Proverbios 22:8 - Chol: I T’an Dios

⁸ Jini mu' bʌ i pʌc' jontolil mi caj i c'aj wocol. Mi caj i yʌjq'uelob ti quisin jini jontolo' bʌ.

Chol de Tumbalá Bible

⁸ Jini mu' bʌ i pʌc' jontolil mi caj i c'aj wocol. Mi caj i yʌjq'uelob ti quisin jini jontolo' bʌ.

Proverbios 22:8 Iomraidhean Croise

Job 4:8

Cujil chuqui tac mi lac pʌc' mi lac wersa c'aj. Jini mu' bʌ i pʌc'ob jontolil, mu' bʌ i cha'leñob tic'laya, jini jach mi caj i c'ajob.

Salmos 125:3

Lac Yum ma'anic mi caj i cʌy jini tojo' bʌ ti' p'ʌtʌlel jini jontolo' bʌ, ame i ñopob jontolil.

Proverbios 1:31

Jini cha'an mux i yʌq'uentelob i chobejtʌbal cha'an i melbalob. Mux i junyajlel cʌytʌlob yic'ot i jontolil.

Proverbios 14:3

Jini mu' bʌ i chañ'esan i bʌ lajalʌch i t'an bajche' te' mu' bʌ i c'ʌn i bajben i pi'ʌlob. Mach che'ic i t'an jini weño' bʌ i pusic'al. Mi' chʌcʌ cʌntañob i yej.

Isaias 10:25

Jumuc' jax mi caj la' wubin wocol cha'an c mich'ajel. Ti ora mi caj i jilel i p'ʌtʌlel. Che' jini mi caj c mich'len jini asiriajob, che'en.

Isaias 10:5

Jini Asiria i wentajʌch asiyal tij c'ʌb cha'an mic jats' Judá tic mich'ajel. I wentajʌch barate' tij c'ʌb. Tsa'ix c choco majlel ti contra Judá ti' caj i mul cha'an tsi' cʌyʌ i Dios. Tsa'ix c sube asiriajob cha'an mi' yʌc'ob ti to'ol e'tel yic'ot wocol. Mi caj i chilbeñob i chubʌ'an. Mi caj i juch'tec'ob che' bajche' oc'ol ti bij.

Isaias 14:29

Ubinla, filisteojob. Mach yomic tijicña la' pusic'al cha'an chʌmenix jini rey tsa' bʌ i tic'layet. Come ñumen wocol mi caj i tic'lañetla i yalobil. Lajal i c'uxel che' bajche' jontol bʌ lucum.

Isaias 30:31

Mi' cajelob ti cabʌl bʌq'uen jini asiriajob che' mi' yubibeñob i t'an lac Yum, come mi caj i jats'ob cha'an i mul.

Isaias 9:4

Come Dios mi caj i ts'oc jini cadena tac mu' bʌ i cʌch i cha'año' bʌ. Mi caj i c'ʌs jini asiyal mu' bʌ i jats'ob che' bajche' tsi' jisʌbe i p'ʌtʌlel Madián ti' tojlel Gedeón. Come wen tijicña mi caj i yajñel pañimil ba' ora mi' lajmel guerra. Mi caj i laj jilel ti c'ajc pejtelel e'tijibʌl cha'an guerra, yic'ot pejtelel i pislelob pʌjq'uenticax ti ch'ich'.

Oseas 10:13

Pero mach che'ic tsa' mele, Efraín. Tsa' pʌc'ʌ jontolil. Jini cha'an wola' c'aj wocol. Mi caj a toj a mul cha'an tsa' ñopo lot. Tsa' lon ña'ta xuc'ulet cha'an cabʌl a soldadojob yic'ot cabʌl a we'tijib cha'an guerra.

Oseas 8:7

Woliyob ti pac' ti ic', pero tal jini sutujt ic' cha'an mi' jisañob. To'ol pots' i te'el ixim. Ma'anic chuqui mi caj i c'ajob. Mi tsa' loq'ui ts'ita' i wut, yambʌ mi caj i c'ux.