xRut 3:13 - Chol: I T’an Dios

¹³ Cʌlejen wʌ'i c'ʌlʌl mi' ñumel ac'ʌlel. Che' ti sʌc'ajel mux c pejcan yambʌ a pi'ʌl. Mi yom i coltañet la' i mel. Mi mach yomic i coltañet mi caj j coltañet joñon che' bajche' yom, come a pi'ʌlon. Melelʌch chuqui wolic sub come mic bʌc'ñan lac Yum. Ñoli' jinto mi' sʌc'an, che'en.

Chol de Tumbalá Bible

¹³ Cʌlejen wʌ'i c'ʌlʌl mi' ñumel ac'ʌlel. Che' ti sʌc'ajel mux c pejcan yambʌ a pi'ʌl. Mi yom i coltañet la' i mel. Mi mach yomic i coltañet mi caj j coltañet joñon che' bajche' yom, come a pi'ʌlon. Melelʌch chuqui wolic sub come mic bʌc'ñan lac Yum. Ñoli' jinto mi' sʌc'an, che'en.

xRut 3:13 Iomraidhean Croise

Jeremias 12:16

Mi yomob i ñopon ti pejtelel i pusic'al cha'an mi' jac'ob c mandar che' bajche' tsaj cʌntesa c winicob, che' jini c cha'añobix. Temel yic'ot c winicob mi caj j coltañob mi tsi' junyajlel cʌyʌyob Baal cha'an mi' tsajcañoñob cha'an mi' q'ueloñob ti ñuc. Ti yambʌ ora tsi' tsajcayob Baal. Che'ʌch tsi' cha'leyob cʌntesa ja'el.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

2 Corintios 1:23

La' i q'uel c pusic'al Dios come isujm maxto anic tsa' tiliyon ti Corinto ba' añetla come mach comic c tsʌts pejcañetla.

Hebreos 6:16

Ti isujm, winicob mi' tajbeñob i c'aba' jini ñumen ñuc bʌ cha'an mi' xuc'chocoñob i t'an. Che' mi' xuc'chocoñob ti' c'aba' yambʌ, ma'anix majch mi mejlel i jem.

Juezob 8:19

Gedeón tsi' subeyob: Querañobʌch jini winicob. Melel mic subeñetla, come mic bʌc'ñan jini cuxul bʌ lac Yum, tsa'ic la' wʌc'ʌyob ti sujtel ti' yotot, ma'anic mic wersa tsʌnsañetla, che'en.

xRut 2:20

Noemí tsi' sube i yʌ'lib: La' i yʌq'uen i yutslel i pusic'al lac Yum, come uts i pusic'al Booz. Lajal mi' pʌsbeñob i yutslel i pusic'al jini cuxulo' bʌ che' bajche' tsi' pʌsbeyob lac pi'ʌlob tsa' bʌ chʌmiyob, che'en. Tsi' yʌlʌ ja'el: Jini winic mero lac pi'ʌlʌch. Jiñʌch mu' bʌ mejlel i coltañonla, che'en.

xRut 3:12

Isujm joñon a pi'ʌlon. Pero an yambʌ ñumen mero a pi'ʌl bajche' joñon.

xRut 4:5

Booz tsi' sube: Ti jini jach bʌ q'uin che' ma' mʌmben i lum Noemí, mi caj a pʌy Rut ja'el jini meba' x'ixic ch'oyol bʌ ti Moab, i yijñam jini tsa' bʌ chʌmi, cha'an mi' tilel i yalobil ame lon jilic i c'aba' i ñox'i'al tsa' bʌ chʌmi. Che' jini i yalobil mi caj i ch'ʌmben i c'aba' jini chʌmen bʌ. Mi caj i yʌq'uentel i lum, che'en.

xRut 4:6

Jini i pi'ʌl Booz tsi' sube: Mach mejlic c mʌn joñon ame sajtic lamital c chubʌ'an. Yom ma' mʌñ jatet jini lum am bʌ tic wenta come mach mejlic c mʌn joñon, che'en.