Tito 3:3 - Chol: I T’an Dios

³ Come joñonla ja'el ti yambʌ ora ma'anic lac pusic'al, xñusa t'añonla, lotibilonla. Tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al. Tsa' lac lon ñusa q'uin ti ts'a'leya yic'ot ti' tsʌytsʌyñʌyel lac pusic'al. Tsa' ts'a'lentiyonla. Tsa' lac ts'a'le lac bʌ.

Jiñi Tsiji' bʌ Wen T'añ cha'añ Estudio

³ Come joñonla ja'el ti yam bʌ ora ma'añic lac pusic'al, xñusa t'añonla, tsa' laj cʌyʌ jiñi toj bʌ bij, tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al, tsa' lac lon ñusa q'uiñ ti ts'a'leya yic'ot ti' tsʌytsʌyñʌyel lac pusic'al, tsa' ts'a'lentiyonla, tsa' lac ts'a'le lac bʌ.

Chol de Tumbalá Bible

³ Come joñonla ja'el ti yambʌ ora ma'anic lac pusic'al, xñusa t'añonla, lotibilonla. Tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al. Tsa' lac lon ñusa q'uin ti ts'a'leya yic'ot ti' tsʌytsʌyñʌyel lac pusic'al. Tsa' ts'a'lentiyonla. Tsa' lac ts'a'le lac bʌ.

Jiñi Tsiji' bʌ Wen T'añ cha'añ Estudio

³ Come joñonla ja'el ti yam bʌ ora ma'añic lac pusic'al, xñusa t'añonla, tsa' laj cʌyʌ jiñi toj bʌ bij, tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al, tsa' lac lon ñusa q'uiñ ti ts'a'leya yic'ot ti' tsʌytsʌyñʌyel lac pusic'al, tsa' ts'a'lentiyonla, tsa' lac ts'a'le lac bʌ.

Chol Tila

³ Como joñonla je'el mach'an ti lac ña'tyʌ wajali. Ti lac ñusʌbe i t'an Dios. Ti sajtiyonla ti lac bijlel yubil. Chuculon tyo la lac lolon ch'ujbin pejtyel mu' bʌ i niq'ui mulan lac bajñel pusic'al. Ti lac cha'le chʌ bʌ mach wen. Ti lac ts'a'q'uele chʌ bʌ an i cha'an yaño' bʌ. Ti ts'a'lentiyonla. Ti lac ts'a'le lac bʌ je'el.

Tito 3:3 Iomraidhean Croise

Genesis 38:9

Onán tsi' ña'ta i cha'añʌch i yʌscun mi tsa' tili i yalobil. Jini cha'an ti jujunyajl che' bʌ tsa' ajni yic'ot i mu' tsi' choco i p'ʌtʌlel i bʌc'tal ti lum ame i techben i yalobil i yʌscun.

Genesis 39:16

Ili x'ixic tsi' lotbe i bujc José jinto tsa' c'oti i ñoxi'al ti' yotot.

Salmos 36:2

Come mi' bajñel chañ'esan i bʌ. Mi' lon ña'tan mach cʌmbilic i mul, ma'anic mi' caj ti ts'a'lentel.

Proverbios 8:5

Jatetla mach bʌ anic la' pusic'al yilal, ña'tanla bajche' yom mi la' mel ti pañimil. Jatetla tontojet bʌ la, yom mi la' wʌc' ti la' pusic'al chuqui uts'at.

Proverbios 9:6

Cʌyʌx a mul. Taja a cuxtʌlel. Toj yom ma' mel che' bajche' jini mu' bʌ i ch'ʌmbeñob isujm, che'en.

Isaias 44:20

Jini mu' bʌ i ch'ujutesan dioste' ma'anic mi' we'sʌben i ch'ujlel. Ti' caj i sojquemal i pusic'al mi' sajtel. Ma'anic mi' wis ña'tan chuqui woli' mel. Ma'anic mi' yʌl: “¿Mach ba lotic ili dioste' woli bʌ c mel tij c'ʌb?” che'en.

Abdias 1:3

I chanlel la' pusic'al mi' lotiñetla, come mi la' chumtʌl ya' ba'an lech'el bʌ xajlel ti' chañelal wits tac. Mi la' lon al ti la' pusic'al: “¿Majqui mi mejlel i choconla jubel ti lum?” che'etla.

Mateo 21:29

I yalobil tsi' sube: “Ma'anic mi caj c majlel”, che'en. Wi'il tsi' q'uexta i pusic'al. Tsa' majli.

Lucas 21:8

Jesús tsi' yʌlʌ: Chʌcʌ q'uele la' bʌ ame anic majqui mi' soquetla, come talob cabʌl tij c'aba' mu' bʌ caj i cuyob i bʌ ti Cristo. Mi caj i yʌlob lʌc'ʌlix i yumʌntel. Jini cha'an mach mi la' tsajcañob majlel.

Juan 8:34

Jesús tsi' jac'beyob: Isujm, isujm mic subeñetla, pejtelel mu' bʌ i cha'leñob mulil, chombilobix ti mulil.

