xRut 1:5 - Chol: I T’an Dios

⁵ Tsa' chʌmiyob ja'el Mahlón yic'ot Quelión ti cha'ticlel. Meba'ix tsa' cʌle Noemí come ma'anix i yalobil, ma'anix i ñoxi'al.

Chol de Tumbalá Bible

⁵ Tsa' chʌmiyob ja'el Mahlón yic'ot Quelión ti cha'ticlel. Meba'ix tsa' cʌle Noemí come ma'anix i yalobil, ma'anix i ñoxi'al.

xRut 1:5 Iomraidhean Croise

Isaias 49:21

Che' jini mi caj a wʌl ti a pusic'al: “¿Majqui tsi' yʌq'ueyon cabʌl calobilob? Come tsʌnsʌbilob lamital jini calobilob. Lamital tsa' pʌjyiyob majlel ti yambʌ lum. ¿Majqui tsi' cosayob che' añon tic bajñel? ¿Baqui tsa' tiliyob?” che'et.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Lucas 7:12

Che' lʌc'ʌlix an ti' ti' tejclum, awilan, woli' ch'ʌmob majlel ch'ujlelʌl cha'an mi' mucob. Jini winic tsa' bʌ chʌmi cojachix bʌ i yalobil i ña'. Meba'ix i ña'. Tsi' pi'leyob majlel cabʌl winicob x'ixicob loq'uemo' bʌ ti jini tejclum.

Deuteronomio 32:39

Q'uelela. Joñon la' Dioson. Joñon jach, ma'anic yambʌ. Joñon mi cʌq'uetla ti chʌmel. Joñon mi cʌq'ueñetla la' cuxtʌlel. Mic lowetla, mic cha' lajmesañetla. Ma'anic majqui mi mejlel i loc'sañetla tic p'ʌtʌlel.

xRut 1:2

I c'aba' jini winic jiñʌch Elimelec. I c'aba' i yijñam jiñʌch Noemí. I c'aba' jini cha'tiquil i yalobilob jiñʌch Mahlón yic'ot Quelión. Ch'oyolob ti Belén am bʌ i cha'chajplel i c'aba' Efrata ya' ti Judá. Tsa' tem majliyob ti' lumal Moab. Ya' tsa' cʌleyob.

xRut 1:4

Jini cha'tiquil i yalobilob tsi' pʌyʌyob i yijñam chumulo' bʌ ti Moab. I c'aba' juntiquil Orfa, i c'aba' yambʌ Rut. Ya' tsa' chumleyob che' bajche' lujump'ejl jab.

xRut 1:6

Che' bʌ ya'to an Noemí yic'ot cha'tiquil i yʌ'lib ti' lumal Moab, tsi' yubi cha' añix i bʌl i ñʌc' i pi'ʌlob cha'an tsi' p'untayob lac Yum. Tsi' chajpa i bʌ Noemí cha'an mi' sujtel ti' lumal.