xRut 2:6 - Chol: I T’an Dios

⁶ I winic Booz tsi' sube i yum: Jiñʌch xch'oc bʌ x'ixic ch'oyol bʌ ti Moab. Noemí tsi' pʌyʌ tilel che' bʌ tsa' loq'ui ti' lumal Moab.

Chol de Tumbalá Bible

⁶ I winic Booz tsi' sube i yum: Jiñʌch xch'oc bʌ x'ixic ch'oyol bʌ ti Moab. Noemí tsi' pʌyʌ tilel che' bʌ tsa' loq'ui ti' lumal Moab.

xRut 2:6 Iomraidhean Croise

Genesis 15:2

Abram tsi' yʌlʌ: C Yum Dios, ¿chuqui mi mejlel a wʌq'ueñon? come c'ʌlʌl wʌle ma'anic calobil. Jini mu' bʌ caj i ch'ʌm pejtel c chubʌ'an jiñʌch Eliezer ch'oyol bʌ ti Damasco. Awilan, ma'anic tsa' wʌq'ueyon c p'olbal. Mi caj i ch'ʌm c chubʌ'an juntiquil x'e'tel tsa' bʌ i yila pañimil ti cotot, che'en Abram.

Genesis 24:2

An i winic Abraham, jiñʌch ascuñʌl bʌ ti' yotot. Tsa' aq'uenti ti' wenta pejtelel i chubʌ'an Abraham. Abraham tsi' sube ili winic: Mux caj a wersa ac' a t'an ti' c'aba' lac Yum, i Diosʌch Panchan yic'ot Pañimil, cha'an ma'anic mi caj a yajcʌben i yijñam calobil ti' tojlel xch'oc bʌ i yalobilob cananeojob wʌ' ba' chumulon.

Genesis 39:4

José tsi' tajbe i yutslel i pusic'al Potifar. Tsi' melbe i ye'tel. Potifar tsi' yʌq'ue i ye'tel ti xq'uel e'tel ti' yotot. Tsi' yotsa ti' wenta pejtel i chubʌ'an.

Mateo 20:8

Che' iq'uix cajel, i yum ts'usubil tsi' sube xq'uel e'tel i cha'an: “Pʌyʌ tilel x'e'telob. Aq'ueñob i tojol. Ñaxan ma' toj jini wi'ilix bʌ tsa' juliyob. Ti wi'il ma' toj jini ñaxan bʌ tsa' juliyob”, che'en.

Mateo 24:45

¿Majqui lajal bajche' jini xuc'ul bʌ x'e'tel am bʌ cabʌl i ña'tʌbal? Jini x'e'tel tsa' aq'uenti i ye'tel ti' yum cha'an mi' yʌq'ueñob i bʌl i ñʌc' jini año' bʌ ti' yotot che' ti' yorajlel.

xRut 1:16

Rut tsi' yʌlʌ: Mach a subeñon sujtel cha'an mij cʌyet. Mach a tic'on ti majlel a wic'ot, come ya' ba' ma' majlel mic majlel ja'el. Ya' ba' ma' chumtʌl mi caj c chumtʌl. Jini a pi'ʌlob mi caj i sujtelob tic pi'ʌlob. Jini a Dios c Diosʌch.

xRut 1:19

Jini cha'an jini cha'tiquil tsa' tem cajiyob ti xʌmbal majlel. Tsa' c'otiyob ti Belén. Che' bʌ tsa' ochiyob ti Belén, tsa' cajiyob ti t'an pejtel winicob x'ixicob. Che' bʌ tsi' q'ueleyob tsi' yʌlʌyob: ¿Isujm ba jiñʌch Noemí jini? che'ob.

xRut 1:22

Che' jini tsa' sujti Noemí yic'ot Rut i yʌ'lib ch'oyol bʌ ti Moab. Tsi' cʌyʌyob i lumal Moab cha'an mi' sujtelob ti Belén. Tsa' c'otiyob che' ti' tejchibal i yorajlel che' mi' tsepob cebada.

xRut 2:5

Booz tsi' c'ajtibe i winic, jiñʌch mu' bʌ i q'uel stsep cebadajob: ¿Majqui i cha'an jini xch'oc? che'en.

xRut 2:7

Tsi' subeyon: Awocolic, la' c tempan cebada ti jamil. La' c tsajcan majlel jini stsep cebadajob cha'an mic tempan jini cʌlejem bʌ, che'en. Tsa' juli che' ti sʌc'ajel. C'ʌlʌl wʌle wʌ'to an. Maxto anic tsi' cʌyʌ i ye'tel cha'an mi' sujtel ti' yotot. Che' tsi' yʌlʌ i winic Booz.