xRut 1:15 - Chol: I T’an Dios

¹⁵ Noemí tsi' sube Rut: Awilan tsa'ix sujti a jawʌn ba'an i pi'ʌlob yic'ot i dioste' tac. Tsajcan majlel, che'en.

Chol de Tumbalá Bible

¹⁵ Noemí tsi' sube Rut: Awilan tsa'ix sujti a jawʌn ba'an i pi'ʌlob yic'ot i dioste' tac. Tsajcan majlel, che'en.

xRut 1:15 Iomraidhean Croise

2 Reyob 2:2

Elías tsi' sube Eliseo: Cʌlejen ilayi, come lac Yum tsi' subeyon majlel ti Betel, che'en. Eliseo tsi' yʌlʌ: Ti' c'aba' jini cuxul bʌ lac Yum mic subeñet ma'anic mi caj j cʌyet che' cuxulet to, che'en. Jini cha'an temel tsa' majliyob ti Betel.

Salmos 125:5

Pero tal i wocol jini mu' bʌ i tʌts'ob i bʌ ti toj bʌ bij cha'an mi' xʌñob jini c'ochol metel bʌ i bijlel. Lac Yum mi caj i pʌyob majlel yic'ot i pi'ʌlob mu' bʌ i cha'leñob jontolil. La' tilic i ñʌch'tilel i pusic'al jini israelob.

Salmos 36:3

Jontol i t'an, lot jach mi' cha'len. Tsa'ix i cʌyʌ wen bʌ i ña'tʌbal. Tsi' cʌyʌ i mel chuqui uts'at.

Sofonias 1:6

Mi caj c tem jisan jini tsa' bʌ i cʌyʌ i tsajcañon yic'ot jini mach bʌ anic tsi' tsajcayon, mach bʌ anic tsi' pejcayon, che'en lac Yum.

Numeros 10:30

Pero Hobab tsi' yʌlʌ: Mach majlicon. Com sujtel ya' ba'an c pi'ʌlob tic lumal, che'en.

Lucas 24:28

Tsa' c'otiyob ti alʌ tejclum ba' woli' majlelob. Che' bajche' yom to i xʌn majlel tsi' mele Jesús.

Hebreos 10:38

Jini toj bʌ i pusic'al mi caj i taj i cuxtʌlel cha'an tsi' ñopo Dios. Pero mi tsi' cʌyʌ i ñopon mach tijicñayic mi caj j q'uel”, che'en.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.

Josue 24:19

Josué tsi' subeyob jini winicob x'ixicob: Mach mejlic la' ch'ujutesan lac Yum, come ch'ujulʌch Dios, bʌc'ñʌbilʌch ja'el. Ma'anic mi caj i ñusʌbeñetla la' mul che' mi la' ñusʌben i t'an.

1 Juan 2:19

Tsa' loq'uiyob majlel ti lac tojlel, come mach lac cha'añobic. Lac cha'añobic, wʌ'to añob la quic'ot c'ʌlʌl wʌle. Pero tsa' loq'uiyob cha'an mi' tsictiyel mach lac cha'añobic.

Juezob 11:24

Isujm mi mejlel a ch'ʌm jini lum mu' bʌ i yʌq'ueñet a dios Quemos. Pero pejtelel chuqui tac tsi' yʌq'ueyon lojon tic wenta c Yum lojon, wersa mic ch'ʌm lojon.

xRut 1:14

Tsi' cha' cha'leyob c'am bʌ uq'uel. Orfa tsi' ts'ujts'u i yʌ'lib cha'an wolix ti sujtel. Tsʌts tsi' tul meq'ue i yʌ'lib Rut, come mach yomic i cʌy.

xRut 1:16

Rut tsi' yʌlʌ: Mach a subeñon sujtel cha'an mij cʌyet. Mach a tic'on ti majlel a wic'ot, come ya' ba' ma' majlel mic majlel ja'el. Ya' ba' ma' chumtʌl mi caj c chumtʌl. Jini a pi'ʌlob mi caj i sujtelob tic pi'ʌlob. Jini a Dios c Diosʌch.