Romanos 11:30

Ti yambʌ ora jatetla ja'el tsa' la' ñusa Dios. Wʌle tsa'ix p'untʌntiyetla cha'an ma'anic tsi' ñopoyob israelob.

Romanos 6:12

Jini cha'an mach mi la' yuman mulil ti la' bʌc'tal yujil bʌ chʌmel, ame la' jac'ben i colosojlel la' pusic'al.

Romanos 6:17

Ti wajali chucbiletla ti' p'ʌtʌlel mulil. Wʌle wocolix i yʌlʌ Dios, tsa'ix la' jac'ʌ ti jump'ejl la' pusic'al jini cʌntesa tsa' bʌ aq'uentiyetla tsa' bʌ la' ñopo.

Romanos 6:22

Wʌle loc'sʌbiletixla ti' p'ʌtʌlel mulil. I winiquetixla Dios. Woli la' taj la' sʌq'uesʌntel yic'ot la' cuxtilel mach bʌ anic mi' jilel.

Romanos 6:6

Come la cujil tsa' ch'ijle ti cruz lac tsucul pusic'al yic'ot Cristo cha'an mi' jisʌntel i p'ʌtʌlel mulil ti lac pusic'al, cha'an ma'anix mi lac chʌn yuman mulil.

2 Corintios 12:20

Mic cha'len bʌq'uen ame mach che'ic mic tajetla bajche' com j q'ueletla che' mic tilel ba' añetla, ame mach che'ic mi la' q'uelon ja'el bajche' la' wom. Tic'ʌl mi woliyetla ti leto, tsʌytsʌyña la' pusic'al cha'an i wenlel la' pi'ʌlob. Tic'ʌl mi an la' mich'ajel, o woli la' t'ox la' bʌ ti leto, o woliyetla ti u'ya t'an yic'ot wulwul t'an, o c'ax ñuc woli la' pʌs la' bʌ, o woli la' contrajin la' bʌ.

Gálatas 6:3

Come mi an majqui mi' lon ña'tan an i bajñel wenlel, woli jach i bajñel lotin i bʌ.

Colosenses 1:21

Ti yambʌ ora ñajt añetla ti Dios. Tsa' la' contraji Dios ti la' pusic'al yic'ot ti jontol bʌ la' melbal. Pero Dios tsi' yʌc'ʌ ti chʌmel i Yalobil. Che' jini tsi' cha' uts'esayetla cha'an ch'ujul mi' pʌyetla ochel ti' tojlel. Sʌq'uesʌbiletla ti pejtelel la' bibi'lel yic'ot la' mul

Colosenses 3:7

Ti yambʌ ora jatetla ja'el tsa' la' ñusa Dios che' bʌ tsa' ajniyetla ti mulil.

2 Timoteo 3:13

Pero jini jontolo' bʌ yic'ot xlotiyajob, utsi utsijax mi' chʌn melob i jontolil. Mi caj i lotiñob yaño' bʌ. Mi caj i lotintelob ja'el.

2 Timoteo 3:6

Come ti maya jax yic'ot leco bʌ cʌntesa mi' socbeñob i pusic'al tonto bʌ x'ixicob teñelo' bʌ ti mulil, mu' jach bʌ i jac'beñob i colosojlel i pusic'al.

Tito 1:16

Mi' lon alob añob ti Dios, pero leco i melbal. Sojquemob. Xñusa t'añob. Ma'añobix i c'ʌjñibal cha'an i melol chuqui uts'at.

Tito 2:12

Mi' cʌntesañonla cha'an mi laj cʌy pejtelel chuqui mach tojic, yic'ot i colosojlel lac pusic'al yic'ot i cha'an bʌ pañimil, cha'an mi lac wen ña'tan chuqui yom, cha'an toj mi la cajñel ti ili ora che' bajche' i cha'año' bʌ Dios.

Santiago 1:26

Jini mu' bʌ i lon ña'tan uts'at woli' ch'ujutesan Dios che' ma'anic mi' tic' i yac', woli jach i ñop lot. Tontojʌch. Mi' lon sub i bʌ ti hermano.

1 Pedro 1:14

Yom lajaletla bajche' alobob mu' bʌ i wen jac'ob t'an. Mach mi la' chʌn mel che' bajche' ti yambʌ ora che' maxto anic la' ña'tʌbal, che' bʌ tsa' la' jac'ʌ i colosojlel la' pusic'al.

Apocalipsis 12:9

Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Apocalipsis 13:14

Tsi' loti pejtel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jini jontol bʌ bʌte'el. Tsi' yʌq'ueyob mandar jini chumulo' bʌ ti pañimil cha'an mi' melob i yejtal jini jontol bʌ bʌte'el tsa' bʌ lojwi ti espada, tsa' bʌ cha' coli.

Apocalipsis 18:2

Tsi' cha'le oñel ti c'am bʌ t'an. Tsi' yʌlʌ: Jejmenix, jejmenix jini ñuc bʌ Babilonia. Ya'ix chumulob xibajob yic'ot pejtel bibi' bʌ espíritu. I yajñibix pejtelel bibi' bʌ te'lemut mu' bʌ i ts'a'lentel.