Proverbios 19:3 - Chol: I T’an Dios

³ Jini tonto bʌ mi' soc i bijlel. Mi' tech leto ti' pusic'al ti contra lac Yum.

Chol de Tumbalá Bible

³ Jini tonto bʌ mi' soc i bijlel. Mi' tech leto ti' pusic'al ti contra lac Yum.

Proverbios 19:3 Iomraidhean Croise

2 Reyob 6:33

Che' woli to ti t'an Eliseo, tsa' c'oti jini winic. Ti wi'il pat tsa' tili jini rey. Mich' tsi' cha'le t'an jini rey. Tsi' yʌlʌ: Ch'oyol ti lac Yum pejtelel ili wocol. Lolom jach mic chʌn pijtan j coltʌntel ti' tojlel lac Yum, che'en.

Job 15:13

Wola' wʌc' a ch'ujlel cha'an ma' contrajin Dios che' ma' cha'len t'an che' bajche' jini.

Salmos 37:1

Mach a cha'len tsic pusic'al cha'an i mul jini mu' bʌ i cha'leñob jontolil. Mach ma' mulʌbeñob i chubʌ'an xmulilob.

Salmos 37:7

Ñʌch'chocon a bʌ ti lac Yum. Pijtan lac Yum ti' xuc'tilel a pusic'al. Mach a cha'len tsic pusic'al che' mi' p'ojlel i chubʌ'an jini mu' bʌ i mel jontolil.

Proverbios 11:3

Jini tojo' bʌ mi caj i toj'esʌntelob majlel cha'an tojob i pusic'al. Jini xmulilob mi caj i jisʌntelob cha'an jontolob i pusic'al.

Isaias 32:6

Mi' caj ti wen cʌjñel jini jontol bʌ winic come jontol i t'an. I melbal jini cha'p'ejl bʌ i pusic'al mi' yʌc' ti cʌjñel. Mi' cha'len lotiya. Mi' socben i t'an Dios. Mi' chilben i bʌl i ñʌc' jini am bʌ i wi'ñal. Mi' chilben i ya'al jini am bʌ i tiquin ti'.

Lamentaciones 3:39

¿Chucoch tilebixel i pusic'al winicob? La' i cha'len uq'uel jujuntiquil cha'an ti' caj i mul.

Ezequiel 18:25

Pero jatetla mi la' lon al: “Mach utsic lac Yum che' jini”, che'etla. Pero ubinla wʌle pejtelel israelob: ¿Mach ba uts'atic bajche' mic mel? ¿Mach ba lecojic bajche' mi la' mel jatetla?

1 Samuel 13:13

Samuel tsi' yʌlʌ: Leco jax chuqui tsa' mele. Ma'anic tsa' jac'be i mandar lac Yum Dios che' bajche' tsi' subeyet. Tsa'ic a jac'be i t'an lac Yum, tsi' coltayet cha'an ma' chʌn cha'len yumʌl ti Israel, jatet yic'ot a walobilob ti pejtelel ora.

1 Samuel 15:23

Jini mu' bʌ i ñusʌben i t'an Dios lajalʌch i mul bajche' xwujt. Lajal i mul jini tsʌts bʌ i pusic'al bajche' jini mu' bʌ i ch'ujutesan dioste' tac. Tsa'ix a ñusʌbe i t'an lac Yum. Jini cha'an chojquemetix loq'uel ti a yumʌntel. Ma'anix mi caj a chʌn ajñel ti rey, che'en.