xRut 1:16 - Chol: I T’an Dios

¹⁶ Rut tsi' yʌlʌ: Mach a subeñon sujtel cha'an mij cʌyet. Mach a tic'on ti majlel a wic'ot, come ya' ba' ma' majlel mic majlel ja'el. Ya' ba' ma' chumtʌl mi caj c chumtʌl. Jini a pi'ʌlob mi caj i sujtelob tic pi'ʌlob. Jini a Dios c Diosʌch.

Chol de Tumbalá Bible

¹⁶ Rut tsi' yʌlʌ: Mach a subeñon sujtel cha'an mij cʌyet. Mach a tic'on ti majlel a wic'ot, come ya' ba' ma' majlel mic majlel ja'el. Ya' ba' ma' chumtʌl mi caj c chumtʌl. Jini a pi'ʌlob mi caj i sujtelob tic pi'ʌlob. Jini a Dios c Diosʌch.

xRut 1:16 Iomraidhean Croise

2 Samuel 15:21

Jini Itai tsi' jac'be: Melel mic subeñet, come cuxul lac Yum Dios, come cuxulet c rey. Baqui jach ma' majlel, mic majlel ja'el. Mi mux caj a chʌmel, o mi mux caj a colel, mi caj j coltañet, che'en.

Salmos 45:10

Xch'oc bʌ calobil, ubibeñon c t'an. Ac'ʌ ti a pusic'al. La' ñajʌyicob ti a pusic'al a pi'ʌlob yic'ot jini año' bʌ ti' yotot a tat.

Proverbios 17:17

Mi isujm mi' c'uxbiñonla laj cʌñʌ bʌ ma'anic mi' cʌy i c'uxbiñonla ti pejtelel ora. Junlajalʌch bajche' lac pi'ʌl ba' ora woli la cubin wocol.

Isaias 14:1

Lac Yum mi caj i p'untan jini israelob. Mi caj i cha' yajcan i cha'año' bʌ. Mi caj i cha' pʌyob ochel ti' lumal. Cabʌl mach bʌ i pi'ʌlobic mi caj i tilelob cha'an temel mi' yajñelob yic'ot israelob.

Daniel 2:47

Jini rey tsi' sube: Jiñʌch mero Dios a Dios. Ñumen ñuc bajche' dioste' tac. Jiñʌch i Yum reyob, mu' bʌ i tsictesan i sujmlel jini mucul tac bʌ, come tsa'ix mejli a tsictesʌbeñon i sujmlel c ñajal, che'en jini rey.

Daniel 3:29

Jini cha'an mic subeñob pejtel winicob ti pejtelel lum yujilo' bʌ t'an ti chajp ti chajp: “Majqui jach mi' cha'len p'ajoñel ti' contra i Dios Sadrac, Mesac yic'ot Abednego la' bic'ti tsejpic. La' jembentic i yotot, come ma'anic yambʌ mu' bʌ mejlel i cha'len coltaya che' bajche' iliyi”. Che' tsi' cha'le mandar Nabucodonosor.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Oseas 13:4

Joñon jach a Dioson, a Yumon, c'ʌlʌl che' bʌ tsac pʌyʌyet loq'uel ti Egipto. Ma'anic yambʌ Dios. Ma'anic yambʌ xColtaya, joñon jach.

Zacarias 8:23

Ti jim bʌ q'uin lujuntiquil winicob loq'uemo' bʌ ti lujump'ejl colem tejclum mi caj i comol chucbeñob i bujc juntiquil judío. Mi caj i yʌlob: “La'ix ajniconla che' bajche' lac pi'ʌl lac bʌ, come cujil lojon an Dios awic'ot”, che'ob. Che' tsi' yʌlʌ i Yum Panchan yic'ot Pañimil.

Mateo 8:19

Tsa' tili juntiquil sts'ijbaya. Tsi' sube: Maestro, mi caj c tsajcañet baqui jach ma' majlel, che'en.

Juan 13:37

Pedro tsi' sube: C Yum, ¿chucoch maxto mejlic c tsajcañet majlel? Mi caj cʌc' c bʌ ti chʌmel cha'añet, che'en.

Hechos 21:13

Pablo tsi' subeyon lojon: ¿Chucoch mi la' cha'len uq'uel? ¿Chucoch mi la' wʌq'ueñon i ch'ijiyemlel c pusic'al? Joñon chajpʌbilon, mach cojic jach cha'an mij cʌjchel, pero cha'an mic chʌmel ja'el ti Jerusalén cha'an ti' c'aba' lac Yum Jesús, che'en.

1 Tesalonicenses 1:9

Come woli' subob bajche' tsa' la' pʌyʌyon lojon ochel ba' añetla yic'ot bajche' tsa' la' cʌyʌ dios tac cha'an mi la' ñop jini mero Dios, cha'an mi la' cha'liben i ye'tel jini cuxul bʌ Dios,

Josue 24:18

Lac Yum tsi' choco loq'uel pejtelel jini winicob x'ixicob ti' lum tac ba' tsa' ñumiyonla. Joñon lojon mi caj lac ch'ujutesan lac Yum, come jiñʌch lac Dios. Che' tsi' yʌlʌyob jini israelob.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.

xRut 1:15

Noemí tsi' sube Rut: Awilan tsa'ix sujti a jawʌn ba'an i pi'ʌlob yic'ot i dioste' tac. Tsajcan majlel, che'en.

xRut 1:17

Ya' ba' ma' chʌmel mi caj c chʌmel ja'el. Ya'i mi caj c mujquel. Mi tsaj cʌyʌyet che' cuxulon to, la' i cʌyon lac Yum. La' i melon ti ñumen p'ump'un. Che' tsi' yʌlʌ Rut.

xRut 2:6

I winic Booz tsi' sube i yum: Jiñʌch xch'oc bʌ x'ixic ch'oyol bʌ ti Moab. Noemí tsi' pʌyʌ tilel che' bʌ tsa' loq'ui ti' lumal Moab.

xRut 4:15

Mi caj a cha' ch'ejl'an cha'an a buts. Mi caj i ñuq'uesʌbeñet a pusic'al che' ñoxetix, come tsa'ix i yʌc'ʌ ti pañimil a wʌ'lib mu' bʌ i c'uxbiñet. Ñumen mi' c'uxbiñet Rut bajche' wuctiquil la calobil. Ñumen mi' pʌsbeñet i yutslel i pusic'al, che'ob.