Proverbios 20:3 - Chol: I T’an Dios

³ Ñucʌch jini winic mach bʌ yujilic a'leya. Tonto jini mu' bʌ i yotsan i bʌ ba' woliyob ti a'leya.

Chol de Tumbalá Bible

³ Ñucʌch jini winic mach bʌ yujilic a'leya. Tonto jini mu' bʌ i yotsan i bʌ ba' woliyob ti a'leya.

Proverbios 20:3 Iomraidhean Croise

Genesis 13:7

Jini xcʌnta wacax i cha'an Abram tsi' cha'leyob leto yic'ot xcʌnta wacax i cha'an Lot. Ya'to chumulob jini cananeojob yic'ot ferezeojob.

Genesis 13:8

Abram tsi' sube Lot: Mach yomic mi lac cha'len leto come lac pi'ʌl lac bʌ. Mach i cha'leñob leto xcʌnta wacaxob lac cha'an.

2 Reyob 14:9

Joás rey bʌ ti Israel tsi' chocbe ili lajiya Amasías rey bʌ ti Judá. Tsi' sube: Jini ch'ix am bʌ ti Líbano tsi' sube jini ch'ujte': “Aq'ueñon xch'oc bʌ a walobil”, che'en jini ch'ix. Pero tsa' ñumi majlel jini jontol bʌ bʌte'el ya' ti Líbano. Tsi' laj jisa jini ch'ix.

Proverbios 14:17

Jini mu' bʌ i bʌc' mich'an lajal mi' mel che' bajche' tonto bʌ. Mi' caj ti ts'a'lentel jini mu' bʌ i ñoj tech jontolil.

Proverbios 14:29

An cabʌl i pusic'al jini mach bʌ orajic yujil mich'ajel, pero jini ora bʌ mi' mich'an mi' pʌs i tontojlel.

Proverbios 16:32

Jini mach bʌ orajic yujil mich'ajel ñumen ñucʌch bajche' ñuc bʌ soldado. Ñumen ñuc jini mu' bʌ i tic' i bʌ bajche' jini mu' bʌ i chil tejclum ti guerra.

Proverbios 17:14

Che' mi' cajelob ti leto mi' yutsi p'ojlel che' bajche' ja'. Jini cha'an cʌyʌx leto ame utsi p'ojlic.

Proverbios 18:6

Jini tonto bʌ mi' c'ʌn i yej cha'an mi' tech cabʌl a'leya. La' bajbentic ti asiyal cha'an i mul.

Proverbios 19:11

Jini wen bʌ i pusic'al mach orajic mi' mich'an. Jiñʌch i ñuclel che' mi' ñusʌben i mul i contra.

Proverbios 21:24

Xwajleyajʌch jini chan bʌ i pusic'al yujil bʌ mich'ajel. Mi' mel bajche' jach yom i pusic'al. Bajñel bʌjʌch i bʌ.

Proverbios 26:17

Jini mu' bʌ i xʌb otsan i bʌ ba' woliyob ti leto lajalʌch bajche' winic mu' bʌ i chucben i chiquin ts'i' che' mach i cha'anic.

Efesios 4:32

Yom mi la' coltan la' pi'ʌlob ti' yutslel la' pusic'al. P'untan la' pi'ʌlob. Ñusʌben la' bʌ la' mul che' bajche' Dios tsi' ñusʌbeyetla la' mul ti Cristo.

Santiago 3:14

Mi tsʌytsʌyña la' pusic'al cha'an i wenlel la' pi'ʌlob, mi la' wujil a'leya ti la' pusic'al, mach la' chañ'esan la' bʌ. Mach la' cha'len lot ti' contra i sujmlel.

Santiago 4:1

¿Chucoch woli la' t'ox la' bʌ ti a'leya? ¿Mach ba xic'bileticla cha'an i colosojlel la' pusic'al? Come mi' tejchel guerra ti la' pusic'al che' cha'p'ejl jax la' ña'tʌbal.