Sofonias 1:3 - Chol: I T’an Dios

³ Mi caj c jisan winicob, yic'ot pejtel cotcotña bʌ, yic'ot xwejlel mut, yic'ot chʌy am bʌ ti ja', yic'ot xmulilob yic'ot i maña. Mi caj c junyajlel jisan winicob yic'ot pejtel chuqui tac mi' c'uxbiñob.

Chol de Tumbalá Bible

³ Mi caj c jisan winicob, yic'ot pejtel cotcotña bʌ, yic'ot xwejlel mut, yic'ot chʌy am bʌ ti ja', yic'ot xmulilob yic'ot i maña. Mi caj c junyajlel jisan winicob yic'ot pejtel chuqui tac mi' c'uxbiñob.

Sofonias 1:3 Iomraidhean Croise

Genesis 6:7

Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Isaias 6:12

che' bʌ tsa'ix c pʌyʌyob majlel ti ñajt bʌ tejclum tac, jochol mi caj i cʌytʌl i lumal Israel ti pejt ti pejt.

Jeremias 12:4

¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 50:3

Come tsa'ix juliyob jini ch'oyolo' bʌ ti norte. Mi caj i jisañob jini lum. Jochol mi caj i cʌytʌl. Ma'anic majqui mi' caj ti chumtʌl ya'i, mi winic, mi bʌte'el. Mi caj i laj puts'elob.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Ezequiel 44:12

Cha'an ti' caj tsi' xiq'uiyob jini israelob i ch'ujutesañob dioste' tac, cha'an tsi' yʌc'ʌyob ti yajlel ti mulil, jini cha'an wʌle tsa'ix c wen ña'ta, che'en jini lac Yum Dios. La' ajnicob ti' bajñel wenta i mulob.

Ezequiel 7:19

Mi caj i chocob i taq'uin ti calle. Jini plata yic'ot oro mach mejlic i coltañob ti' q'uiñilel i mich'ajel lac Yum. Mach mejlic i c'uxob waj che' an i wi'ñal. Ti' caj i taq'uin tsa' cajiyob ti mulil.

Oseas 14:3

Come mach mejlic i coltañon lojon jini asiriajob. Ma'anix c p'ʌtʌlel lojon ti guerra. Mach chʌn ñuquix tic pusic'al lojon jini dioste' tac tsa' bʌ c mele lojon. Ma'anix mi caj c chʌn pejcañob ti dios. Ya' jach ti a tojlel, c Yum, mi' tajob i coltʌntel jini meba' alʌlob. Che' yom mi la' suben lac Yum ti oración.

Oseas 14:8

Tsajaletme, Efraín, machme a ñochtan jini dioste' tac. Añet tic wenta. Cuxulon, cabʌlʌch c p'ʌtʌlel. Wolij q'uelet. Lajalon che' bajche' wen yʌx bʌ te' mu' bʌ i yʌq'ueñetla i wut ti pejtelel ora. Tilem ti joñon pejtel chuqui wen am bʌ a cha'an.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Zacarias 13:2

Ti jim bʌ ora mi caj c lu' jisan jini dios tac yic'ot i ña'tʌntel yic'ot pejtel lot bʌ x'alt'añob yic'ot i bibi'lel i pusic'al winicob x'ixicob.

Mateo 13:41

I Yalobil Winic mi caj i choc tilel i yángelob. Mi caj i tempañob loq'uel ti' yumʌntel pejtelel mu' bʌ i yʌsañob ti mulil i pi'ʌlob yic'ot jini mu' bʌ i cha'leñob jontolil.

Mateo 23:39

Come mic subeñetla, ma'anic mi caj la' cha' q'uelon jinto mi la' wʌl: “La' sujbic i ñuclel jini woli bʌ i tilel ti' c'aba' lac Yum”, che'etla. Che' tsi' subeyob sts'ijbayajob yic'ot fariseojob Jesús.

Apocalipsis 2:14

Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.