Proverbios 23:4 - Chol: I T’an Dios

⁴ Mach a mel a pusic'al cha'an ma' wochel ti rico. Mi che'ʌch wola' ña'tan cʌyʌx a ña'tan.

Chol de Tumbalá Bible

⁴ Mach a mel a pusic'al cha'an ma' wochel ti rico. Mi che'ʌch wola' ña'tan cʌyʌx a ña'tan.

Proverbios 23:4 Iomraidhean Croise

Job 27:19

Mach jalic jini wen chumul bʌ mi' majlel ti wʌyel. Mi' ch'ojyel. Ma'anix tsiquil i chubʌ'an.

Proverbios 15:27

Jini wo'atax bʌ ti taq'uin mi' yotsan ti pobre i pi'ʌlob año' bʌ ti' yotot. Jini mu' bʌ i ts'a'len i majtan taq'uin mu' bʌ i pʌsben xjontolil tijicña mi' yajñel.

Proverbios 26:12

¿A cʌñʌ ba winic mu' bʌ i lon q'uel i bʌ ti ñuc? Mi' lon al ts'ʌcʌlix i ña'tʌbal. Ñumen an i ye'tel tonto bʌ bajche' jini winic.

Proverbios 27:24

Come mach ti pejtelelic ora mi' jalijel lac chubʌ'an. Che' ja'el i p'olbal rey laj bʌ i c'aba' ma'anic mi' jalijel ti' buchlib rey ti pejtelel ora.

Proverbios 28:20

Jini toj bʌ mi caj i yutsi taj i wenlel, pero jini mu' bʌ i bʌc' otsan i bʌ ti rico mi caj i toj i mul.

Proverbios 3:5

Ñopo lac Yum ti pejtelel a pusic'al. Mach a bajñel ña'tan bajche' jach a wom ma' mel.

Proverbios 3:7

Mach yomic ma' chañ'esan a bʌ ti a bajñel ña'tʌbal. Bʌc'ñan lac Yum, cʌyʌ jontolil.

Eclesiastes 5:13

An junchajp wocol tsa' bʌ j q'uele ti yebal panchan. An wen chumulo' bʌ mu' bʌ i tajob wocol cha'an mi' lotob i taq'uin.

Isaias 5:21

P'ump'un jax mi caj la' wubin mu' bʌ la' lon ña'tan cabʌl la' ña'tʌbʌl.

Jeremias 9:22

Subeñob: Jini xchʌmelob mi caj i yajlelob ti lum che' bajche' i ta' wacax ti jamil, che' bajche' i bʌc' trigo, ujtemix ti tujq'uel. Ma'anix majch mi caj i lotob, che'en lac Yum.

Mateo 6:19

Mach mi la' tempan la' chubʌ'an ti pañimil ba' mi' jisan motso', ba' mi' caj ti ta', ba' mi' yochelob xujch' i xujch'iñob loq'uel.

Marcos 4:19

Pero i ye'tel ti jini pañimil, yic'ot i mulʌntel chubʌ'añʌl, yic'ot i mulʌntel chuqui tac yomob, mi' yochel ti' pusic'al. Mi' jisan jini t'an cha'an ma'anic mi' yʌc' i wut.

Juan 6:27

Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

Romanos 11:25

Hermanojob, yom mi la' ña'tan jini t'an mach bʌ tsictiyemic ti yambʌ ora, ame ñuquic mi la' lon q'uel la' bʌ ti la' bajñel pusic'al. Tsa' tsʌtsayob i pusic'al lamital israelob jinto ts'ʌcʌl mi' yochelob jini gentilob.

Romanos 12:16

Ajñenla ti jump'ejl la' pusic'al yic'ot la' pi'ʌlob. Mach mi la' q'uel la' bʌ ti ñuc. Ajñenla yic'ot jini utso' bʌ. Mach mi la' lon ña'tan cabʌl la' bajñel pusic'al.

Hebreos 13:5

Mach mi la' tsʌjyun taq'uin. Yom tijicña mi la' wajñel yic'ot chuqui tac an la' cha'an. Come Dios tsi' yʌlʌ: “Ma'anic mi caj a cʌytʌl ti meba'. Ma'anic mi caj j cʌyet”, che'en.