xRut 2:10 - Chol: I T’an Dios

¹⁰ Rut tsi' ñocchoco i bʌ ti' t'ejl i yoc, ñucul i jol. Tsi' sube: Wocolix a wʌlʌ, c yum. Cabʌl wola' pʌsbeñon i yutslel a pusic'al, anquese yambʌyʌch c lumal ba' ch'oyolon, che'en.

Chol de Tumbalá Bible

¹⁰ Rut tsi' ñocchoco i bʌ ti' t'ejl i yoc, ñucul i jol. Tsi' sube: Wocolix a wʌlʌ, c yum. Cabʌl wola' pʌsbeñon i yutslel a pusic'al, anquese yambʌyʌch c lumal ba' ch'oyolon, che'en.

xRut 2:10 Iomraidhean Croise

Genesis 18:2

Tsa' caji' can q'uel pañimil. Awilan, ix tilelob uxtiquil winicob. Che' bʌ tsi' q'ueleyob, tsa' loq'ui ti pisil bʌ i yotot. Ajñel tsa' majli i tajob. Tsi' pʌcchoco i bʌ ti lum.

2 Samuel 19:28

Come machic tsa' p'untayon lojon che' bʌ tsa' chʌmi c tat laj chʌmeñonix lojon, pero ma'anic tsa' wʌc'ʌyon lojon ti chʌmel. Tsa' pʌyʌyon cha'an mic ten cha'len we'el a wic'ot ti a mesa. ¿Mach ba cabʌlic i yutslel a pusic'al? Jasʌlon, che'en Mefiboset.

2 Samuel 7:18

Tsa' ochi David ti' tojlel lac Yum. Tsi' yʌlʌ: C Yum Dios, wen uts'atax jini mu' bʌ caj a melbeñon quic'ot calobilob. Anquese ma'anic c bajñel ñuclel lojon, tsa' pʌsbeyon i yutslel a pusic'al c'ʌlʌl wʌle.

2 Samuel 9:8

Mefiboset tsi' cha' c'uchchoco i bʌ. Tsi' yʌlʌ: Cabʌl jax i yutslel a pusic'al tic tojlel anquese ma'anic j c'ʌjñibal. Lajalon bajche' chʌmen bʌ ts'i', pero wola' p'untañon, che'en.

Levitico 19:34

Yom lajal mi la' q'uel jini ñajt bʌ tilem che' bajche' mero la' pi'ʌl. Yom c'ux mi la' wubin che' bajche' mi la' bajñel c'uxbin la' bʌ, come ti yambʌ ora ya' añetla ti Egipto ba' mach mero la' lumalic. Joñoñʌch la' Yumon la' Dioson.

Mateo 25:35

Come che' bʌ tsa cubi wi'ñal, tsa' la' wʌq'ueyon i bʌl c ñʌc'. Che' bʌ tsa cubi tiquin ti', tsa' la' wʌq'ueyon chuqui mic jap. Che' mach cʌmbilonic la' cha'an, tsa' la' pʌyʌyon ochel.

Lucas 1:43

¿Ñucon ba cha'an mi' jula'tañon i ña' c Yum?

Lucas 1:48

Dios tsi' q'uele mach ñuquic jini x'e'tel i cha'an. Come awilan, winicob x'ixicob yic'ot i p'olbalob ti lajm ti lajm mi caj i yʌlob tijicñayon.

Romanos 12:10

C'uxbin la' bʌ come la' pi'ʌl la' bʌ, i yijts'iñetla Cristo. Yom ñumen ñuc mi la' q'uel la' pi'ʌlob bajche' mi la' bajñel q'uel la' bʌ.

xRut 2:11

Booz tsi' sube: Ti isujm tsa cubi pejtel chuqui tsa' melbe a wʌ'lib che' bʌ tsa' chʌmi a ñoxi'al c'ʌlʌl wʌle. Tsa cubi bajche' tsa' cʌyʌ a tat a ña' yic'ot a lumal cha'an ma' tilel ba'an winicob x'ixicob mach bʌ a cʌñʌyobic.

xRut 2:13

Rut tsi' sube: Cabʌl tsa' pʌsbeyon i yutslel a pusic'al, c yum. Tsa' wen ñuq'uesʌbeyon c pusic'al. Wen uts tsa' pejcayon anquese mach añonic ti a wenta, come mach a criadajonic, che'en.

xRut 2:19

I yʌ'lib tsi' c'ajtibe: ¿Baqui tsa' tempa sajmʌl? ¿Baqui tsa' cha'le e'tel? Uts jini winic tsa' bʌ i q'ueleyet ti uts'at, che'en Noemí. Rut tsi' sube i yʌ'lib chuqui tsa' ujti ya' ba' tsi' cha'le e'tel. Tsi' yʌlʌ: I c'aba' i yum jini lum ba' tsac cha'le e'tel sajmʌl, jiñʌch Booz, che'en.

xRut 2:2

Rut jini ch'oyol bʌ ti Moab tsi' sube Noemí: A wocolic la' majlicon ti jamil cha'an mic tempan cʌlejem bʌ cebada. Mux c tsajcan majlel jini stsep cebada mu' bʌ i q'uelon ti uts'at, che'en. I yʌ'lib tsi' sube Rut: Cucu calobil, che'en.

xRut 2:9

Q'uele jini jamil ba' woli' tsepob cebada. Tsajcañob majlel. Tsac subeyob c winicob cha'an ma'anic mi' tic'lañetob. Che' tiquinix a ti' cucu ba'an uc'um. Japʌ chuqui tsi' luchuyob jini winicob, che'en Booz.

1 Samuel 25:23

C'ʌchʌl Abigail che' bʌ tsi' q'uele David. Tsa' bʌc' wa'le ti lum. Tsi' ñocchoco i bʌ ti' tojlel David.