xRut 1:6 - Chol: I T’an Dios

⁶ Che' bʌ ya'to an Noemí yic'ot cha'tiquil i yʌ'lib ti' lumal Moab, tsi' yubi cha' añix i bʌl i ñʌc' i pi'ʌlob cha'an tsi' p'untayob lac Yum. Tsi' chajpa i bʌ Noemí cha'an mi' sujtel ti' lumal.

Chol de Tumbalá Bible

⁶ Che' bʌ ya'to an Noemí yic'ot cha'tiquil i yʌ'lib ti' lumal Moab, tsi' yubi cha' añix i bʌl i ñʌc' i pi'ʌlob cha'an tsi' p'untayob lac Yum. Tsi' chajpa i bʌ Noemí cha'an mi' sujtel ti' lumal.

xRut 1:6 Iomraidhean Croise

Genesis 21:1

Lac Yum tsi' ña'ta Sara. Tsi' yʌq'ue che' bajche' tsi' wʌn sube. Sara tsa' caji' cʌntan i yalobil. Tsi' yʌq'ue Abraham ch'iton bʌ i yalobil che' ñoxix Abraham che' bajche' tsi' wʌn sube lac Yum.

Genesis 28:20

Jacob tsi' yʌc'ʌ i t'an ti' tojlel Dios. Tsi' yʌlʌ: Mi isujm añet quic'ot, mi mux a cʌntañon ti jini bij cha'an utsat mic majlel, mi mux a wʌq'ueñon waj cha'an mij c'ux yic'ot pisil cha'an mic lʌp,

Genesis 48:15

Israel tsi' yʌq'ue José i yutslel i t'an. Tsi' yʌlʌ: Dios jiñʌch tsa' bʌ i tsajcayob majlel c tatob, Abraham yic'ot Isaac. Jiñʌch tsa' bʌ i we'sayon che' bʌ tsaj q'uele pañimil c'ʌlʌl wʌle.

Genesis 50:25

José tsi' sube i yalobilob Israel cha'an mi' wersa ac'ob i t'an. Tsi' yʌlʌ: Isujm Dios mi caj i ña'tañetla. Mux caj la' q'uech majlel c bʌquel che' mi la' loq'uel ilayi, che'en.

Salmos 102:14

A winicob mi' c'uxbiñob i xajlelal Sion. Ch'ijiyemob i pusic'al cha'an i ts'ubeñal jini jejmen tac bʌ otot.

Salmos 111:5

Mi' we'san jini mu' bʌ i bʌc'ñañob. Ti pejtelel ora mi' ña'tan jini xuc'ul bʌ i t'an.

Salmos 132:15

Mi caj c wen p'ojlesʌbeñob i bʌl i ñʌc' jini wʌ' bʌ chumulob. Mi caj c wen aq'ueñob i waj jini p'ump'uño' bʌ.

Salmos 145:15

Ti pejtelelob mi' pijtañet. Ma' wʌq'ueñob i bʌl i ñʌc' che' ti' yorajlel.

Salmos 146:7

Mi' mel ti toj jini tic'lʌbilo' bʌ. Mi' yʌq'ueñob i waj jini año' bʌ i wi'ñal. Lac Yum mi' yʌc' ti colel jini ñup'ulo' bʌ.

Salmos 147:14

Mi' yʌc' ti lajmel guerra ya' ti la' lumal. Mi' yʌq'ueñetla jini wen bʌ trigo.

Exodo 3:16

Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Exodo 4:31

Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Proverbios 30:8

Tʌts'beñon lolom jax bʌ yic'ot lot. Mach a wotsañon ti pobre, mach a wotsañon ti rico. Cojach yom ma' wʌq'ueñon cha'an jasʌlon ti jujump'ejl q'uin,

Isaias 55:10

Jini ja'al yic'ot i ña'al tsʌñal mi' yajlel tilel ti panchan. Ma'anix mi' chʌn sujtel. Mi' laj ch'ʌch' jini lum. Che' ach'ix jini lum mi' colel pʌc'ʌbʌl. Mi' yʌc' i wut. Mi' cha'leñob pac' winicob cha'an mi' tajob chuqui mi' c'uxob.

Jeremias 29:10

Ubinla i t'an lac Yum: Che' ñumenix lujump'ejl i chʌnc'al (70) jab che' ya' chumuletla ti Babilonia, cha' talon c pʌyetla loq'uel che' bajche' tsac subeyetla. Mi caj la' sujtel ti la' lumal.

Joel 2:19

Lac Yum mi caj i suben i cha'año' bʌ: Awilan, wolic chocbeñetla tilel cabʌl ixim yic'ot vino yic'ot aceite. Mi caj i wen jastiyel la' cha'an. Ma'anix mi caj c chʌn aq'uetla ti ts'a'lentel ti' tojlel jini sajtemo' bʌ.

Sofonias 2:7

Ya' mi caj i majlelob ti chumtʌl i colojbal i p'olbal Judá. Ya' mi caj i c'ajob i yo ti' yotot tac Ascalón ba' ma'añobix i yum. Come lac Yum mi caj i cha' pʌsbeñob i yutslel. Mi caj i cha' aq'ueñob i wenlel.

Mateo 6:11

Aq'ueñon lojon c waj cha'an ili q'uin.

Lucas 1:68

La' sujbic ti ñuc lac Yum Dios, i Dios Israel. Tsa'ix tili ba'an i cha'año' bʌ. Tsa'ix i mʌñʌyob.

Lucas 19:44

Mi caj i choquetla jubel ti lum yic'ot la' walobilob año' bʌ ti tejclum. Ma'anic mi caj la' cʌybentel mi jump'ejlic xajlel ti' pam yambʌ, come ma'anic tsa' la' ña'ta che' i yorajlelix la' coltʌntel ti Dios. Che' tsi' yʌlʌ Jesús.

1 Timoteo 6:8

Jini cha'an che' an lac waj yic'ot lac pislel, yom tijicñayonla che' jini.

1 Pedro 2:12

Pʌsʌ la' bʌ ti uts'at ti' tojlel jini gentilob. Che' jini anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i subob i ñuclel Dios.

xRut 1:5

Tsa' chʌmiyob ja'el Mahlón yic'ot Quelión ti cha'ticlel. Meba'ix tsa' cʌle Noemí come ma'anix i yalobil, ma'anix i ñoxi'al.

xRut 1:7

Jini cha'an tsa' caji ti loq'uel ya' ba' chumul cha'an mi' sujtel majlel ti' lumal Judá. Jini cha'tiquil i yʌ'lib tsa' caji' pi'leñob majlel ti xʌmbal.

1 Samuel 2:21

Lac Yum tsi' p'unta Ana. Tsi' cha' aq'ue i cʌntan i yalobil. Tsi' yilayob pañimil uxtiquil ch'iton bʌ i yalobilob yic'ot cha'tiquil xch'oc bʌ. Jini ch'iton Samuel tsa' coli majlel ti' tojlel lac Yum.