Proverbios 2:5 - Chol: I T’an Dios

⁵ Che' jini mux caj a ch'ʌmben isujm bajche' yom ma' bʌc'ñan lac Yum. Mux caj a cʌn Dios.

Chol de Tumbalá Bible

⁵ Che' jini mux caj a ch'ʌmben isujm bajche' yom ma' bʌc'ñan lac Yum. Mux caj a cʌn Dios.

Proverbios 2:5 Iomraidhean Croise

Job 28:28

Tsi' sube winicob: Ubinla. Jiñʌch la' ña'tibal che' mi la' bʌc'ñan la' Yum Dios. Jini jach mi' ch'ʌmben isujm mu' bʌ i junyajlel cʌy i mul, che'en.

Proverbios 1:7

Jiñʌch i cajibal lac ña'tʌbal che' mi lac bʌc'ñan lac Yum. Jini tontojo' bʌ ts'a' mi' yubiñob i cʌntesʌntel yic'ot i tic'ol.

Proverbios 28:7

Jini ch'iton mu' bʌ i jac' i cʌntesʌntel uts'at mi' q'uejlel ti' tat. Jini mu' bʌ i pi'len majlel jini wo'ob jax bʌ mu' bʌ i jisañob i chubʌ'an mi' yʌc' ti quisin i tat.

Proverbios 8:17

Mij c'uxbin jini mu' bʌ i cha'leñob wersa i tajob wen bʌ i ña'tʌbal. Jini mu' bʌ i sajcañob wen bʌ i ña'tʌbal mi caj i tajob.

Proverbios 9:10

Jiñʌch i cajibal lac ña'tʌbal che' mi lac bʌc'ñan lac Yum. Jini mu' bʌ i cʌn jini Ch'ujul Bʌ, anix i ña'tʌbal.

Isaias 33:6

Tilem ti lac Yum i coltʌntel winic, yic'ot i ña'tʌbal, yic'ot uts'at bʌ i pensar. Wen chumul jini mu' bʌ i bʌc'ñan lac Yum. I wentajʌch i chubʌ'an letsem bʌ i tojol.

Jeremias 24:7

Mi caj cʌq'ueñob wen bʌ i pusic'al cha'an mi' cʌñoñob cha'an i Yumon. Mi caj i sujtelob tic cha'an bʌ. Mi caj i pejcañoñob ti' Dios. Mi caj i sutq'uiñob i bʌ cha'an mi' ñopoñob ti pejtelel i pusic'al.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Jeremias 9:24

Jini mu' bʌ i chañ'esan i bʌ, la' i ña'tan an i ñuclel cha'an woli' ch'ʌmben isujm yic'ot cha'an woli' cʌñon i Yumon. Wolic pʌsben i yutslel c pusic'al. Mic cha'len chuqui toj. Mic mel winicob x'ixicob ti toj ila ti pañimil. Come tijicñayon che' bajche' jini.

Oseas 6:3

La' laj cʌñe' lac Yum. La' lac cha'len wersa cha'an mi lac chʌn ñop, come cha' tal ba' añonla. Che' bajche' mi' pʌs i sʌclel jini q'uin che' mi' sʌc'an, che'ʌch mi caj i tilel ti lac tojlel. Tal che' bajche' jini ñaxan bʌ ja'al ti' yorajlel pac'”, che'ob.

Mateo 11:27

Pejtelel chuqui tac an, aq'uebilon i cha'an c Tat. Ma'anic majqui mi' cʌñon, cojach c Tat. Che' ja'el ma'anic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Lucas 10:22

Pejtelel chuqui tac an, aq'uebilon i cha'an c Tat. Ma'anic majqui mi' cʌñon cojach c Tat. Che' ja'el, ma'anic majqui mi' cʌn c Tat cojach joñon come i Yalobilon. Mi' cʌñob c Tat ja'el majqui jach mi cʌq'uen i cʌn. Che' tsi' yʌlʌ Jesús.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

1 Juan 5:20

La cujil tsa'ix tili i Yalobil Dios. Tsa'ix i yʌq'ueyonla lac ña'tʌbal cha'an mi laj cʌn jini mero isujm bʌ. Añonla ti jini mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ anic mi' jilel.