1 Timɔti 5:18 - Kiŋwakti ki Nyɔ Miŋkaiŋ Mifiaŋ

¹⁸ Bə kaŋaki i nyâki yakadəiŋ kɔm Kiŋwakti ki Nyɔ dzakaki a, “Kiə wɔ ki bâŋ kə dzaka ki nyam jɔbi wə yi lwaki gəŋ.” Yi chu num tə a, “Mi wi nɔm kaŋaki lə i kwâti ŋgɔm wi.”

1 Timɔti 5:18 Iomraidhean Croise

Matiɔ 10:10

Kiə mi ki dzɔ̂ kə kiba. Kiə mi ki dzɔ̂ kə bəmbuŋ bəfa nabə dzuyigvu yidɔkɔ, nabə mbəŋ. Mbɛiŋ kîə a mi wi nɔm kaŋaki i kwatiki dzɛiŋ i di biə wi nɔmki.

Ntum wi ndzɔŋni wə wi kɔ kɔm Jisɔs si Luk nì nyaka 10:7

Jɔbi wə mbɛiŋ ka liə i dzu, mbɛiŋ ka nɔ̂ki a yɛiŋ dzu, mbɛiŋ ma kwuniki júŋ. Mbɛiŋ dzîki, mbɛiŋ mû biɛiŋ bichi biə bə nya i mbɛiŋ, kɔm mi wi nɔm kaŋaki lə i kwati ŋgɔm wi.

Kiŋwakti kə Baul nì nyaka i kijuŋni ki Lum 10:11

Kiŋwakti ki Nyɔ dzakaki a, “Mi wə wi kɔ wi bum i wi bi num kə i kiŋgəmni wə.”

Kiŋwakti kə Baul nì nyaka i kijuŋni ki Lum 11:2

Nyɔ ka məŋni dəkə lɔ bəni bu bə̀ wi nì sabibwili i kin'yisi wə. Ntə mbɛiŋ kiəki lə gia yə Kiŋwakti ki Nyɔ dzakaki kɔm Ɛlaja, si wi nì dəki i Nyɔ kɔm gia yə bəni bə Islae nì fəki a?

Kiŋwakti kə Baul nì nyaka i kijuŋni ki Lum 4:3

kɔm Kiŋwakti ki Nyɔ dzakaki a, “Ablaham nì jiə shɔm i Nyɔ, Nyɔ ka dzɔ wi a wi kɔ mi wi chəŋ.”

Kiŋwakti kə Baul nì nyaka i kijuŋni ki Lum 9:17

Yələ gia kɔ asi bə nì nyaka tə i Kiŋwakti ki Nyɔ wə a Nyɔ nì dzakaki i fɛlɔ ŋkuŋ wi Ijib a, “Mih yaksi wɔ ka ŋkuŋ, fwu wiwɔ num a, mih ni chusiki ŋga biŋ i wɔ wə, ka bəni bi tsə̂ bəh yɛli wuŋ i mbi wələ wichi wə.”

1 Kɔlɛn 9:14

Yi kɔ a liŋ si Bah dzaka a, bəni bə̀ bɔ fukuki ntum wi ndzɔŋni nɔki a yɛiŋ wə.

Galɛshia 3:8

Kiŋwakti ki Nyɔ nì kɔ ki dzaka a kɛiŋ i kikpu wə a Nyɔ bi dzɔ bəni bə̀ bɔ kɔkə Bəju bɔ num ŋgbɔ kɔbi i wi nshiŋ kɔm shɔm yə bɔ kɔ bɔ jiə i wi wə. Kiŋwakti ki Nyɔ ka fuku ntum wi ndzɔŋni wələ i Ablaham kaŋ kɛiŋ, dzaka a, “Nyɔ bi bɔiŋsi lə bitumi bichi i nshwaiŋ wə kɔm wɔ.”

Kiŋwakti ki Jɛm 4:5

Yi kɔ a mbɛiŋ nyani dəiŋ i kwakaki a gia yə bə nì nyaka i Kiŋwakti ki Nyɔ wə kɔ kilɔlɔ a? Bə nì kɔ bə nyaka a, “Nyɔ kaŋaki kiŋkɔŋ, də bəh ŋga i kiŋ'waka kə wi nì jiə a ki numki i bukumbɛiŋ wə.”