Proverbios 11:4 - Chol: I T’an Dios

⁴ Ma'anic i c'ʌjñibal chubʌ'añʌl ti' q'uiñilel i mich'lel Dios. Pero i yuts'atlel jini toj bʌ mi' yʌc' ti colel jini mu' bʌ caj ti chʌmel.

Chol de Tumbalá Bible

⁴ Ma'anic i c'ʌjñibal chubʌ'añʌl ti' q'uiñilel i mich'lel Dios. Pero i yuts'atlel jini toj bʌ mi' yʌc' ti colel jini mu' bʌ caj ti chʌmel.

Proverbios 11:4 Iomraidhean Croise

Genesis 7:1

Lac Yum tsi' sube Noé: Ochen ti barco, yic'ot pejtel año' bʌ ti a wotot, come tsaj q'uele tojet tic tojlel yic'ot ti' tojlel pejtel winicob x'ixicob ti pañimil.

Job 20:28

Mi' caj ti jejmel i yotot yic'ot pejtel i bʌl. Mi caj i wejts'el majlel che' bajche' but'ja' ti' yorajlel i mich'lel Dios.

Proverbios 10:2

Anquese letsem i tojol chuqui tac mi' ch'ʌm winic ti jontolil, ma'anic chuqui mi' yʌq'uen. I yuts'atlel jini toj bʌ mi' yʌc' ti colel jini mu' bʌ caj ti chʌmel.

Proverbios 12:28

Mi' tajtʌl laj cuxtʌlel ti toj bʌ bij. Ma'anic majch mi' caj ti jilel ya'i.

Proverbios 6:34

Mich'atax jini winic mu' bʌ i cʌytʌl cha'an i pi'ʌl. Mach muq'uic i p'untan jini am bʌ i mul che' mi' yʌq'uen i toj.

Isaias 10:3

¿Chuqui mi caj la' mel ti' q'uiñilel wocol che' mic choc tilel wocol tilem bʌ ti ñajtʌl? ¿Majqui mi caj la' pejcan cha'an mi' coltañetla? ¿Baqui mi mejlel la' cʌntan la' chubʌ'an?

Ezequiel 14:14

Wʌ'ic chumulob Noé yic'ot Daniel yic'ot Job ti' tojlelob, ma'anic i p'ʌtʌlel cha'an mi' coltañob. I bajñelob jach mi' colelob jini tojo' bʌ cha'an ti wen bʌ i melbalob, che'en lac Yum Dios.

Ezequiel 7:19

Mi caj i chocob i taq'uin ti calle. Jini plata yic'ot oro mach mejlic i coltañob ti' q'uiñilel i mich'ajel lac Yum. Mach mejlic i c'uxob waj che' an i wi'ñal. Ti' caj i taq'uin tsa' cajiyob ti mulil.

Sofonias 1:18

Mach mejlic i coltañet a taq'uin ti' q'uiñilel wocol che' mich' lac Yum, come pejtel pañimil mi caj i jisʌntel cha'an i mich'lel. Isujm mach jalic mi caj i laj jisan jini año' bʌ ti Judá.

Mateo 16:26

Come ¿chuqui mi' taj winic mi tsi' lon ch'ʌmʌ pejtelel pañimil pero mi tsa' sajti i ch'ujlel? Mi tsa' sajti i ch'ujlel winic, ¿chuqui mi mejlel i yʌc' cha'an mi' cha' taj?

Lucas 12:20

Dios tsi' sube jini winic: “Tontojet, ti jini jach bʌ ac'ʌlel talob i pʌy majlel a ch'ujlel. Che' jini, ¿majqui i cha'an pejtelel a chubʌ'an tsa' bʌ a tempa?” che'en.

Romanos 5:17

Cha'an ti' mul jini juntiquil winic wersa mi' chʌmelob pejtel winicob x'ixicob, pero cha'an ti' yutslel juntiquil, jiñʌch Jesucristo, cuxul mi' yajñelob jini mu' bʌ i ch'ʌmob ñuc bʌ i yutslel i pusic'al Dios yic'ot toj bʌ i pusic'al mu' bʌ i yʌq'uentelob ti' majtan jach. Che' jini mi caj i mʌjlel i cha'añob.

1 Timoteo 4:8

Mi lac taj ts'ita' lac wenlel che' mi laj cʌntan lac bʌc'tal. Pero cabʌl mi lac taj che' ch'ujul mi la cajñel. Come mi' coltañonla wʌle ti ili ora yic'ot ti jini tal to bʌ ora.