Proverbios 19:2 - Chol: I T’an Dios

² Mach yomic mi lac bʌc' mel bajche' jach yom lac pusic'al. An i mul jini mach bʌ anic mi' p'is ti' wenta chuqui yom i mel.

Chol de Tumbalá Bible

² Mach yomic mi lac bʌc' mel bajche' jach yom lac pusic'al. An i mul jini mach bʌ anic mi' p'is ti' wenta chuqui yom i mel.

Proverbios 19:2 Iomraidhean Croise

Proverbios 21:5

Jini bʌx bʌ ti e'tel mu' bʌ i ña'tan chuqui yom i mel mi' yʌc' ti p'ojlel i chubʌ'an. Pero pejtel mu' bʌ i ña'tañob i to'ol tajob i chubʌ'an mi caj i yochelob ti pobre.

Filipenses 1:9

Mij c'ajtiben ti oración cha'an mi' chʌn p'ojlel la' c'uxbiya yic'ot la' ña'tʌbal yic'ot cabʌl la' pusic'al,

Proverbios 29:20

¿A cʌñʌ ba winic mu' bʌ i bʌc' jʌmtech i t'an che' woli' cʌntesʌntel? Ñumen p'ump'un jax jini winic bajche' jini tonto bʌ.

Romanos 10:2

Come mic sub ti isujm, anquese ch'ejlob cha'an Dios, mach yujilobic chuqui yom Dios.

Juan 16:3

Che'ʌch mi caj i cha'leñob, come mach i cʌñʌyobic c Tat. Ma'anic tsi' cʌñʌyoñob ja'el.

Oseas 4:6

Woli' laj jilelob c cha'año' bʌ cha'an ma'anic mi' cʌñoñob, cha'an mach la' womic la' cʌñon. Jini cha'an mach comix mi la' chʌn mel la' we'tel ti motomaj ja'el, come tsa' ñajʌyi la' cha'an c mandar. Jini cha'an mi caj la' ñajʌyel c cha'an. Ma'anix mi caj c chʌn p'untan la' walobilob.

Isaias 28:16

Jini cha'an lac Yum Dios woli' yʌl: Awilan mi caj c choc tilel ti Sion juntiquil winic lajal bʌ bajche' jump'ejl Xajlel, xuc'ul bʌ, yajcʌbil bʌ, i t'ojol jax bʌ. Jini Xajlel i c'ʌclibʌch pejtel wa'chocobil bʌ. Tijicña jini mu' bʌ i ñop come xuc'ul mi' majlel ti wen bʌ bij.

Proverbios 28:20

Jini toj bʌ mi caj i yutsi taj i wenlel, pero jini mu' bʌ i bʌc' otsan i bʌ ti rico mi caj i toj i mul.

Eclesiastes 12:9

Mach jinic jach an i ña'tibal jini subt'an, pero wen yujil cʌntesa. Tsi' chʌn cʌntesa winicob pejtel tsa' bʌ i ñopo. Tsi' chucu ti jun i subal winicob año' bʌ i ña'tibal. Tsi' wen ña'ta bajche' yom subol cha'an mi' cʌytʌl ti' pusic'al winicob.

Eclesiastes 7:9

Mach a bʌc' mich'an, come i tilel jini tontojob che'ʌch mi' melob.

Proverbios 28:22

Jini wo'atax bʌ ti chubʌ'añʌl mi' sebun i bʌ cha'an mi' yochel ti rico. Ma'anic mi' wis ña'tan mi mux caj i cha' ochel ti pobre.

Proverbios 25:8

Mach ma' bʌc' sub ti jamʌl i mul a pi'ʌl ti chumtʌl. Che' jini ¿bajche' mi caj a mel ti wi'il mi tsi' tsictesayet ti melobʌjʌl?

Proverbios 14:29

An cabʌl i pusic'al jini mach bʌ orajic yujil mich'ajel, pero jini ora bʌ mi' mich'an mi' pʌs i tontojlel.

Proverbios 1:16

P'ip'atax i pusic'al ti jontolil. Ora jach yomob tsʌnsa.

Proverbios 10:21

Cabʌl winicob mi' we'sʌntelob cha'an ti' t'an jini toj bʌ, pero jini tontojo' bʌ mi' chʌmelob cha'an ma'anic i ña'tʌbal.

Isaias 27:11

Lajal jini tejclum che' bajche' yajlem bʌ te', tiquinix bʌ. Talob x'ixicob i xot'ob. Mi' tempañob cha'an si'. Ma'añobic i pusic'al jini winicob x'ixicob. Ma'añobic i ña'tʌbal. Jini cha'an Dios tsi' cʌyʌyob. Dios tsa' bʌ i meleyob ma'anic mi caj i p'untañob. Anquese Dios tsi' meleyob ma'anic mi caj i pʌsbeñob i yutslel i pusic'al.

Job 31:5

Tsaj cʌnta c bʌ. Mach cujilic lot. Ma'anic tsac pi'le majlel jini yujilo' bʌ lotiya.

2 Reyob 4:39

Juntiquil tsa' loq'ui majlel ti cholel cha'an mi' ch'ʌm tilel pimel. Tsi' taja mate'el ch'um. Tsi' tempa ti' pislel. Che' bʌ tsa' c'oti, tsa' caji i bic'ti tsep ya' ti p'ejt, pero ma'anic tsi' ña'ta mach c'uxbilic.