Proverbios 21:2 - Chol: I T’an Dios

² Toj mi' lon q'uelob i bijlel winicob x'ixicob, pero lac Yum mi' q'uelbeñob i pusic'al.

Chol de Tumbalá Bible

² Toj mi' lon q'uelob i bijlel winicob x'ixicob, pero lac Yum mi' q'uelbeñob i pusic'al.

Proverbios 21:2 Iomraidhean Croise

Job 31:6

La' i p'ison Dios ti balanza che' mi' melon. Mux i ña'tan ma'anic c mul.

Salmos 36:2

Come mi' bajñel chañ'esan i bʌ. Mi' lon ña'tan mach cʌmbilic i mul, ma'anic mi' caj ti ts'a'lentel.

Proverbios 12:15

Jini mach bʌ wenic i pensar mi' lon ña'tan tojʌch i bijlel, pero jini am bʌ i ña'tʌbal mi' yʌc' ti' pusic'al i toj'esʌntel.

Proverbios 16:2

Winicob mi' lon ña'tañob sʌc pejtel i bijlel, pero lac Yum mi' laj ch'ʌm ti' wenta bajche' an lac pusic'al.

Proverbios 16:25

Toj mi' lon q'uelob i bijlel winicob x'ixicob, pero mi' cajelob ti chʌmel mu' bʌ i xʌñob majlel.

Proverbios 17:3

Mi' yulmesʌntel plata ti p'ejt, mi' yʌjq'uel ti c'ajc jini oro, pero lac pusic'al mi' q'uejlel ti Dios.

Proverbios 20:6

Cabʌlob mi poj pʌsob i bʌ ti uts, pero ¿am ba juntiquil uts bʌ i pusic'al ti pejtelel ora? Wocol ti tajol.

Proverbios 24:12

Mach isujmic mi tsa' wʌlʌ: Mach c cujilic. Mi che'et, ¿mach ba yujilic jini mu' bʌ i wen q'uel lac pusic'al? Jini mu' bʌ caj i yʌq'ueñob i chobejtʌbal winicob, ¿mach ba anic mi' ña'tan chuqui wola' mel?

Proverbios 30:12

An mu' bʌ i lon q'uelob i bʌ ti sʌc anquese mach pocbilic loq'uel i bibi'lel.

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Daniel 5:27

TEKEL: Tsa' p'isleyet ti balanza. Mach uts'atic mi' q'uelet Dios.

Lucas 16:15

Jesús tsi' subeyob: Jatetla, la' wom la' q'uejlel ti toj cha'an winicob. Dios mi' cʌn la' pusic'al. Chuqui tac mi' q'uelob ti ñuc winicob x'ixicob, ts'a' mi' q'uel Dios, che'en.

Gálatas 6:3

Come mi an majqui mi' lon ña'tan an i bajñel wenlel, woli jach i bajñel lotin i bʌ.

Santiago 1:22

Chʌn melela chuqui mi' yʌl jini wen t'an. Mach yomic to'o che' jach mi la' wubin. Mach mi la' lon ña'tan woli la' ñop mi ma'anic woli la' jac'.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.

1 Samuel 16:7

Pero lac Yum tsi' sube Samuel: Mach a lon q'uelben i wut yic'ot i bʌc'tal jini winic, come tsa'ix c ñusa. Ma'anic mic ch'ʌm tic wenta anquese wen i t'ojol jax, anquese wen chan. Joñon mach lajalic mij q'uel che' bajche' winicob. Cojach mi' q'uelbeñob i bʌ i wut pero joñon mij q'uelbeñob i pusic'al, che'en.