Tito 3:2 - Chol: I T’an Dios

² Suben xñopt'añob cha'an ma'anic mi' cha'leñob u'yaj, cha'an ma'anic mi' cha'leñob leto, cha'an utsob jach mi' pʌsbeñob pejtelel winicob i yutslel i pusic'al.

Jiñi Tsiji' bʌ Wen T'añ cha'añ Estudio

² mach yomic mi' cha'leñob u'yaj t'añ ti' tojlel yaño' bʌ, mach yomic mi' cha'leñob leto, yom utsob jax, yom mi' pʌsob i yutslel i pusic'al ti' tojlel pejtelel wiñicob x'ixicob.

Chol de Tumbalá Bible

² Suben xñopt'añob cha'an ma'anic mi' cha'leñob u'yaj, cha'an ma'anic mi' cha'leñob leto, cha'an utsob jach mi' pʌsbeñob pejtelel winicob i yutslel i pusic'al.

Jiñi Tsiji' bʌ Wen T'añ cha'añ Estudio

² mach yomic mi' cha'leñob u'yaj t'añ ti' tojlel yaño' bʌ, mach yomic mi' cha'leñob leto, yom utsob jax, yom mi' pʌsob i yutslel i pusic'al ti' tojlel pejtelel wiñicob x'ixicob.

Chol Tila

² Mach yom i niq'ui ale' mach'ʌ wen ti' contra majchical jach. Yom ajnicob ti ñʌch'ʌl ti uts. Yom i tsictiyel mi chʌncol i peq'uisan i bʌ ti' tyojlel pejtyel quixtyañujob.

Tito 3:2 Iomraidhean Croise

2 Samuel 22:36

Jatet tsa'ix a wʌq'ueyon j coltʌntel i wenta c mʌctʌjib. Ma' ñuq'uesañon ti' yutslel a pusic'al.

Salmos 140:11

La' jilicob jini mu' bʌ i cha'lenob p'ajoñel cha'an ma'anic mi' chʌn p'ojlelob. La' i bʌc' taj wocol jini winic yujil bʌ jontolil.

Proverbios 19:19

Jini cʌlʌx jax bʌ mi' mich'an, wersa mi caj i toj. Lolom jach ma' ñop a mʌctan. Ñumen to mi' mich'an.

Proverbios 25:24

Mach tijicñayic winic am bʌ i pi'ʌl woli bʌ ti a'leya anquese colem i yotot. Tijicña aja muq'uic mejl i ñajti tʌts' i bʌ anquese ti' xujc jach jump'ej i mal otot.

Proverbios 6:19

jini mu' bʌ i jop' t'an ti meloñel, jini mu' bʌ i t'ox hermanojob ti a'leya. Jiñobʌch ts'a'lebilo' bʌ cha'an lac Yum.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Mateo 11:29

Yu'u a bic' cha'an ma' wochel wʌ' tij q'uech. Ñopoyon come utson. Pec' mic mel c bʌ. Muq'uix caj la' taj c'aj o cha'an la' pusic'al.

Hechos 23:5

Pablo tsi' yʌlʌ: C pi'ʌlob, ma'anic tsaj cʌñʌ mi jiñʌch ñuc bʌ motomaj. Come ts'ijbubil: “Mach a p'aj jini yumʌl am bʌ i ye'tel ti la' tojlel”, che'en Pablo.

1 Corintios 6:10

Jini xchiloñelob, jini xchʌclelob, jini xyʌc'ajelob, jini xp'ajoñelob, jini xujch'ob ma'anic mi caj i yochelob ti' yumʌntel Dios.

1 Corintios 9:19

Jini cha'an ma'anic winic mu' bʌ c yuman. Tic bajñel pusic'al tsa'ix cʌc'ʌ c bʌ ti x'e'tel i cha'an pejtelel winicob cha'an mi' ñopob cabʌlob.

2 Corintios 10:1

Joñon Pablojon, wolic pejcañetla che' bajche' Cristo ti uts bʌ t'an. An mu' bʌ i yʌlob lijicñayon jach che' ya' añon ti la' tojlel, pero ch'ejl abi mic pejcañetla ti jun che' mach ya'ic añon la' wic'ot.

2 Corintios 12:20

Mic cha'len bʌq'uen ame mach che'ic mic tajetla bajche' com j q'ueletla che' mic tilel ba' añetla, ame mach che'ic mi la' q'uelon ja'el bajche' la' wom. Tic'ʌl mi woliyetla ti leto, tsʌytsʌyña la' pusic'al cha'an i wenlel la' pi'ʌlob. Tic'ʌl mi an la' mich'ajel, o woli la' t'ox la' bʌ ti leto, o woliyetla ti u'ya t'an yic'ot wulwul t'an, o c'ax ñuc woli la' pʌs la' bʌ, o woli la' contrajin la' bʌ.

