Proverbios 21:1 - Chol: I T’an Dios

¹ Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Chol de Tumbalá Bible

¹ Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Proverbios 21:1 Iomraidhean Croise

2 Reyob 19:33

Ti jini jach bʌ bij ba' tsa' tili mi caj i cha' sujtel ti' lumal”. Jiñʌch i t'an lac Yum:

Esdras 1:1

Ti ñaxan bʌ jab che' woli' mel i yumʌntel jini rey Ciro, i yum Persia, lac Yum tsi' ts'ʌctesa jini t'an tsa' bʌ i yʌlʌ jini x'alt'an Jeremías. Lac Yum tsi' ñijcʌbe i pusic'al Ciro cha'an mi' pam puc jini t'an ti pejtelel lum. Tsi' yotsa ti jun ja'el. Tsi' yʌlʌ:

Esdras 1:2

Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Esdras 6:22

Ti' tijicñʌyel i pusic'al tsi' meleyob jini q'uin che' mi' c'uxob caxlan waj mach bʌ anic i levadurajlel. Wucp'ejl q'uin tsi' cha'leyob q'uiñijel come tsi' wen coltayob lac Yum. Jiñʌch lac Yum tsa' bʌ i nijcʌbe i pusic'al jini rey ti Asiria cha'an mi' coltañob, cha'an mi' wen mejlel i Templo Dios, i Dios Israel.

Nehemias 1:11

C Yum, a wocolic mij c'ajtibeñet, ñich'tʌbeñon coración come a winicon. Ñich'tʌbeñob i yoración a winicob año' bʌ ti Jerusalén mu' bʌ i tajob i tijicñʌyel cha'an woli' bʌc'ñañob a c'aba'. Coltañon ti ili q'uin cha'an mi' yujtel ti uts'at chuqui com c mel. Ñijcʌben i pusic'al jini rey cha'an mi' p'untañon ba' ora mic pejcan, cho'on ti oración. Joñon mic ñusʌben i taza jini rey.

Nehemias 2:4

Jini rey tsi' yʌlʌ: Yomcu. ¿Chuqui a wom a c'ajtibeñon? che'en. Mucul jach tsac pejca Dios am bʌ ti panchan.

Nehemias 2:8

Aq'ueñon jun ja'el cha'an mic pʌsben Asaf mu' bʌ i cʌntʌben i te'el rey, cha'an mi' yʌq'ueñon te'. Che' jini mux c p'el lojon te' cha'an i ti' tac Templo yic'ot cha'an jini colem bʌ tranca tac ja'el ya' ti' ti' wa'al bʌ ts'ajc am bʌ ti' joytilel tejclum yic'ot i ti' cotot ba' mi caj c chumtʌl, cho'on tsac sube. Jini rey tsi' yʌq'ueyon chuqui tsaj c'ajtibe. Che'ʌch tsi' pʌsbeyon Dios i yutslel i pusic'al.

Ester 2:17

Ñumen tsi' c'uxbi Ester bajche' pejtelel yaño' bʌ x'ixicob. Ñumen tsi' pʌsbe i yutslel i pusic'al bajche' pejtel jini xch'oc bʌ i pi'ʌlob. Jini cha'an tsi' c'ʌcchoco ti' jol jini corona bʌ i ch'ʌjlib i yijñam rey. Tsi' yʌq'ue i ye'tel ti co'ʌl tsa' bʌ i cʌyʌ Vasti.

Salmos 105:25

Dios tsi' q'uextʌbeyob i pusic'al egiptojob cha'an mi' ts'a'leñob i cha'año' bʌ, Cha'an mi' lotiñob.

Salmos 106:46

Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.

Salmos 114:3

Jini ñajb tsi' q'uele yilal, tsa' puts'i majlel. Jini Jordán ja' tsa' cha' sujti.

Salmos 114:5

¿Chucoch tsa' puts'iyet ñajb? Jatet Jordán ja', ¿chucoch tsa' sujtiyet?

Salmos 74:15

Tsa' mele i loq'uib ja', tsa' jambeyon lojon cuxul bʌ ja'. Tsa' tiquesa colem ja' mach bʌ yujilic tiquin.

Salmos 93:4

C Yum, ñumen ñuquet ti chan bajche' i t'an cabʌl ja'. Ñumen p'ʌtʌlet bajche' wʌlwʌlña bʌ ja' am bʌ ti colem ñajb.

Exodo 7:3

Mi caj c tsʌts'esʌben i pusic'al Faraón. Anquese mic pʌsben cabʌl i yejtal tac c p'ʌtʌlel yic'ot bʌbʌq'uen tac bʌ,

Proverbios 16:1

La cujil chuqui yom lac pusic'al, pero ch'oyol ti Dios chuqui mi lac taj.

Proverbios 16:9

Mi lac bajñel yajcan lac bijlel, pero lac Yum mi' toj'esan majlel la coc.

Proverbios 20:24

Jiñʌch lac Yum mu' bʌ i toj'esañonla majlel. ¿Mejl ba lac bajñel ch'ʌmben isujm lac bijlel?

Isaias 43:19

An tsijib tac bʌ mu' bʌ caj c pʌsbeñetla. Mach jalix mi caj la' q'uel. Wolix c tech. Mi caj c ñusan bij ya' ba' tiquin pañimil cha'an mi' sujtelob c cha'año' bʌ. Mi caj cʌc' ja' ya' ba' jochol lum. ¿Mach ba' tsictiyemic que'tel?

Isaias 44:27

Mic suben i mal lum cha'an mi' tiquin i ya'al. Mi cʌc' ti tiquin colem ja'.

Jeremias 39:12

Pʌyʌ. Cʌntan. Mach yomic ma' wis tic'lan. Melben che' bajche' mi' subeñet, che'en.

Daniel 4:35

Pejtel winicob ti pañimil ma'anic i c'ʌjñibal ti' tojlel. Mi' mel che' bajche' yom ti' tojlel jini año' bʌ ti panchan yic'ot jini chumulo' bʌ ti pañimil. Ma'anic majch mi mejlel i mʌctʌben i p'ʌtʌlel. Ma'anic majch mi mejlel i suben: “¿Chuqui woli a mel?” Mach mejlic ti tijq'uel.

Hechos 7:10

Dios tsi' loc'sa ti pejtelel i wocol. Tsi' ñijcʌbe i pusic'al Faraón cha'an mi' q'uel José ti uts'at. Dios tsi' yʌq'ue José i ña'tʌbal ti' tojlel jini rey Faraón ya' ti Egipto. Dios tsi' yʌq'ue i ye'tel ti yumʌl ti' tojlel egiptojob yic'ot ti' yotot Faraón ja'el.

Apocalipsis 16:12

I wʌcticlel ángel tsi' beq'ue i bʌl taza ti jini ñuc bʌ colem ja' i c'aba' Eufrates. Tsa' tiqui i ya'lel cha'an mi' chajpʌbentelob i bijlel reyob ch'oyolo' bʌ ba' mi' pasel q'uin.

Apocalipsis 16:4

I yuxticlel ángel tsi' beq'ue i bʌl taza ti colem ja' tac yic'ot i loq'uib tac ja'. Tsa' pʌntʌyi ti ch'ich'.