Proverbios 13:4 - Chol: I T’an Dios

⁴ Jini ts'ubo' bʌ ma'anic mi' tajob chuqui yom i pusic'al. Jini bʌxo' bʌ on mi' tajob chuqui tac yomob.

Chol de Tumbalá Bible

⁴ Jini ts'ubo' bʌ ma'anic mi' tajob chuqui yom i pusic'al. Jini bʌxo' bʌ on mi' tajob chuqui tac yomob.

Proverbios 13:4 Iomraidhean Croise

Genesis 26:32

Ti jini jach bʌ q'uin i winicob Isaac tsa' tili i subeñob i yum che' bʌ tsi' cha' piquiyob pozo. Tsac taja lojon ja', che'ob.

Salmos 92:14

C'ʌlʌl che' ñoxobix mi caj i chʌn ac'ob i wut. Che'ʌch añob bajche' wen yʌx bʌ te' am bʌ i yetsel. Cabʌl i yopol.

Proverbios 10:4

Jini ts'ub bʌ ti e'tel mi' yotsan i bʌ ti pobre. Jini bʌx bʌ ti e'tel mi' yotsan i bʌ ti rico.

Proverbios 11:25

Jini mach bʌ chʌquic ti' chubʌ'an mi caj i cha' aq'uentel. Jini mu' bʌ i yʌq'uen ja' yambʌ am bʌ i tiquin ti' mux i lajmel i tiquin ti' ja'el.

Proverbios 12:11

Mux i ñaj'an ti waj jini mu' bʌ i cha'len e'tel ti lum, pero ma'anic i pusic'al yilal jini mu' bʌ i tsajcañob majlel ti paxyal sajtemo' bʌ.

Proverbios 12:24

Jini bʌxo' bʌ ti e'tel mi caj i tajob i yumʌntel, pero jini ts'ubo' bʌ mi cajel i yumañob.

Proverbios 12:27

Jini ts'u' bʌ mu jach i len cʌye' bʌte'el tsa' bʌ i tsʌnsa, pero jini bʌx bʌ mi' p'is ti' wenta i chubʌ'an.

Proverbios 13:3

Jini mu' bʌ i cʌntan i yej mi' cʌntan i cuxtʌlel. Jini mu' bʌ ti putun t'an mi caj i yubin wocol.

Proverbios 13:5

Jini tojo' bʌ mi' ts'a'leñob lot, pero jini jontolo' bʌ quisintic jax chuqui tac mi' melob.

Proverbios 20:4

Jini ts'u' bʌ ma'anic mi' cha'len cholijel che' i yorajlelix. Mi' lon c'ajtin tac ñumel che' ti' yorajlel c'ajbal.

Proverbios 21:25

I ts'u'lel jini ts'u' bʌ mi' tsʌnsan. Mach yomic i ñop e'tel ti' c'ʌb.

Proverbios 21:5

Jini bʌx bʌ ti e'tel mu' bʌ i ña'tan chuqui yom i mel mi' yʌc' ti p'ojlel i chubʌ'an. Pero pejtel mu' bʌ i ña'tañob i to'ol tajob i chubʌ'an mi caj i yochelob ti pobre.

Proverbios 24:30

Lʌc'ʌl tsa' ñumiyon ti' t'ejl i chol jini ts'u' bʌ yic'ot ti' t'ejl i ts'usubil jini mach bʌ anic i ña'tʌbal.

Proverbios 24:31

Awilan, tsa' pam coli ch'ixol ti' pejtelel. Tsa' wen pim'a ti tsajatun. Tsa'ix jejmi jubel jini corral melbil ti xajlel.

Proverbios 26:13

Jini ts'u' bʌ mi' yʌl: Mach loq'uicon ti e'tel come ya'an bajlum ya'ya'i. Tic'ʌl mi talix ti bij, lon che'en.

Proverbios 28:25

Jini am bʌ i chʌclel mi' tech a'leya. Jini mu' bʌ i ñop lac Yum mi caj i taj i wenlel.

Proverbios 6:6

Mi ts'ubet, cucu ñopo bajche' mi' mel xiñich'. Ac'ʌ ti a pusic'al chuqui woli' cʌntesañet.

Proverbios 8:34

Tijicña jini winic mu' bʌ i ñich'tʌben i t'an jini mach bʌ anic i p'isol i ña'tʌbal, mu' bʌ i pijtan ya' ti pam i yotot ti jujump'ejl q'uin, mu' bʌ i pijtan ya' ti' ti' i yotot.

Cantares 5:3

Pero tsac sube: Jocholix c bujc. ¿Yom ba mic cha' lʌp? Pocolix coc. ¿Yom ba mic bib'esan? cho'on.

Isaias 58:11

Ti pejtelel ora mi caj c toj'esañet majlel. Mi caj cʌq'ueñet i bʌl a ñʌc' ya' ba' tiquin pañimil. Mi caj c tsijibtesan a p'ʌtʌlel. Lajal mi caj a wajñel che' bajche' pʌc'ʌbʌl mulbil bʌ ti ja', che' bajche' i loq'uib ja' mach bʌ anic mi' tiquin.

Numeros 23:10

¿Majqui mi mejlel i tsicben i p'olbal Jacob? Lajalob bajche' i ts'ubeñal lum mach bʌ mejlic ti tsicol. Che' bajche' mi' chʌmelob jini tojo' bʌ, la' chʌmicon. Tijicñayon che' muq'uic c jilel che' bajche'ob. Che' tsi' yʌlʌ Balaam.

Juan 6:27

Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

Hebreos 6:11

Pero com lojon chʌn bʌxetla ti jujuntiquiletla c'ʌlʌl mi la' chʌmel, cha'an mi la' taj pejtel woli bʌ la' pijtan.

Josue 7:3

Tsa' cha' tiliyob ba'an Josué i subeñob: Mach yomic mi lac majlel ti lac pejtelel. Jasʌl jach cha'p'ejl o uxp'ejl mil cha'an mi' cha'leñob guerra ti' contra Hai. Mach wocolic mi lac ch'ʌm, come mach cabʌlobic ya' ti Hai, che'ob.