xRut 4:11 - Chol: I T’an Dios

¹¹ Pejtel ya' bʌ tempʌbilob ti' ti' tejclum yic'ot xñoxob año' bʌ i ye'tel tsi' subeyob: Testigojon lojon. La' i yʌq'uen lac Yum i p'olbal jini x'ixic woli bʌ a pʌy ti a wotot. La' ajñic che' bajche' Raquel yic'ot Lea, jini cha'tiquil tsa' bʌ i cosʌbeyob i yalobilob Israel. La' p'ojlic a chubʌ'an ti Efrata. La' tsictiyic a ñuclel ti Belén.

Chol de Tumbalá Bible

¹¹ Pejtel ya' bʌ tempʌbilob ti' ti' tejclum yic'ot xñoxob año' bʌ i ye'tel tsi' subeyob: Testigojon lojon. La' i yʌq'uen lac Yum i p'olbal jini x'ixic woli bʌ a pʌy ti a wotot. La' ajñic che' bajche' Raquel yic'ot Lea, jini cha'tiquil tsa' bʌ i cosʌbeyob i yalobilob Israel. La' p'ojlic a chubʌ'an ti Efrata. La' tsictiyic a ñuclel ti Belén.

xRut 4:11 Iomraidhean Croise

Genesis 23:10

Ya'ix buchul Efrón ti' tojlel i yalobilob Het. Efrón jini heteo tsi' jac'ʌ Abraham ti' tojlel i pi'ʌlob yic'ot pejtel jini woli bʌ i yochelob ti' ti' i tejclum Het. Tsi' yʌlʌ:

Genesis 24:60

Tsi' yʌq'ueyob Rebeca i yutslel i t'an. Tsi' subeyob: La' ochiquet ti' ña' cabʌl winicob ti mil ti mil. La' yumʌnticob cha'an jini mu' bʌ i ts'a'leñob, che'ob.

Genesis 29:16

An cha'tiquil xch'oc bʌ i yalobilob Labán. Jini chichʌl bʌ i c'aba' Lea. Jini ijts'iñʌl bʌ i c'aba' Raquel.

Genesis 29:25

Ti sʌc'ajel Jacob tsi' q'uele jiñʌch Lea tsa' bʌ i pʌyʌ. Jacob tsi' sube Labán: ¿Chuqui tsa' melbeyon? Wucp'ejl jab tsac melbeyet a we'tel cha'an mic pʌy Raquel. ¿Chucoch tsa' lotiyon? che'en.

Genesis 29:32

Lea tsa' caji' cʌntan i yalobil. Tsi' yila pañimil ch'iton bʌ i yalobil. Tsi' yotsʌbe i c'aba' Rubén, “Dios tsi' q'uele c wocol”, come tsi' yʌlʌ: Lac Yum tsi' q'uele ts'a'lebilon. Wʌle c ñoxi'al mi caj i c'uxbiñon, che'en.

Genesis 35:23

Jini ch'iton bʌ i yalobilob Lea jiñobʌch Rubén jini ascuñʌl bʌ, Simeón, Leví, Judá, Isacar, Zabulón.

Genesis 35:24

Jini ch'iton bʌ i yalobilob Raquel jiñobʌch José yic'ot Benjamín.

1 Reyob 21:8

I yijñam Acab tsi' mele jump'ejl carta ti' c'aba' Acab i ñoxi'al. Tsi' yʌq'ue i sellojlel. Che' jini tsi' choco majlel jini carta ba'an jini xñoxob yic'ot año' bʌ i ye'tel ya' ti' tejclum Nabot.

1 Cronicas 2:51

yic'ot Salma (i tat Belén), yic'ot Haref (i tat Betgader).

Salmos 132:6

Awilan, tsa cubi lojon ya'an jini Arca ti Efrata. Ti wi'il tsac taja lojon ya' ti te'el.

Proverbios 14:1

Pejtel x'ixic am bʌ i ña'tʌbal mi' tijicñesʌbeñob i pusic'al año' bʌ ti' yotot, pero p'ump'uñob jini año' bʌ ti' yotot jini tonto bʌ x'ixic.

Proverbios 31:23

Cʌñʌl i ñoxi'al ti meloñibʌl ba' mi' buchtʌl yic'ot jini ñoxobix bʌ ti' lumal.

Jeremias 32:10

Tsa cotsʌbe j c'aba' ya' ti' juñilel jamil. Tsa cʌq'ue i sellojlel ti' tojlel testigojob tsa' bʌ i yotsayob i c'aba' ti jun. Tsac p'isbe jini taq'uin ti balanza. Ts'ʌcʌl tsac tojo.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Mateo 2:6

“Jixcu jatetla añet bʌ la ti Belén ya' ti' lumal Judá, mach yoque ch'o'ch'o'queticla ti' tojlel i yumob Judá. Come ti la' tojlel mi' caj ti loq'uel juntiquil yumʌl mu' bʌ caj i cʌntan israelob c cha'año' bʌ”.

Deuteronomio 25:7

Pero mi mach yomic i pʌyben i yijñam i yeran jini winic, jini x'ixic muq'uix i majlel ya' ba'an jini xñoxob cha'an mi' subeñob: “Jini c mu' mach yomic i pʌyon cha'an mi' yʌq'ueñon ch'iton bʌ calobil cha'an mi' ch'ʌmben i c'aba' c ñoxi'al ti Israel”, che'en.

Deuteronomio 25:9

jini x'ixic muq'uix i majlel ya' baqui an jini winic ti' tojlel jini xñoxob. Muq'uix i loc'sʌben i zapato ti' yoc i mu'. Jini x'ixic mi caj i tujbʌben i wut i mu'. Mi caj i suben: “Che'ʌch mi' mejlel ti' tojlel jini winic mach bʌ yomic i q'uextʌben i c'aba' i yeran ti' tojlel israelob”, che'en.

xRut 1:2

I c'aba' jini winic jiñʌch Elimelec. I c'aba' i yijñam jiñʌch Noemí. I c'aba' jini cha'tiquil i yalobilob jiñʌch Mahlón yic'ot Quelión. Ch'oyolob ti Belén am bʌ i cha'chajplel i c'aba' Efrata ya' ti Judá. Tsa' tem majliyob ti' lumal Moab. Ya' tsa' cʌleyob.