Proverbios 3:2 - Chol: I T’an Dios

² Che' jini mi caj i ñajt'an a jabilel. Mi caj a wajñel ti uts'at ti' ñʌch'tʌlel a pusic'al.

Chol de Tumbalá Bible

² Che' jini mi caj i ñajt'an a jabilel. Mi caj a wajñel ti uts'at ti' ñʌch'tʌlel a pusic'al.

Proverbios 3:2 Iomraidhean Croise

1 Reyob 3:14

Mi xuc'ul ma' chʌn tsajcañon, mi uts'at ma' jac' pejtel c t'an yic'ot c mandar che' bajche' tsi' mele a tat David, mi caj cʌq'ueñet cabʌl a jabilel ti pañimil. Che' tsi' yʌlʌ Dios.

Job 5:26

Che' bajche' mi' cujchel tilel ixim ba' mi' lʌjt'el ti' yorajlel c'ajbal, che'ʌch mi caj a tilel ti mucoñibʌl che' wen ñoxetix.

Salmos 119:165

Cabʌl i ñʌch'tilel i pusic'al jini mu' bʌ i c'uxbiñob a t'an. Ma'anic mi' jats'ob i yoc che' mi' cha'leñob xʌmbal majlel.

Salmos 128:6

La' i yʌq'ueñet a q'uel i yalobilob a walobilob. La' i tajob i ñʌch'tilel i pusic'al jini israelob.

Salmos 21:4

Jini rey tsi' c'ajtibeyet i cuxtilel Cha'an mi' yajñel ti pejtelel ora.

Salmos 91:16

Mi caj c tijicñesan ti cabʌl i jabilel. Mi caj j coltan, che'en Dios.

Proverbios 10:27

Mi' ñajt'esʌntel i jabilel jini mu' bʌ i bʌc'ñan lac Yum. Mi' com'esʌntel i jabilel jini xjontolil.

Proverbios 16:31

Añʌch i c'uxbintel jini ñoxix bʌ tsa' bʌ ñajt'esʌbenti i jabilel cha'an tsi' mele chuqui uts'at.

Proverbios 4:10

Calobil, ubin. Ñopo c subal. Che' jini mi caj i jalʌtesan a jabilel.

Proverbios 4:4

C tat tsi' cʌntesayon ja'el. Tsi' subeyon: La' ajnic c t'an ti a pusic'al. Jac'ʌ c mandar cha'an ma' taj a cuxtʌlel.

Proverbios 9:11

Jini mach bʌ anic i p'isol i ña'tʌbal mi' subeñonla: Mic ñajt'esan a jabilel cha'an jal ma' wajñel ti pañimil.

Isaias 32:17

Che' toj mi' melob winicob ñʌch'ʌl mi caj i yajñelob. Cha'an ti' caj mi' cha'leñob chuqui toj, tijicñayob mi caj i c'ajob i yo. Ma'anix bʌq'uen ti pejtelel ora.

Romanos 14:17

Come ti' yumʌntel Dios ma'anic mi coltañonla we'elʌl yic'ot uch'el. Mi' coltañonla toj bʌ lac pusic'al yic'ot i ñʌch'tilel yic'ot i tijicñʌyel lac pusic'al ch'oyol bʌ ti Ch'ujul bʌ Espíritu.

Romanos 15:13

Jini Dios mu' bʌ i yʌq'ueñonla lac pijtaya che' mi lac ñop, la' i bujt'esan la' pusic'al ti' tijicñʌyel yic'ot i ñʌch'tilel cha'an mi la' wen pijtan ti' p'ʌtʌlel Ch'ujul bʌ Espíritu.

Romanos 5:1

Dios tsa'ix i ñusʌbeyonla lac mul. Tsa'ix i yotsayonla ti' wenta cha'an tsa' lac ñopo Cristo. Ma'anix woli laj contrajin Dios, come tsi' yuts'esayonla lac Yum Jesucristo.

Deuteronomio 11:21

cha'an mi' wen tam'esʌntel la' jabilel yic'ot i jabilel la' walobilob ti jini lum mu' bʌ i yʌq'ueñetla lac Yum che' bajche' tsi' wʌn subeyob la' ñojte'elob. Che' jini tijicñayetla ti pejteletla che' ya' to an jini panchan ti' chañelal pañimil.

Deuteronomio 5:32

Jini cha'an yom wen tsajaletla cha'an mi la' mel che' bajche' tsi' subeyetla lac Yum Dios. Mach yomic mi la' wis xoy la' bijlel, mi ti la' ñojic, mi ti la' ts'ejic.

1 Timoteo 4:8

Mi lac taj ts'ita' lac wenlel che' mi laj cʌntan lac bʌc'tal. Pero cabʌl mi lac taj che' ch'ujul mi la cajñel. Come mi' coltañonla wʌle ti ili ora yic'ot ti jini tal to bʌ ora.