lə Kiŋ'waka kəŋŋ i wi, ma wi bi fukuki i bitumi kɔm dzə́h yi chəŋ yə mih təiŋyiki bənsaka bəŋ yɛiŋ.

Ntum wi ndzɔŋni wə wi kɔ kɔm Jisɔs si Mak nì nyaka 12:10

Mbɛiŋ ka fa dəkə di biələ i Kiŋwakti ki Nyɔ wə a? Bə kɔ bə nyaka a, ‘Təh wə, bəni bə maani nì nəiŋ, wi dzə fiəni num təh wi bu wi juŋ.

Ntum wi ndzɔŋni wə wi kɔ kɔm Jisɔs si Luk nì nyaka 20:17

Jisɔs tsɛiŋ bɔ lə, bikə a, “Yaka kɔ a gia yə bə nyaka i Kiŋwakti ki Nyɔ wə, dzakaki a nə, ‘A təh wə bəni bə maani nì nəiŋ, wi fiəni chu num na təh wi bu wi juŋ wi ndzɔŋni a?’

Ntum wi ndzɔŋni wə wi kɔ kɔm Jisɔs si Luk nì nyaka 23:35

Gia yələ yichi nì numki bəh Jisɔs yakadəiŋ, num bəni num fɛiŋ tsɛiŋ. Bəni bə̀ bɔ nì sakaki kwili wiwɔ ka dza fibɔ ka suŋuki dzaka a, “Wi nì gamtiki bəni, wi gâmti la gwu yi i liə, wi kabə num Kimbwili wə Nyɔ nì saiŋbwili.”

Ntum wi ndzɔŋni wə wi kɔ kɔm Jisɔs si Jɔn nì nyaka 7:38

Mi wə wi kɔ wi jiə shɔm i mih yi bi num num asi Kiŋwakti ki Nyɔ dzakaki a, ‘Mwi mə mɔ nyaki nɔni mɔ ni bukuki i wi shɔm shi lə kɔkɔkɔ.’”

Kiŋwakti ki Nɔm 1:16

“Bwa bə nih bəŋ, gia yə Kiŋwakti ki Nyɔ dzakaki nì kaŋaki lə i dzə kpɛiŋ. Akɔ gia yə Kiŋ'waka ki Baiŋni nì fə Dɛbit dzaka, a kɛiŋ i kikpu wə kɔm Judas wə wi nì num i ninshiŋ ka bə dzə kwa Jisɔs.

Kiŋwakti kə Baul nì nyaka i kijuŋni ki Lum 10:11

Kiŋwakti ki Nyɔ dzakaki a, “Mi wə wi kɔ wi bum i wi bi num kə i kiŋgəmni wə.”

Ɛfɛsus 1:4

Na ka Nyɔ numki i maa mbi wələ wi nì kɔ wi sabibwili lɔ bukumbɛiŋ a bukumbɛiŋ bi chîŋni bəh Klistus bə baiŋki, bə nûm kiŋgbɔ kidɔkɔ kɔbi i wi nshiŋ. I kiŋkɔŋ ki wə,

Ɛfɛsus 2:20

Juŋ yələ kɔ num bə maa i chaka wə a num bwa bə ntum bə Jisɔs bəh bəni bə̀ bɔ fukuki bəntum bə Nyɔ, Klistus Jisɔs mwi num təh wi bu wi juŋ wiwɔ.

2 Timɔti 3:16

Gia yichi yə bə nyaka i Kiŋwakti ki Nyɔ wə kɔ num mfi biwɔ buku i Nyɔ wə. Ayaka yi gamti i laniki bəni yɛiŋ, chûsi kiŋgbɔ, lûmsi bəni, lâni bəni bəh nɔni ki chəŋ,

1 Bita 2:4

Mbɛiŋ dzəki i Klistus wə wi kɔ Təh wə wi kaŋaki nɔni, a num wə bəni nì nəiŋma a wi ndzɔŋki kə, ayakalə Nyɔ saiŋbwili n'yi a, akɔ shɔm yi ŋgaiŋ.

1 Bita 2:8

Ayaka yi chu num bə nyaka a, “Təh wələ ni fəki bəni bənliki i wi wə. A num biaŋa wə wi ni fəki bəni gbɔyi.” Bɔ bənliki i yɛiŋ wə kɔm bɔ nəiŋ i bum gia yi Nyɔ, num asi Nyɔ nì sisi jiə a yi kaŋaki i bi numki.

2 Bita 1:20

Gia yə yi kɔkniki tsəki gia yichi i fa kɔ a mbɛiŋ kaŋaki i kiə a, ntum wi Nyɔ widɔkɔ kɔkə i Kiŋwakti ki Nyɔ mə, wə mi wi ntum wi Nyɔ widɔkɔ nì fukuki bəh kiŋkwaka ki.

2 Bita 3:16

I biŋwakti bichi kintəəŋ biə wi nyaka, wi dzakaki yɛiŋ a kɔm gia yələ. Wi nyaka gia yidɔkɔ yi ləkə i bəni i kiə, ayakadəiŋ bəni bə̀ bɔ kiəki kə gia bɔ kiə kə di biə bɔ kɔ ka finiki bəh fwu wi gia yiwɔ, yi num a liŋ si bɔ finiki tə bəh di bidɔkɔ i Kiŋwakti ki Nyɔ wə. Bɔ fə yakadəiŋ, bɔɔŋ num ŋgəkə i gwu yibɔ mə.