Proverbios 4:5 - Chol: I T’an Dios

⁵ Taja wen bʌ a ña'tʌbal. Wen ch'ʌmben isujm. Mach a sʌt c t'an ti a pusic'al. Mach a cʌy a mel mu' bʌ c subeñet.

Chol de Tumbalá Bible

⁵ Taja wen bʌ a ña'tʌbal. Wen ch'ʌmben isujm. Mach a sʌt c t'an ti a pusic'al. Mach a cʌy a mel mu' bʌ c subeñet.

Proverbios 4:5 Iomraidhean Croise

2 Cronicas 34:2

Tsi' mele chuqui uts'at ti' wut lac Yum. Tsi' chʌn tsajcʌbe i melbal David i ñojte'el. Ma'anic tsi' xoyo i bijlel mi ti' ñoj mi ti' ts'ej.

Job 23:11

Xuc'ul to coc ti' bijlel ba' tsi' yʌc'ʌyon. Ma'anic tsac wis cʌyʌ ti pejtelel ora.

Salmos 119:157

Cabʌlob j contrajob woli bʌ i tic'lañon. Pero ma'anic tsac wis cʌyʌ jini tsa' bʌ a wʌlʌ.

Salmos 119:51

Jini chan bʌ mi' melob i bʌ cabʌl mi' wajleñoñob. Pero ma'anic mij cʌy c ñopet.

Salmos 44:18

Xuc'ul to c pusic'al lojon a wic'ot. Ma'anic tsaj cʌyʌ a bijlel.

Proverbios 16:16

Yom mi lac taj wen bʌ lac ña'tʌbal. Ñumen uts'at bajche' oro letsem bʌ i tojol. Ñumen uts'at bajche' plata mi tsa' lac ch'ʌmbe isujm.

Proverbios 17:16

¿Chucoch mi' lon ña'tan i mʌn i ña'tʌbal jini tonto bʌ mach bʌ mejlic i ch'ʌmben isujm?

Proverbios 18:1

Jini mu' bʌ i tʌts' loq'uel i bʌ ba'an i pi'ʌlob woli' ña'tan i mel chuqui yom i bajñel pusic'al. I contrajʌch weño' bʌ i pusic'al.

Proverbios 19:8

Jini mu' bʌ i yutsi p'ojlesan i ña'tʌbal woli' ch'ʌl i yespíritu yubil. Jini mu' bʌ i wen ña'tan i mel chuqui uts'at mux i taj i wenlel.

Proverbios 23:23

C'uxbin jini isujm bʌ t'an, come lajalʌch bajche' letsem tac bʌ i tojol mu' bʌ lac mʌn. Mach a cha' chon ti pejtelel ora. Cha'len wersa cha'an ma' taj a ña'tʌbal yic'ot i tic'ol a pusic'al yic'ot a cʌntesʌntel.

Proverbios 3:1

Calobil, mach ñajʌyic ti a pusic'al j cʌntesʌbal. Chʌn ña'tan c mandar ti a pusic'al.

Proverbios 4:7

Jini ñaxan bʌ yom jiñʌch wen bʌ a ña'tʌbal. Sʌclan mecu. Ti pejtelel a pusic'al yom ma' sʌclan.

Proverbios 8:5

Jatetla mach bʌ anic la' pusic'al yilal, ña'tanla bajche' yom mi la' mel ti pañimil. Jatetla tontojet bʌ la, yom mi la' wʌc' ti la' pusic'al chuqui uts'at.

Santiago 1:5

Mi anto yom la' ña'tʌbal c'ajtibenla Dios mu' bʌ i p'ewbeñob pejtelel winicob. Che' mi la' c'ajtiben mi caj i yʌq'ueñetla ti' yonlel i ña'tʌbal come mach yujilic a'leya.