Proverbios 22:4 - Chol: I T’an Dios

⁴ An i chobejtʌbal jini uts bʌ i pusic'al mu' bʌ i bʌc'ñan lac Yum. Jiñʌch cabʌl i chubʌ'an yic'ot i ñuclel yic'ot i cuxtʌlel.

Chol de Tumbalá Bible

⁴ An i chobejtʌbal jini uts bʌ i pusic'al mu' bʌ i bʌc'ñan lac Yum. Jiñʌch cabʌl i chubʌ'an yic'ot i ñuclel yic'ot i cuxtʌlel.

Proverbios 22:4 Iomraidhean Croise

Proverbios 19:23

Mi lac taj laj cuxtʌlel che' mi lac bʌc'ñan lac Yum. Jini mu' bʌ i bʌc'ñan lac Yum ñʌch'ʌl mi caj i yajñel yic'ot. Ma'anic chuqui mi caj i tumbentel.

Proverbios 21:20

Lotol ti' yotot jini p'ip' bʌ i pusic'al an letsem tac bʌ i tojol yic'ot aceite, pero jini tonto bʌ mi' laj jisan.

Proverbios 21:21

Jini mu' bʌ i chʌn ñop i mel chuqui toj yic'ot chuqui uts'at mi caj i taj i cuxtʌlel yic'ot toj bʌ i pusic'al yic'ot i c'uxbintel.

Proverbios 22:3

Jini cʌntesʌbil bʌ mi' wʌn ña'tan chuqui bʌbʌq'uen mi' yujtel. Mi' chajpan i bʌ. Jini tonto bʌ ma'anic mi' yotsan ti' pusic'al. Muq'uix i toj.

Proverbios 22:5

An pim bʌ ch'ixol yic'ot yac ti' bijlel jini sajtemo' bʌ. Mach ya'ic mi' yochel jini mu' bʌ i chʌcʌ q'uel i bʌ.

Proverbios 29:23

Jini mu' bʌ i chañ'esan i bʌ mi cajel i q'uejlel ti pec'. Jini mu' bʌ i peq'uesan i bʌ mi cajel i q'uejlel ti ñuc.

Proverbios 3:16

Jini am bʌ wen bʌ i ña'tʌbal mi' ñajt'esʌntel i jabilel. Mi' yʌq'uentel i chubʌ'an yic'ot i ñuclel.

Proverbios 31:30

Anquese i t'ojol jax x'ixic lolom jach i t'ojlʌwel. Mach ti pejtelelic ora an. Jini x'ixic mu' bʌ i bʌc'ñan lac Yum mi caj i taj i c'uxbintel ti isujm.

Isaias 33:6

Tilem ti lac Yum i coltʌntel winic, yic'ot i ña'tʌbal, yic'ot uts'at bʌ i pensar. Wen chumul jini mu' bʌ i bʌc'ñan lac Yum. I wentajʌch i chubʌ'an letsem bʌ i tojol.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Daniel 4:36

Ti jimbʌ ora tsa' cha' wen'ayon. Tsa' cha' aq'uentiyon c yumʌntel yic'ot c ñuclel. Jini gobernadorob yic'ot ñuc bʌ yumʌlob año' bʌ tic wenta tsi' sʌclayoñob. Tsa' cha' wa'chocontiyon ti rey. Ñumen tsa' aq'uentiyon c ñuclel che' bajche' ti ñaxan.

Mateo 6:33

Ñaxan sajcanla i yumʌntel Dios yic'ot i tojel. Che' jini mi caj la' wʌq'uentel pejtelel chuqui tac anto yom la' cha'an.

1 Timoteo 4:8

Mi lac taj ts'ita' lac wenlel che' mi laj cʌntan lac bʌc'tal. Pero cabʌl mi lac taj che' ch'ujul mi la cajñel. Come mi' coltañonla wʌle ti ili ora yic'ot ti jini tal to bʌ ora.

Santiago 4:10

Mele la' bʌ ti pec' ti' wut lac Yum. Che' jini mi caj i chañ'esañetla.

Santiago 4:6

Cabʌl mi' yʌq'ueñonla lac p'ʌtʌlel cha'an mi' mʌjlel lac cha'an. Jini cha'an mi' yʌl: “Dios mi' contrajin jini mu' bʌ i chañ'esañob i bʌ, pero mi' p'ʌt'esan jini mu' bʌ i peq'uesañob i bʌ”, che'en.