Proverbios 13:2 - Chol: I T’an Dios

² Jini mu' bʌ i cha'len cʌntesa ti uts'at tijicñayʌch cha'an i chobejtʌbal i ye'tel. Jini mu' bʌ i cha'len jontolil tijicña cha'an i jontolil.

Chol de Tumbalá Bible

² Jini mu' bʌ i cha'len cʌntesa ti uts'at tijicñayʌch cha'an i chobejtʌbal i ye'tel. Jini mu' bʌ i cha'len jontolil tijicña cha'an i jontolil.

Proverbios 13:2 Iomraidhean Croise

Salmos 140:11

La' jilicob jini mu' bʌ i cha'lenob p'ajoñel cha'an ma'anic mi' chʌn p'ojlelob. La' i bʌc' taj wocol jini winic yujil bʌ jontolil.

Salmos 75:8

Come an vaso ti' c'ʌb lac Yum, i yejtalʌch i mich'ajel. Woli' paj'an jini vino am bʌ ti vaso, wen xʌbil bʌ. Mi' jeb ti' tojlel jontolo' bʌ ti pañimil. Mi caj i japob yic'ot i xixil pejtelel jontolo' bʌ. I yejtalʌch i mich'ajel Dios.

Proverbios 1:18

Pero jini mu' bʌ i ñopob tsʌnsa mi' yʌc'ob i bʌ ti tsʌnsʌntel. Mi' yʌc' i bʌ ti chujquel jini mu' bʌ i ña'tan i chuc i pi'ʌlob.

Proverbios 1:31

Jini cha'an mux i yʌq'uentelob i chobejtʌbal cha'an i melbalob. Mux i junyajlel cʌytʌlob yic'ot i jontolil.

Proverbios 10:11

Lajalʌch i yej jini toj bʌ bajche' i loq'uib ja' ba' ch'oyol laj cuxtʌlel, pero jini xjontolil mi' cha'len lot cha'an mi' muc i jontolil.

Proverbios 11:23

Jini tojo' bʌ jini jach uts'at tac bʌ yomob i taj, pero jini xjontolilob muc'ʌch i tajob i mich'ajel Dios.

Proverbios 12:14

Jini uts bʌ i t'an mi caj i tajben i yutslel i pusic'al i pi'ʌlob. Bajche' jach mi lac melben lac pi'ʌlob mi caj lac cha' melbentel.

Proverbios 18:20

Jini uts bʌ i t'an mi caj i taj i tijicñʌyel i pusic'al. Jini mach bʌ wenic i t'an muc'ʌch i toj.

Proverbios 18:21

An cha'chajp lac p'ʌtʌlel ti t'an. Cha'an ti lac t'an mi la cʌc' ti chʌmel. Cha'an ti lac t'an mi la cʌc' ti colel. An lac chobejtʌbal ti chajp ti chajp bajche' jach mi laj c'ʌn la cac'.

Proverbios 4:17

Mi' tajob i bʌl i ñʌc' cha'an i ye'tel ti jontolil. Mi' tajob vino cha'an i ye'tel ti jisaya.

Oseas 10:13

Pero mach che'ic tsa' mele, Efraín. Tsa' pʌc'ʌ jontolil. Jini cha'an wola' c'aj wocol. Mi caj a toj a mul cha'an tsa' ñopo lot. Tsa' lon ña'ta xuc'ulet cha'an cabʌl a soldadojob yic'ot cabʌl a we'tijib cha'an guerra.

Habacuc 2:17

Che' bajche' tsa' seq'ue jubel jini te' ti Líbano, che' ja'el mi caj a tsejpel jubel. Che' bajche' tsa' jisa winicob, che' ja'el mi caj i jisañet jini bʌte'el, cha'an ti' caj pejtelel a tsʌnsa yic'ot a jontolil ti pejtelel pañimil.

Habacuc 2:8

Ti' caj cha'an tsa tic'la yambʌ winicob ti ñaxan, talob i tic'lañet jini yan tac bʌ tejclumob cha'an mi' q'uextʌbeñet a mul. Tsa' tsʌnsa cabʌl i pi'ʌlob. Tsa' jisʌbeyob i lum yic'ot i tejclum tac. P'ump'un tsa' tic'la jini ya' bʌ chumulob.

Apocalipsis 16:6

Come tsi' bec'beyob i ch'ich'el i cha'año' bʌ Dios yic'ot i ch'ich'el jini x'alt'añob. Wʌle tsa'ix a wʌq'ueyob i japob ch'ich'. Che'ʌch yom cha'an i mulob, che'en.