Gálatas 5:22

Pero i yʌc'bal jini Espíritu jiñʌch laj c'uxbiya, i tijicñʌyel lac pusic'al, i ñʌch'tʌlel lac pusic'al, lac p'ʌtʌlel ti' cuchol wocol, yic'ot p'untaya, coltaya, i xuc'tʌlel lac pusic'al,

Gálatas 6:1

Hermanojob, mi tsa' yajli ti mulil juntiquil winic, jatetla woli bʌ la' wajñel ti jini Espíritu, cha' toj'esanla ti' yutslel la' pusic'al. Q'uele la' bʌ ame pʌjyiquetla ti mulil ja'el.

Gálatas 6:10

Jini cha'an la' laj coltan pejtelel winicob che' i yorajlel to. Pero ñumen yom mi laj coltan jini mu' bʌ i ñopob Cristo.

Efesios 4:2

Ajñenla ti pec' ti' yutslel la' pusic'al. Chʌn cuchbeñob i sajtemal la' pi'ʌlob ti la' c'uxbiya.

Efesios 4:31

Cʌyʌla ti junyajlel: ts'a'leya, mich'ajel, a'leya, mich' bʌ t'an, u'yaj t'an, yic'ot pejtelel jontolil.

Filipenses 4:5

Pʌsbeñob i yutslel la' pusic'al pejtelel winicob. Lʌc'ʌlix an lac Yum.

1 Tesalonicenses 2:7

Pero uts tsa' ajniyon lojon ti la' tojlel che' bajche' x'ixic mu' bʌ i c'uxbin i yalobilob.

1 Timoteo 3:11

Che' ja'el i yijñamob, yom mi' yajñelob ti toj. Mach yomic mi' cha'leñob jop't'an. Yom mi' bajñel wen tic'ob i pusic'al. Yom xuc'ulob ti pejtelel i melbal.

1 Timoteo 3:3

Mach yomic mi' mulan vino. Mach yomic mi' jats' i pi'ʌlob. Mach yomic mi' mulan taq'uin. Yom uts i pusic'al. Mach yomic mi' cha'len leto. Mach yomic i ts'i'lel i wut cha'an chubʌ'añʌl.

Santiago 3:17

Pero jini wen bʌ lac ña'tʌbal ch'oyol bʌ ti chan ñaxan mi' pʌs i bʌ ti' sʌclel lac pusic'al yic'ot i yutslel lac t'an. Mi' yʌc' ti bujt'el lac pusic'al ti p'untaya cha'an mi lac mel pejtel chuqui wen ti pejtelel lac pusic'al. Mach yujilic lo'loya.

Santiago 4:11

Quermanojob, mach yomic mi la' pʌc' ti jontolil la' pi'ʌlob. Jini mu' bʌ i pʌc' ti jontolil i pi'ʌlob yic'ot jini mu' bʌ i bajñel melob ti' pusic'al woli' contrajin jini mandar. Woli' yʌl ti' pusic'al mach uts'atic jini mandar. Pero mi wola' wʌl ti a pusic'al mach uts'atic jini mandar, mach tojetic ti' tojlel. Wola' bajñel wa'chocon a bʌ ti meloñel ti' tojlel.

1 Pedro 2:1

Jini cha'an cʌyʌla pejtelel la' jontolil yic'ot lotiya yic'ot i cha'chajplel la' pusic'al, yic'ot tsʌytsʌyña bʌ la' pusic'al cha'an i wenlel la' pi'ʌlob, yic'ot pejtelel u'yaj t'an.

1 Pedro 3:10

Come ts'ijbubil: “Majqui yom ajñel ti' tijicñʌyel i pusic'al, cha'an uts'at mi' ñusan q'uin, la' i tic' i yac' ti jontolil, la' i tic' i yej ti lot.

1 Pedro 3:8

Ti pejteletla yom junlajal la' pusic'al mi la' cha'len p'untaya. C'uxbin la' bʌ che' bajche' la' wijts'in la' bʌ. Yom uts la' pusic'al. Yom mi la' mel la' bʌ ti pec'.

1 Pedro 4:4

Mi' toj sajtelob i pusic'al cha'an ma'anix woli la' tsajcañob ti jontolil. Mi' p'ajetla.

2 Pedro 2:10

Cojco jini mu' bʌ i jac'beñob i colosojlel i pusic'al yic'ot i bibi'lel, mu' bʌ i ts'a'leñob año' bʌ i ye'tel. Ch'ejl mi' melob i bʌ. Mi' melob bajche' jach yomob ti' bajñel pusic'al. Ma'anic mi' bʌc'ñañob i cha'len t'an ti' contra jini año' bʌ i ñuclel ti panchan.

Judas 1:10

Pero ili winicob mi' wajleñob chuqui tac mach cʌmbilic i cha'añob. Chuqui tac mi' yʌlol cʌñob che' bajche' bʌte'el, mi' yʌc'ob ti sajtel.

Judas 1:8

Che' ja'el jini winicob x'ixicob, ñijcʌbilob cha'an chuqui mi' q'uelob che' bajche' ti ñajal, mi' bib'esañob i bʌ. Mi' ts'a'leñob jini año' bʌ i ye'tel. Mi' p'ajob jini ñuco' bʌ ti panchan.