Salmos 127:2 - Chol: I T’an Dios

² Lolom jach mi la' seb ch'ojyel cha'an mi la' ñajtesan la' we'tel c'ʌlʌl che' ac'ʌlelix.

Chol de Tumbalá Bible

² Lolom jach mi la' seb ch'ojyel cha'an mi la' ñajtesan la' we'tel c'ʌlʌl che' ac'ʌlelix.

Salmos 127:2 Iomraidhean Croise

Job 11:18

Xuc'ul mi caj a wajñel, come an chuqui wola' pijtan. Che' bʌ tsa'ix a lu' q'uele ti a joytilel, muq'uix caj a wʌyel ti' ñʌch'tilel a pusic'al.

Salmos 3:5

Tsa' ñoleyon, tsa' wʌyiyon, Tsa' ch'ojyiyon, come lac Yum mi' cʌntañon.

Salmos 4:8

Ti' ñʌch'tʌlel c pusic'al mi caj c ñoltʌl. Mij caj ti wʌyel, Come jatet jach c Yum, ma' cʌntañon cha'an mi cajñel ti xuc'ul.

Salmos 60:5

Coltañon lojon ti ñuc bʌ a p'ʌtʌlel. Jac'beñon lojon Cha'an mi' coltʌntelob jini c'uxbibilo' bʌ a cha'an.

Proverbios 10:22

Mi' yochel ti rico jini mu' bʌ i taj i yutslel i pusic'al lac Yum. Mach xʌbʌlic ti ch'ijiyem bʌ chu' bʌ mi' yʌq'uentel ti Dios.

Eclesiastes 1:14

Tsaj q'uele pejtel i melbal winicob ti yebal panchan. Melel lolom jach. Woli jach i yʌsiñob ic'.

Eclesiastes 4:8

Wʌ'an winic am bʌ ti' bajñel. Ma'anic i pi'ʌlob, ma'anic i yalobil. Pero cabʌl mi' cha'len e'tel cha'an mi' tempan taq'uin. Mach jasʌlic mi' yubin. Che' chʌmenix, ¿majqui mi caj i ch'ʌm? ¿Chucoch wen p'ump'un mi' tic'lan i bʌ? Lolom jach jini.

Eclesiastes 5:12

Jini bʌx bʌ ti e'tel tijicña mi' cha'len wʌyel, mi ts'ita jach mi' c'ux waj o mi cabʌl mi' c'ux waj. Pero jini wen chumul bʌ mach mejlic ti wʌyel cha'an cabʌl i chubʌ'an.

Eclesiastes 6:7

Pejtel winicob mi' cha'leñob e'tel cha'an mi' tajob i bʌl i ñʌc', pero mach lajmic jini wi'ñal.

Jeremias 31:26

Che' jini tsa' ch'ojyiyon. Wen sumuc jax wʌyel tsa cubi.

Ezequiel 34:25

Ñʌch'ʌl mi caj i yajñelob ti pejtelel ora, come mi caj c jisan jini jontol tac bʌ bʌte'el. Mi caj i chumtʌlob ya' ti jochol bʌ lum ti' tijicñʌyelob i pusic'al. Baqui jach mi' wʌyelob ti mate'el yic'ot ti joctʌl ma'anix i bʌq'uen.