Proverbios 3:10 - Chol: I T’an Dios

¹⁰ Che' jini mux i bujt'el i yotlel a wixim. Mux i ñumel i ya'lel ts'usub ti' yajñib.

Chol de Tumbalá Bible

¹⁰ Che' jini mux i bujt'el i yotlel a wixim. Mux i ñumel i ya'lel ts'usub ti' yajñib.

Proverbios 3:10 Iomraidhean Croise

2 Cronicas 31:10

Azarías jini ñuc bʌ motomaj (i pi'ʌl bʌ Sadoc) tsi' jac'be: Jiñʌch diezmo tac. C'ʌlʌl che' bʌ tsa' caji i ch'ʌmob tilel i yofrenda ti' yotot lac Yum, jasʌlon lojon. Uts'at mic cha'len lojon we'el. Cabʌl woli' tempʌyel i colojbal, come lac Yum woli' wen coltan jini tejclumob. Jini cha'an tsa' wen tempʌyi cabʌl chubʌ'añʌl, che'en.

2 Cronicas 31:21

C'ʌlʌl che' bʌ tsa' caji i tech i ye'tel ti Templo, Ezequías tsi' laj mele che' bajche' ts'ijbubil ti' juñilel mandar. Ti pejtelel ora tsi' tsajca lac Yum ti pejtelel i pusic'al. Tsa' wen mejli pejtel i ye'tel.

Salmos 144:13

But'ul cotot lojon ti' bʌl lojon c ñʌc' ti chajp ti chajp. Mi' p'ojlel tiñʌme' c cha'an lojon ti bajc' ti bajc' ya' ba' cʌntʌbil ti jamil.

Proverbios 19:17

Jini mu' bʌ i yʌq'uen pobre chuqui anto yom i cha'an woli' yʌq'uen lac Yum ti majan. Mi caj i cha' q'uextʌbentel bajche' c'amel tsi' yʌq'ue.

Proverbios 22:9

Mux i coltʌntelob jini mu' bʌ i pʌsbeñob i pi'ʌlob i yutslel i pusic'al, come mi' yʌq'ueñob i waj jini mach bʌ añobic i cha'an.

Joel 2:24

Mi caj i cha' bujt'el i yotlel trigo ba' mi' jajts'el loq'uel i bʌc'. Ya' ti' yʌjts'ib ts'usub mi caj i wen bejq'uel ñumel aceite olivo yic'ot i ya'lel ts'usub.

Hageo 2:19

Maxto anic tsa' la' tuc'u ochel trigo ti' yotlel. Maxto anic tsi' yʌc'ʌ i wut ts'usub, mi higuera te', mi granado te', mi olivote', pero wʌle mi caj c pʌsbeñet la' wenlel c'ʌlʌl ti pejtelel q'uin, che'en.

Mateo 10:42

Majqui jach mi' yʌq'uen mi jump'ejlic vaso tsʌni ja' juntiquil ch'o'ch'oc bʌ cha'an xcʌnt'añʌch, isujm mic subeñetla, mi caj i yʌq'uentel i chobejtʌbal. Che' tsi' yʌlʌ Jesús.

Deuteronomio 14:29

Aq'ueñob jini levíjob come ma'añobic i lum ti la' tojlel, che' ja'el jini ch'oyolo' bʌ ti yambʌ lum, yic'ot jini meba' alʌlob, yic'ot meba' x'ixicob am bʌ ti la' tejclum. Aq'ueñob i bʌl i ñʌc cha'an mi' ñaj'añob. Che' jini mi caj la' wʌq'uentel i yutslel lac Yum Dios ti pejtelel la' we'tel.

Deuteronomio 28:8

Lac Yum mi caj i yʌq'ueñet i bendición ti' yotlel a trigo. Ti pejtelel chuqui tac ma' mel ti a c'ʌb mi caj i wen aq'ueñet i bendición lac Yum Dios ya' ti a lum woli bʌ i yʌq'ueñet.