Proverbios 17:3 - Chol: I T’an Dios

³ Mi' yulmesʌntel plata ti p'ejt, mi' yʌjq'uel ti c'ajc jini oro, pero lac pusic'al mi' q'uejlel ti Dios.

Chol de Tumbalá Bible

³ Mi' yulmesʌntel plata ti p'ejt, mi' yʌjq'uel ti c'ajc jini oro, pero lac pusic'al mi' q'uejlel ti Dios.

Proverbios 17:3 Iomraidhean Croise

1 Cronicas 29:17

C Yum Dios, cujil jatet ma' cʌmben i pusic'al winicob x'ixicob. Uts'at ma' q'uelob che' mi' melob chuqui uts'at ti jump'ejl i pusic'al. Ti pejtelel c pusic'al tsa'ix cʌq'ueyet ili a majtan. Che' ja'el ti pejtelelob woli' yʌq'ueñetob a majtan ti' tijicñʌyel i pusic'al.

Job 23:10

Pero yujil Dios baqui mic majlel. Che' bʌ tsa'ix ujti i q'uelbeñon c pusic'al, mi caj c loq'uel che' bajche' oro.

Job 28:1

An i bijlel tac plata ti yebal lum. An e'tijibʌl mu' bʌ i c'ʌñob winicob cha'an mi' chicob loq'uel oro.

Salmos 139:23

Tsajiñon, Dios. Q'uelbeñon c pusic'al. Cʌmbeñon c pensar.

Salmos 26:2

C Yum, q'uelbeñon c pusic'al, ac'ʌyon ti prueba. Q'uele mi sʌc c pusic'al yic'ot c ch'ujlel.

Salmos 66:10

Jatet Dios, tsa'ix a wilʌbeyon lojon c pusic'al. Che' bajche' mi' pulel tsucul taq'uin tsa'ix a sʌq'uesayon lojon.

Proverbios 15:11

Lac Yum mi' q'uelben i yajñib chʌmeño' bʌ. Mi' q'uel jini ch'en mach bʌ anic i yebal. ¿Mach ba ñumenic mi' c'otel i wut ti malil i pusic'al winicob x'ixicob?

Proverbios 16:2

Winicob mi' lon ña'tañob sʌc pejtel i bijlel, pero lac Yum mi' laj ch'ʌm ti' wenta bajche' an lac pusic'al.

Proverbios 17:2

Jini ch'iton mu' bʌ i yʌq'uen i ch'ijiyemlel i tat mi caj i yuman x'e'tel xuc'ul bʌ i pusic'al. Ba' ora tsa'ix chʌmi i tat, che' mi' tilelob i pi'ʌlob cha'an mi' t'oxob i chubʌ'an, lajal an i ye'tel jini x'e'tel yic'otob.

Proverbios 21:2

Toj mi' lon q'uelob i bijlel winicob x'ixicob, pero lac Yum mi' q'uelbeñob i pusic'al.

Proverbios 27:21

Jini c'ajc mi' tsictesan plata yic'ot oro. Che' ja'el lac pi'ʌlob mi' tsictesʌbeñonla lac pusic'al.

Isaias 48:10

Tsac ñusayet ti prueba che' bajche' mi' pulel sʌsʌc taq'uin ti c'ajc cha'an mi' sʌq'uesʌntel, pero ma'anic tsac taja wen bʌ a pusic'al.

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Ezequiel 22:18

I yalobil winic, tsa'ix sujtiyob jini israelob che' bajche' misujelʌl tic wut. Ti pejtelelob lajalob bajche' i bibi'lel tsucu taq'uin yic'ot c'ʌnc'ʌn taq'uin, che'en.

Daniel 11:35

Cha'tiquil uxtiquil año' bʌ i ña'tʌbal mi caj i poj ñopob. Jiñʌch i yilʌbentel i pusic'al, pero mi caj i cha' toj'añob. Mi caj i sʌq'uesʌntelob. Che'ʌch mi caj i yujtel jinto mi' ts'ʌctiyel i yorajlel wocol ña'tʌbil bʌ i cha'an Dios.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Deuteronomio 8:16

Tsi' yʌq'ueyetla la' c'ux jini maná mach bʌ anic tsi' q'ueleyob la' ñojte'elob. Tsi' yʌq'ueyetla tsic pusic'al yic'ot i yilʌbentel la' pusic'al cha'an yom i yʌq'ueñetla tijicña bʌ ti wi'il bʌ ora.

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

1 Pedro 1:7

cha'an mi' tsictiyel mi xuc'ul woli la' ñop. Ñumen uts'at i xuc'tʌlel la' pusic'al ti Cristo bajche' oro mu' bʌ i jilel. Wolix la' ñusan wocol che' bajche' mi' ñumel oro ti c'ajc cha'an mi' q'uejlel mi mero oro. Che' ja'el che' ñumenix la' wocol, mi caj i sujbel la' ñuclel, mi caj la' c'uxbintel, mi caj la' q'uejlel ti ñuc che' mi' tsictiyel Jesucristo.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.