xRut 4:1 - Chol: I T’an Dios

¹ Booz tsa' letsi majlel ti' ti' tejclum. Tsa' buchle ya'i. Tsa' c'oti winic bʌ i pi'ʌl. Jiñʌch tsa' bʌ i ña'ta Booz che' bʌ tsi' pejca Rut. Booz tsi' sube: Jeyaj, la' c pi'ʌl. Buchi' ilayi, che'en. Tsa' tili ti buchtʌl.

Chol de Tumbalá Bible

¹ Booz tsa' letsi majlel ti' ti' tejclum. Tsa' buchle ya'i. Tsa' c'oti winic bʌ i pi'ʌl. Jiñʌch tsa' bʌ i ña'ta Booz che' bʌ tsi' pejca Rut. Booz tsi' sube: Jeyaj, la' c pi'ʌl. Buchi' ilayi, che'en. Tsa' tili ti buchtʌl.

xRut 4:1 Iomraidhean Croise

Genesis 19:1

Jini cha'tiquil ángelob tsa' tiliyob ti Sodoma che' wolix ti bʌjlel q'uin. Buchul Lot ti' ti' Sodoma. Che' bʌ tsi' q'uele ix tilelob, tsa' majli i tajob. Tsi' pʌcchoco i bʌ.

Genesis 23:10

Ya'ix buchul Efrón ti' tojlel i yalobilob Het. Efrón jini heteo tsi' jac'ʌ Abraham ti' tojlel i pi'ʌlob yic'ot pejtel jini woli bʌ i yochelob ti' ti' i tejclum Het. Tsi' yʌlʌ:

Genesis 34:20

Hamor yic'ot Siquem i yalobil tsa' tiliyob ba'an i ti' tejclum. Tsi' subeyob jini winicob loq'uemo' bʌ ti tejclum:

2 Samuel 15:2

Jini Absalón seb to tsa' ch'ojyi ti jujump'ejl q'uin cha'an mi' majlel ti wa'tʌl ya' ti' ti' tejclum. Che' bʌ tsa' tili winic cha'an mi' pejcan rey, cha'an mi' c'ajtin meloñel, Absalón tsi' c'ajtibe jini winic: ¿Baqui ch'oyolet? che'en. Jini winic tsi' jac'ʌ: Wʌ' jach chumulon ila ti' lumal israelob, che'en.

2 Cronicas 18:9

I rey israelob yic'ot i rey Judá, lʌpʌlob i cha'an jini wen uts'at bʌ i pislelob ya' ti' t'ejl bij ti yochibal Samaria. Pejtelel jini x'alt'añob junlajal woli' yʌlob.

Job 29:7

Tsajniyon ti' ti' tejclum. Tsa' buchleyon ti meloñel ya' ti' t'ejl ñoj bij.

Job 31:21

Mi tsac letsa j c'ʌb ti meloñel ti contra jini meba' cha'an mic tajben i yutslel winicob,

Salmos 69:12

Jini año' bʌ i ye'tel ti tejclum mi' p'ajoñob che' mi' tempañob i bʌ. Jini xyʌc'ʌjelob mi' wajleñoñob ti c'ay.

Proverbios 31:23

Cʌñʌl i ñoxi'al ti meloñibʌl ba' mi' buchtʌl yic'ot jini ñoxobix bʌ ti' lumal.

Isaias 55:1

Yom ma' jal'an jumuc', majqui jach an i tiquin ti'. La' tilic i jap ja' mu' bʌ cʌc'. Jini mach bʌ añobic i taq'uin, la' tilicob i c'ux waj i jap vino yic'ot lech ti' majtan jach.

Jeremias 32:10

Tsa cotsʌbe j c'aba' ya' ti' juñilel jamil. Tsa cʌq'ue i sellojlel ti' tojlel testigojob tsa' bʌ i yotsayob i c'aba' ti jun. Tsac p'isbe jini taq'uin ti balanza. Ts'ʌcʌl tsac tojo.

Amos 5:15

Ts'a'lenla jontolil. C'uxbinla chuqui uts'at. Cha'lenla toj bʌ meloñel. Mi che'ʌch mi la' mel, uts'at mi caj i q'uel lac Yum, i Dios Panchan yic'ot Pañimil. Tic'ʌl mi caj i pʌsbeñob i yutslel i pusic'al i colojbal José mu' bʌ caj i coltʌntelob.

Zacarias 2:6

Lac Yum tsi' subeyob jini tsa' bʌ cʌjchiyob majlel: La'la ti puts'el. Loq'uenla ti Babilonia ya' ti norte. Tsac pucuyetla ti pejtelel pañimil, pero mi caj c cha' pʌyetla tilel. Cha'lenla wersa cha'an mi la' bʌc' tilel ti Sion, che'en.

Deuteronomio 16:18

Yom mi la' wa'chocon jini juezob yic'ot año' bʌ i ye'tel ti pejtelel la' tejclum tac mu' bʌ caj i yʌq'ueñetla lac Yum Dios. Aq'ueñob i ye'tel ti meloñel cha'an mi' melob i pi'ʌlob ti toj.

Deuteronomio 17:5

Mi isujm tsi' mele bajche' jini, yom mi la' choc loq'uel ti la' tejclum jini winic o mi x'ixic tsa' bʌ i mele chuqui leco. Yom mi la' jul ti xajlel jinto mi' chʌmel.

Deuteronomio 21:19

che' jini i tat i ña' mi caj i pʌyob majlel ba'an jini xñoxob ya' ti' ti' jini tejclum.

Deuteronomio 25:7

Pero mi mach yomic i pʌyben i yijñam i yeran jini winic, jini x'ixic muq'uix i majlel ya' ba'an jini xñoxob cha'an mi' subeñob: “Jini c mu' mach yomic i pʌyon cha'an mi' yʌq'ueñon ch'iton bʌ calobil cha'an mi' ch'ʌmben i c'aba' c ñoxi'al ti Israel”, che'en.

Josue 20:4

Che' an majqui mi' puts'el tilel ti jump'ejl tejclum, la' poj wa'lec ti' ti'. La' i sub i bʌ ti' tojlel año' bʌ i ye'tel ti jini tejclum. Mi tsi' lajayob i t'an cha'an mi' yochel ti tejclum, la' i yʌq'ueñob baqui mi' chumtʌl yic'otob.

xRut 3:12

Isujm joñon a pi'ʌlon. Pero an yambʌ ñumen mero a pi'ʌl bajche' joñon.

xRut 3:18

Tsi' yʌlʌ Noemí: Calobil, pijtan ti' ñʌch'tilel a pusic'al jinto ma' wubin bajche' mi' caj ti ujtel, come ili winic ma'anic mi caj i c'aj i yo jinto mi' yujtel i mel pejtel chuqui yom. Ti jini jach bʌ q'uin mi caj i mel, che'en.